Newmag-ը ներկայացնում է Դարեն Հարդիի «Փոքր քայլերի Մեծ արդյունքը» գիրքը (թրեյլեր)

Այս գիրքը միաժամանակ ճանաչվել է The New York Times, Wall Street Journal, USA Today բեսթսելլեր։ Այս գրքի մասին միջազգային փորձագետների ու ճանաչված հեղինակների review-ները հարյուրավոր են։ Այս գիրքը ուղեցույց է ու անձնական աճի վառ ապացույց՝ ինչպես են փոքր, բայց հետևողական գործողությունները ձևավորում մեծ արդյունք։

70-ականների սերնդի ամերիկացի գրող, բիզնես խորհրդատու, մոտիվացիոն խոսնակ Դարեն Հարդին իր առաջին հաջողությունները գրանցել է 18 տարեկանում։ Այդ ժամանակ նա արդեն վաստակում էր վեցանիշ թվերով եկամուտ, 24-ում ուներ ավելի քան մեկմիլիոն դոլար տարեկան հասույթ, 27-ում ղեկավարում էր ընկերություն, որի ամենամյաշրջանառությունը գերազանցում էր 50 միլիոն դոլարը։

Իր անձնական օրինակը Հարդին դարձրեց հաջողության պատմություն ու այդ մասին գրեց գրքեր, հանդես եկավ դասախոսություններով։ Նրա խորհրդատվական ծրագրերը ոգևորել են միլիոնավոր մարդկանց, օգնել, որ նրանք վերահսկենիրենց որոշումները, արդյունավետ սովորություններ ձևավորեն, անձնական ու մասնագիտականկյանքում կայուն հաջողության հասնեն։ 2016-ին արժանացել է Խոսնակների ազգային ասոցիացիայի(NSA) ամենաբարձր պարգևին՝ Master of Influence մրցանակին։ 

«Փոքր քայլերի Մեծ արդյունքը» գրքի հաջողության գաղտնիքն իր պարզության մեջ է։ Հեղինակը կարողացել է առանց խաբկանքի, առանց չափազանցումների, առանց հրաշագործ լուծումների ներկայացնել հիմնարար սկզբունքներ, որոնք աշխարհի ամենանշանավոր ու հաջողակ մարդկանց առաջնորդել են կյանքի բոլոր ոլորտներում։ Հարդին բացատրում է, որ հաջողությունը կախարդանք չէ, այլ սովորությունների, կարգապահության և ամենօրյա ճիշտ որոշումների հետևանք։ 

«Փոքր քայլերի Մեծ արդյունքը» գրքի թարգմանիչը Դավիթ Սարգսյանն է։ Աշխատությունը հայերեն թարգմանելու և հրատարակելու գաղափարը WELES GROUP-ինն է։ Ընկերությունը համոզված է, որ Հարդիի պարզ, կիրառելի և ոգեշնչող գիրքը կօգնի ընթերցողին ստանձնել սեփական կյանքի ղեկը և քայլառ քայլ ստեղծել ապագան, որին ձգտում ես։ 

Նոյեմբերի 5-ին, 19:00 DoubleTree by Hilton հյուրանոցում տեղի կունենա Դարեն Հարդիի «Փոքր քայլերի Մեծ արդյունքը» գրքի շնորհանդեսը։ Բեսթսելլերի մասին ելույթով հանդես կգան թարգմանիչը, խմբագիրը, WELES GROUP-ի տնօրենն ու փոխտնօրենը։ Այդ օրը գիրքը կարող եք գնել հատուկ զեղչով։