Սկանդինավյան 14 բառեր, որոնք իմանալն անհրաժեշտ է

1. Ֆորելսկետ (Forelsket)

Ներվեգիայում բառ են հորինել, որը նկարագրում է սիրահարվածության ժամանակ մարդու զգացողությունը: Ի դեպ, այդ զգացումը նկարագրող բառն օգտագործում են հենց այն պահին, երբ մարդը հենց նոր է սիրահարվել:

2. Գյոկոտտա (Gökotta)

Շվեդերեն է, որը չի թարգմանվում: Այն նշանակում է «Արթնանալ վաղ առավոտյան թռչունների ծլվլոցը լսելու համար»:

3. Կնյուլռուֆս (Knullrufs)

Խառնված մազերը, գլխի վրայի խառնաշփոթը բուռն սեքսից հետո կարելի է նկարագրել ընդամենը շվեդերեն մեկ բառով:

4. Օրկա (Orka)

Շվեդերն աս բառն օգտագործում են, երբ էներգիայով լի են ու ցանկանում են ինչ-որ բան անել: Բայց որպես կանոն այն օգտագործում են բացասական համատեքստում:

5. Վոբբա (Vobba)

Վոբբա նշանակում է վճարվող ազատ օր վերցնել երեխային խնամելու համար, այդուհանդերձ տնից աշխատել:  Այս տերմինը շվեդերեն երկու բառի միավորման արդյունք է. Jobba (աշխատել) և vabba (տանը նստել):

6. Ուգուգլբար (Ogooglebar)

Տառացի նշանակում է անգուգլելի:Բառ, որն օգտագործում են, երբ ինչ-որ տեղեկության վերաբերյալ Google-ում տվյալներ չկան:

7. Սուրստրյոմինգ (Surströmming)

Շվեդական խոհանոցի ազգային կերակրատեսակներից է, դելիկատես՝ մարինացված, պահածոյացված ծովատառեխ:

• 
  

  The Times-ի լրագրող. Մոնա Լիզայի խորհրդավոր ժպիտը հիվանդության հետևանք է

  
  


• 
  

  Նրա մանեկենները պատմում են քաղաքի պատմությունները․ Իսպանացի լուսանկարչի օբյեկտիվում պլաստիկ մարդիկ են

  
  


• 
  

  Իրականում նա Վան Գոգը չէ. հնչյունաբանության առանձնահատկությունները

  
  

8. Հակառլ (Hákarl)

Ավանդական իռլանդական կերակրատեսակ է, վիկինգների ուտեստ է: Գրենլանդական շնաձկան միս է, որը հում վիճակում թունավոր է, մեծ քանակությամբ ամոնիակ է պարունակում և մարդու համար մահաբեր է: Բայց վերամշակման մի քանի փուլ անցնելուց հետո, մի քանի շաբաթ անց դառնում է դելիկատես:

9. Գրավլակս (Gravlax)

Եվս մեկ ծովամթերք «թաղված» աղով մարինացված սաղմոն է, այն տարածված է Ֆինլանդիայում, Դանիայում, Շվեդիայում, Նորվեգիայում և Իսլանդիայում: Միայն անունն է սարսափելի, իրականում համեղ է: Հին ժամանակներում այն հողի մեջ են պահել, որ մարինացվի, մեր օրերում «թաղման» կարիք այլևս չկա: Սկանդինավյան այս ուտեստը կարելի է պատրաստել խոհանոցում:

10. Կիվիակ (Kiviak)

Թվում է` ինչը կարող է ավելի տարօրինակ լինել, քան փտած շնաձուկը կամ ծովատառեխը: Թերևս Գրենլանդիայի կիվիակը` թռչուններով լցոնած փոկ: Ի դեպ թռչուններին փոկի մսի արանքն են տեղավորում հաճախ կտուցով ու փետուրներով` առանց մաքրելու և կարում են: Մի քանի ամիս անց փոկի միսը պատրաստ է:

11. Ֆիկա (Fika)

Սուրճի դադարն է, որի ժամանակ սուրճի հետ ինչ-որ քաղցր բան են ուտում: Շվեդների համար սա հատուկ ծիսակարգ է:

12. Հյուգե (Hygge)

Ուղղակի բառ չէ: Այն նկարագրում է երջանկության, հարմարավետության զգացումը:

13. Լագոմ (Lagom)

Լագոմը ամեն ինչում չափի բալանսի զգացողությունն է: Շվեդների համար երջանկության գրավականը:

14. Արբայթսգլեդե (Arbejdsglaede)

Դանիայում «աշխատանքից երջանկության» զգացողությունը նկարագրելու համար հենց այս բառն են օգտագործում:

Lifehacker

Հետևեք   newmag-ին    Telegram–ում և    Instagram–ում