[exclusive] Սիրիահայ ընտանիքները աշխարհը պտտվելուց հետո Բեյրութում կրկին հարևաններ են դարձել

«Դեմքիս վրա 18 կար եղավ, ամբողջ գլուխս արյուն էր: Երեսիս պայթեց, բեկորները մատներիս վնասան, մինչև հիմա ցավում է», - ասում է Մառլեն Կարագյոզյանը:
Կարագյոզյանների ընտանիքի տեղահանությունը հատկապես բարդ անցավ: Ստամբուլի Քադըքյոյ թաղամասում ապրեցին երկու ամիս: Արագ հեռացան: Նազարեթ Կարագյոզյանը` տան ավագը, ասում է` պատճառը Թուրքիայում թանկ կյանքն էր, ինքն ու կինը առողջական լուրջ խնդիրներ ունեն, վարսահարդար տղայի աշխատավարձը միայն տան վարձին էր բավականացնում:
Հալեպ վերադառնալու տարբերակը չեն քննարկում: Հեռանալիս վաճառել են տունը, չնչին գնով և արաբների: Բեյրութում էլ երկար չեն մնա: Երևանում թողել են դստերը և նորածին թոռնուհուն:
Լիբանան հասած 10 հազար սիրիահայերից Խաչատրյանների ընտանիքը Հալեպից հեռացել է, երբ ռումբերը և մեքենաներին դարսված դիերը հասել են հայկական թաղեր:
«Շատ ցնցվեց, ուղղակի ցնցում եղավ, դրանից հետո էլեկտրականությունն անջատվեց, հետո ջուրը»,- հիշում է Անի Խաչատրյանը:
Հալեպը ծարավ էր ամիսներ շարունակ: Ջրի վերջին առվակները ցամաքել էին ավերակների վերածվող քաղաքի փողոցներում: Հիմա ջրի և էլեկտրականության մատակարարումը վերականգնվել է, բայց հայերը չեն շտապում վերադառնալ:
«Հալեպի շուրջը տակավին հարցեր կան: Հիմա այստեղ` Բեյրութում, որոշ չափով հարմարվել ենք, աշխատանք ենք գտել, այս ամենը թողնենք, վերադառնանք, հետո այնտեղ նորից խնդիր լինի, շատ դժվար կլինի», - ասում է Անի Խաչատրյանը:
Հալեպի շուրջ եղած գլխավոր հարցն ու վտանգն այսօր Աֆրինն է: Թուրքիայի նախագահը բացահայտ ներխուժեց Սիրիայի տարածք և թուրքական հրոսակների որջի վերածվող սիրիական քաղաքը հալեպից հեռու է ընդամենը 60 կիլոմետր:

• Թուրքիայի նախագահի արտառոց հայտարարությունները 2018-ին. ի՞նչ ասաց, որ շոկի ենթարկեց բոլորին


• Ռումբ` տոհմածառի տակ. ամենամոլեռանդ թուրքերը պարզվել է, որ հայ են


• Ո՞րն է Էրդողանի սիրիական սարսափը

Հետևեք newmag-ին Telegram-ում և Instagram-ում։