Newmag-ը ներկայացնում է համաշխարհային ճանաչում ունեցող հոգեբան Բեսել վան դեր Կոլկի New York Times-ի բեսթսելլերը. «Մարմինը ամեն ինչ հիշում է» (թրեյլեր)
03/26/2025
Ինչպես են ուղեղը, միտքը և մարմինը հաղթահարում տրավման, ինչո՞ւ ցավալի հիշողությունները չեն մոռացվում, ինչպե՞ս են դրանք ազդում հոգու ու մարմնի վրա ու ինչպես հաղթահարել դրանք։ Newmag-ը հայերեն է հրատարակել 30-ից ավելի լեզուներով թարգմանված հոգեբանական գիրքը։
«Մարմինն ամեն ինչ հիշում է» գիրքը ներկայացնում է սթրեսի բուժման նոր և ավելի արդյունավետ մեթոդներ, ամփոփում է այն ամենը, ինչ գիտենք այսօր տրավմայի՝ մարդկանց և հասարակությունների վրա թողած հետևանքների մասին։
Որտեղ են թաքնված տրավմայի անտեսանելի հետքերն ու ինչպես է ուղեղը պահպանում ցավոտ հիշողությունները: Սա գիրք է, որը խորը ու համապարփակ անդրադառնում է տրավմաների թեմային։
Դոկտոր վան դեր Կոլկը համադրել է իր կլինիկական փորձը, նյարդաբանական գիտելիքը, արդյունավետ մեթոդներն ու մարդկային վերաբերմունքը և այդպես առաջարկում է բուժման նոր հորիզոն այն հոգեբանական վերքերի համար, որոնք շատերս ունենք։
Ըստ նրա, տրավման՝ որպես ֆիզիկական և հոգեբանական ցավի խորը հետք, կարող է փոխել մեր ներքին աշխարհը, վերաձևավորել մտածողությունը և վարքագիծը: Բեսել վան դեր Կոլկն իր «Մարմինը ամեն ինչ հիշում է» գրքում խոր ուսումնասիրել է, թե ինչպես է տրավման ներթափանցում մեր մարմին.
«Ցավալի իրադարձություններից շատ ժամանակ անց դրանց մասին հիշողությունները կարող են վերադառնալ՝ առաջացնելով մեծ չափաբաժնով սթրեսային հորմոնների արտազատում։ Դա էլ դառնում է ուժեղ բացասական հույզերի և ֆիզիկական ռեալ զգացողությունների, նաև իմպուլսիվ ու ագրեսիվ վարքի պատճառ։
Տրավման առաջացնում է իրական ֆիզիոլոգիական փոփոխություններ, այդ թվում՝ ուղեղի տագնապի համակարգի վերափոխում, սթրեսի հորմոնների ակտիվացում և ավելորդ ինֆորմացիայից ազատվելու համակարգի վերափոխում»։
Տրավմատիկ փորձառությունները տարբերվում են սովորական հիշողություններից: Ըստ հեղինակի, հիշողությունները պահպանվում են ոչ միայն մտային, այլև մարմնական մակարդակով: Տրավման փոխում է նյարդային համակարգի աշխատանքը:
Նյարդային համակարգը մնում է մշտական տագնապի և պատրաստության վիճակում։ Նույնիսկ անվտանգ իրավիճակներում կարող են արթնանալ հին վախեր:
Տրավման ոչ միայն հոգեբանական փորձառություն է, այլ կենսաբանական իրականություն: Հասկանալով դրա մեխանիզմները՝ մենք կարող ենք ավելի արդյունավետ աշխատել դրա հետ և վերագտնել ներքին հավասարակշռությունը:
Դոկտոր վան դեր Կոլկը իր գրքով ապացուցում է՝ բուժումը և վերականգնումը հնարավոր, է և ընդամենն աջակցության և համբերության կարիք ունեք։
Ծանոթանալ ՆՈՐ ՄԻՏՔ X ՆՈՐ ԹԱՐԳՄԱՆՈՒԹՅՈՒՆ Gulbenkian & Newmag book forum-ի ծրագրին
Գրքի գլխավոր գործընկեր՝ «Գալուստ Կիւլպէնկեան» Հիմնարկութիւնն է։ Մարտի 27-ին և 28-ին Holiday Inn Yerevan հյուրանոցում սրահում տեղի կունենա Newmag հրատարակչությունն ու «Գալուստ Կիւլպէնկեան» Հիմնարկութիան համատեղ համաժողովը։ Գրական իրադարձության ընթացքում՝ մարտի 27-ին, 18:00-ին տեղի կունենա «Մարմինը ամեն ինչ հիշում է» գրքի շնորհանդեսը։
Տարածել
Բեսել վան դեր Կոլկ
7800 ֏
Նկարագրություն
Տրավման արմատապես փոխում է մարդու ուղեղի կառուցվածքը, խախտում նյարդային համակարգի նուրբ հավասարակշռությունը և մարմնի ֆիզիոլոգիական ռեակցիաները։ Համաշխարհային ճանաչում ունեցող հոգեբույժ Բեսելվան դեր Կոլկն իր բեսթսելլեր աշխատությունում բացատրում է, թե ինչու չեն մոռացվում ցավալի հիշողությունները, ինչպես են դրանք դրսևորվում ֆիզիկական և հուզական խնդիրների տեսքով, և ինչպես կարելի է հաղթահարել դրանց հետևանքները։ Հեղինակն իրական պատմությունների և գիտական հետազոտությունների միջոցով ներկայացնում է նորարար թերապևտիկ մոտեցումներ, որոնք յուրաքանչյուր ընթերցողի կօգնեն վերականգնել հոգեկան ու ֆիզիկական հավասարակշռությունը։
Կարդա նաև
Տեղի է ունեցել թուրք պատմաբան Թաներ Աքչամի «Ցեղասպան պետության ակունքները» գրքի հեռուստաշնորհանդեսը (տեսանյութ)
Թուրք պատմաբան Թաներ Աքչամի մասնակցությամբ տեղի ունեցավ նոր գրքի շնորհանդեսը (լուսանկարներ)
Տեղի ունեցավ Դեմիր Սյոնմեզի «Վիրավոր արծիվը» գրքի հեռուստաշնորհանդեսը (տեսանյութ)
«Ցեղասպանագիտության շաբաթը» բացվեց հատուկ հրատարակության՝ Վահագն Դադրյանի գրքի շնորհանդեսով (լուսանկարներ)