[Զինվորի օրագիր-24] Զորակոչին ընդառաջ` օգտակար խորհուրդներ ծառայող տղաներից նորակոչիկներին. ինչ անել ու չանել, ասել ու լռել հավաքակայանից մինչև զորանոց

_ Զորակոչիկներ, ողջույն: Վաստակած ժպիտով սպասում ենք բոլորիդ: Մեզ մոտ՝ զորանոցում, հիմա ու դեռ մեկ ամիս տոն է լինելու: Տղերքով նստած ժամերն ենք հաշվում, վաղը այս ժամին կսպասենք ձեզ: Պատրաստվել ենք, մեր հագուկապը կարգի բերել, ձեզ դիմավորելու ենք ծափերով: Հատկապես ես ու ինձ նման մի քանի տասնյակ տղա, որովհետև գալիս եք մեզ փոխարինելու:
Հիմա շատերդ վարսավիրանոցում եք, մյուսներն ընկերների հետ, մեկ ուրիշն էլ ընկերուհու գրկում: Կարոտել ենք էդ օրերին: Մի քանի ժամից էլ տուն կգնաք՝ բանակի քեֆի, ձեր քեֆին: Կխմեք, կպարեք: Գիշերը չեք քնի: Լարված ու չանցնող ժամերը օրեր կթվան, լույսը կբացվի ու դուք՝ բանակ եք գնում, ավելի ստույգ գալիս:

• 5  ահասարսուռ իրապատում զինվորական սարսափների մասին


• 25 տարի առաջ տեղի ունեցած գաղտնի հավաքն ու քառօրյա պատերազմը. Պատմում է ականատեսը


• Ո՞ր դեպքում միայն կարելի է զինվորին ալկոհոլ տալ


• Շամշադինի Փառքը, որի համար հարևանները գլխագին են սահմանել


• Պալիգոնում «զենք-զենքի» բռնած, քրտնած, հոգնած ու հեծանիվով պապուն սպասելիս


• Զենքի հետ անգույշ վարվելու կամ սպանության զոհերը ոչ թե պարզապես զինվորներն են, այլ զինակից ընկերները. ահա, թե ինչու

1. Ձեզ հետ սնունդ չվերցնեք: Մեր ժամանակ էր, որ բոլորս բրդուճներով էինք բանակ գնում, որ հավաքակայանում քաղցած չմնանք: Հիմա ձեզ ընդունելու են մեծ շուքով, սուփրա-սեղանով: Կատակ չէ, շատ համեղ ու հայկական խոհանոցից եք օգտվելու: Ամբողջ մենյուն չեմ կարող հրապարակել, բայց որ տոլմա լինելու է, ճշտված է: (Սա մեր մեջ):


2. Կտրեք մազերը մինչև հավաքակայան գալը, հակառակ դեպքում ավելորդ մունաթի կարժանանաք, ամեն անցող-դարձող զինվորական կասի, կծիծաղի: Այս ամենից հետո ձեր մազերը կխուզեն բոլոր ժամանակների «չեպեշնիկների» գլխի փոշին առած մեքենայով: Թող մուտքը զորամաս անթերի լինի:


3. Ձեր ամենալավ շորերով կգնաք հավաքակայան: Մեր ժամանակ այլ էր, համազգեստը տալիս էին, անձնական շորերի մասին մոռանում էինք, անհետանում էին: Այդ էր պատճառը, որ բանակ էինք գնում՝ հնամաշ ու ներկի հետքերով ու մի քիչ պատառոտված շապիկով ու տաբատով, փոքրացած ու նետելու ենթակա կոշիկով: Հիմա զինվորական հանդերձանքը կտան, ձեր հագուստն էլ ինքներդ պարկի մեջ կլցնեք, զինկոմիսարիատում առանց բացելու կփոխանցեն ծնողներին: Հանգիստ եղեք:


4. Հեռախոս մի վերցրեք: Նույնիսկ՝ ամենաէժան ու թեկուզև միայն «զանգող-զանգ ընդունող» բջջայինը՝ ձախորդություն է: Բռնեցին բոլորի առաջ կվարկաբեկեն: Այդ մասով ռազմականի տղերքը շատ խիստ են: 


5. Եթե ծխող եք, արդեն լավ չէ, բայց փաստ է: Ուրեմն վերցրեք առնվազն տասը տուփ ծխախոտ, որ զորամասում գոնե մեկը ձեզ հասնի: Բոլորը բերանները լայն բացած ձեզ են սպասում, նաև ծխախոտին: Ի դեպ, եթե զորամասում խնդրեն, չմերժեք, բոլորին էլ տվեք: Այլապես՝ տհաճ զրույցներ կսկսվեն:

• 
  
  
  
  • 
    
    
    
    • Ինչպես հայտնվեցի զինվորական հոսպիտալում. «սրտացավ» պատմություն
    
    
    • Հիմա` ավել անե՞լ բանակում, թե՞ ոչ. Զինուժի ներքին բարքերը Խորհրդային բանակից ու Միլենիումից հետո
    
    
    • Սիրել հեռվից, սոցցանցով ու չիզբուրգերով. ռոմանտիկան ու ծառայությունը
    
    
    • Կոմիտասցի կյաժի մսակերությունն ու դիզակի արծիվի սպայական բանաձևը
    
    
    
    
  
  
  
  

• Խաշած հավերը եկան:  

• «Ցելկա» 24-ները եկան:

• Ախպերս, մի հատ շուտ գնա КПП, հերթապահին ասա` պլացի բանալիները տա:

• Էս ուր էիր այ ախպեր: Ուր էիր, երկու տարի է քեզ եմ սպասում:

• 
  
  
  
  • 
    
    
    
    • Ինչ պատահեց, երբ հենակետից անհետացան բուշլաթները
    
    
    • Բոնդոն և նրա արկածները առաջնագծում
    
    
    • Ընտանեկան կռիվ ընդդեմ թուրքերի, գաղտնաբառերի տարբերությունը և ОК-ի ռազմական անցյալը
    
    
    • Առաջին անգամ դիրքերում. Հենակետն ու շատ մոտ և շոշափելի հակառակորդը
    
    
    • Կինոյի տղեն, Եղիշե Չարենցն ու էրոտիկ պոեզիան
    
    
    
    
  
  
  
  

• Գեբեշկով փլավ կուտե՞ս:

• Նառի կոմպոտ խմե՞լ ես:

• Մի հատ կմիացնես սառնարանը, ապրանքը փչացավ:

• Զինքոմեդին ու նրա հետևանքները և ինչո՞ւ հրաժարվեցի 10-օրյա արձակուրդից


• Ալիևի ծնունդի ծանոթն ու ամեն ինչ Ռազմական Ոստիկանության մասին


• Առաջին թունավորումը, առաջին սուտը և առաջին ձերբակալությունը


• Տարօրինակ նորակոչիկները, ֆոկուսնիկը, անտանելի ձյունն ու թունավոր կոտլետները


• Բանակային սանրվածք, թրաշ, կոշիկներ և տիկին Մալվինան ու մեր պտուկները

• Մի թշնամացիր զինվորների հետ, առաջին պահին դու ուրախ չես, իրենք հակառակը: Մի քանի օր անց ընկերանալու եք և ամենակարևորը՝ նրանք են քո կողքին այս ամիսների ընթացքում, մասնավորապես ամենադժվար օրերին:


• Ծանոթներ մի փնտրիր, մի թող քեզ համար քո ընկերներն ու հարազատները միջնորդներ գտնեն տեղդ թեթևացնելու, ծառայությունդ «թռցնելու» համար: Շատ հակասական հետևանքներ կարող են ունենալ: Այդպես կամ կլինես բոլորի համար սիրված ու ընդունված կամ հակառակը՝ բոլորի աչքի փուշը: Քո նկատմամբ սերն ու հարգանքը ստեղծիր ինքդ, քո քրտինքով ու սառը դատողությամբ: Այդպես անխոցելի կլինես:


• Հարգիր սպաներին: Դու ծառայում ես երկու տարի, նրանք` տասն անգամ ավելի: Ավելի մեծ հոգսերի տեր մարդիկ են ու ծանր աշխատանքի մեջ: Հավասարակշռությամբ շփվիր հասակակիցներիդ ու վերադասիդ հետ: Որևէ արկածախնդրություն որևէ մեկին հաջողություն չի բերել՝ կեղծ համարձակությունից բացի:


• Կարդա, ազատ ժամանակդ քիչ չէ, հետևաբար նաև հեշտ կառավարելի էլ չէ՝ շուրջդ շատ տարբեր տղաներ կան: Այդպես կկարողանաս հեռու մնալ արատավոր բարքերից, երևույթներից, քաշքշուկից: Չմասնակցես որևէ խաղի, «ղումարի», կխորտակվես, կխորտակես բարեկամներիդ:


• Ծնողներիդ մի ծանրաբեռնիր գումար խնդրելով: Ժուժկալությունը բանակում խրախուսելի է, մանավանդ, որ սնունդդ, հագուստդ ապահովում են, լրացուցիչ վայելքները դատապարտելի չեն, բայց ճոխություն պետք չէ:


• Չհարվածես որևէ մեկին:Կործանարար է: Փորձիր մյուսների սխալները բանավոր բացատրել: Եղիր համբերատար ու հանդուրժող: Ոչ էլ թող, որ քեզ հարվածեն, հեռանկարը նույնն է՝ ռազմական ոստիկանություն, կարգապահական վաշտ, նախանձելի օրեր չեն, մի ճնշիր թույլերին, ոչ էլ թող քեզ ճնշեն, կյանքդ ճաղավանդակներում կանցնի: Վստահեցնում եմ:


• Կատարիր պարտականություններդ, զորամասում ու դիրքում: Միայն այդպես կարող ես անվտանգ տուն վերադառնալ: Մի խուսափիր մաքրությունից՝ զորանոցում, զորամասի տարածքում, հենակետում: Ամոթ չէ, կարգն է այդպիսին, միայն թե հետևիր, որ արտոնյալներ չլինեն, ամեն ինչ խաղաղ է, երբ հավասար են բոլորը:


• Զենքի հետ զգույշ կլինես, դիրքում` ուշադիր: Հումորը մի խառնիր ծառայողական կյանքին, մահացու է: Հիշիր, տանը քեզ սպասում են: