Ո՞վ է սաուդցի լրագրողը, որին մասնատել են Ստամբուլի հյուպատոսությունում (տեսանյութ)
Երկու շաբաթ հերքումներից հետո Սաուդյան Արաբիայի իշխանությունն ի վերջո ընդունեց, որ լրագրողին սպանել են: Բայց կտտանքների մասին տեղեկությունները չհաստատեց` ասելով, որ սպանության պատճառը եղել է վիճաբանությունը: Խաշոկջին վիճել է 18 սաուդցիների հետ, որոնք, պատահաբար, եղել են թագաժառանգ-արքայազնի թիկնազորի անդամներն ու երկրի հետախուզության ներկայացուցիչներ:
Սարսափելի է նաև լրագրողի մարմնի ճակատագիրը: Նրան մասնատել և փորձել են հետքերը վերացնել քիմիական լուծույթների միջոցով: Թուրք քննիչները հայտարարել են, որ ունեն հանցագործության անհերքելի ապացույցներ:
59-ամյա լրագրողն իրականում շատ հետաքրքիր կենսագրություն ունի: Նա վերջին տարիներին հեռացել էր հայրենիքից և բնակվում էր Միացյալ Նահանգներում: Քննադատողական հոդվածների հետևում կան ուշագրավ մանրամասներ: Մասնավորապես, Խաշոկջին արքայազն Թուրքիի մտերիմն էր, մինչդեռ անցած տարի Սաուդյան Արաբիայում տեղի ունեցած պալատական հեղաշրջումից հետո Թուրքին և մյուս արքայազները հայտվել էին լուսանցնքում: Իշխանությունն ամբողջությամբ անցել էր Մուհամմադին: Բացի այդ, Ջամալ Խաշոկջին լուրջ կապեր և ազդեցություն է ունեցել Սաուդյան Արաբիայի Մուսուլման Եղբայրների` ծայրահեղ իսլամիստների շրջանում, որոնց դեմ համառ պայքար է մղում թագաժառանգը:
Կարդացեք նաև.
Սաուդյան Արաբիայի թագաժառանգի մտերիմներին կասկածում են լրագրողի սպանության մեջ
Թուրքերը 9 ժամ 10 րոպե խուզարկել են Սաուդյան Արաբիայի հյուպատոսությունը
Լրագրողը տարիներ առաջ նաև անկեղծացել էր, որ շատ մտերիմ է եղել Ուսամա բեն Լադենի հետ: 90-ականներին նա նույնիսկ հարցազրույց է վերցրել բեն Լադենից: Ավելին, Խաշոկջիի հայրը ամերիկյան քաղաքական վերնախավի ամենասպասված հյուրերից էր, միլիարդատեր, որի հարստության ծագումն այդքան էլ հստակ չէ: Եվս մեկ հետաքրքիր փաստ, Ջամալ Խաշոկջիի հորաքրոջ որդին Դոդի Ֆայեդն էր` հենց այն եգիպտոսցին, ում հետ ավտովթարից զոհվեց արքայադուստր Դիանան:
Այնպես որ, լրագրողի սպանության միջազգային արձագանքը կապված չէ միայն նրա մասնագիտական գործունեության հետ: Հարցն ունի քաղաքական մեծ նշանակություն, առավել ևս, որ Խաշոկջին 2 տարի առաջ քննադատում էր Դոնալդ Թրամփին և կոչ էր անում Սաուդյան Արաբիային հարաբերություններ չհաստատել այն ժամանակ դեռ նախագահի թեկնածու Թրամփի հետ: Ապագա թագաժառանգ Մուհամմադն այլ կարծիք ուներ, և անցած տարի Թրամփն ու Մուհամմադը պայմանավորվեցին 110 միլիարդ դոլարի զենքի գործարքի շուրջ:
Սաուդյան Արաբիայում սկսվել են հրաժարականներ, արքայազնը անձամբ զանգել է սպանված լրագրողի որդուն: Պաշտոնապես` ցավակցել է:
[embed]https://www.youtube.com/watch?v=Oe1JOwRtlt0[/embed]
Հետևեք newmag-ին Telegram-ում և Instagram-ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)