The New York Times-ը զգուշացնում է՝ ԱՄՆ-ը խստացրել է վիզայի կանոնները
Նախկինում այս կարգը վերաբերում էր միայն առաջին ամսվան: Եթե երեք ամսվա ընթացքում պարզվի, որ փոխել եք այցի նպատակը, օրինակ՝ որոշել եք աշխատել, ամուսնանալ կամ սովորելու համար հայտ եք ներկայացրել, ապա ձեր գործողությունները կորակվեն որպես ԱՄՆ կառավարությանը խափելու փորձ և կարգի խախտում: Պատասխան քայլը կլինի այն, որ երկրորդ անգամ չեն թույլատրի երկիր մուտք գործել, անգամ կարող են դեպորտ անել:
Այս կարգի մասին տեղեկացված են ԱՄՆ դիվանագիտական բոլոր կառույցները: Հրամանը ստորագրել է ԱՄՆ պետքարտուղար Թիլերսոնը:
Կարդացեք նաև.
- Ռուս-ամերիկյան դիվանագիտակռիվը ազդում է հասարակ քաղաքացիների վրա. վիզա ստանալը դարձել է մղձավանջ
- «Մերժված է». Թրամփը խստացնում է վիզայի տրամադրման կարգը. ո՞ր երկրներին է դա վերաբերում
- Մերօրյա հերոսները, Երևանի նոր արձանները, Jamson Party-ն ու առանց վիզայի իրանցիները
Ըստ The New York Times-ի, վիզայի տրամադրման նոր կարգով Թրամփը փորձում է վերահսկել միգրացիոն հոսքը: Փաստաբանները զգուշացնում են՝ եթե Միացյալ Նահանգներ գնաք ճանապարհորդելու, հանկարծ սիրահարվեք, ամուսնանաք ու գրին քարտի հայտ ներկայացնեք, ապա, ըստ նոր կարգի, ձեզ հաստատ կմերժեն:
2017-ի սկզբին, ահաբեկչության դեմ պայքարի շրջանակում, Թրամփը հրահանգեց արգելել մուսուլմանական մի շարք երկրների քաղաքացիների մուտքը ԱՄՆ, սակայն ԱՄՆ դատարանը չեղարկեց նախագահի հրամանը: Հունիսի սկզբին հայտարարվեց՝ ԱՄՆ վիզա տրամադրելու ժամանակ դեսպանատունն իրավասու է պահանջել սոցցանցերի տվյալներ:
Ըստ վիճակագրության, 2016-ին տրամադրվել է ավելի քան 10 մլն. ԱՄՆ մուտքի վիզա: Նոր կարգը ենթադրում է թվի կտրուկ նվազում:
Տարածել
Կարդա նաև
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)