«Ինչ է պոպուլիզմ» ԱՄՆ-ում. Դոնալդ Թրամփ
newmag-ը շարունակում է ներկայացնել համաշխարհային պոպուլիստ առաջնորդիներին՝ «Ինչ է պոպուլիզմը» գրքի շրջանակներում։ Այսօր ներկայացնում ենք ԱՄՆ նախագահ Դոնալդ Թրամփին։ Դոնալդ Թրամփի քաղաքական ֆենոմենը քննարկում են բոլորը: Չլինելով պոպուլիստ` քաղաքական հակառակորդից առաջ անցնելու համար ԱՄՆ նախագահն իր նախընտրական քարոզարշավի ընթացքում օգտվեց պոպուլիզմի ամենատարածված գործիքներից:
Ով կամ ինչն է մեղավոր - Աջ պոպուլիստների թշնամիներն են միգրացիան և գլոբալիզացիան: Թրամփի նախընտրական ամենաքննարկված խոստումներից մեկը Մեքսիկայի հետ սահմանին պատ կառուցելն էր: Այդ պատը դարձավ պոպուլիզմի հուշարձան: Իր համակիրների հավաքական անհանգստությունների վրա հենվելով՝ Թրամփն առաջացրեց հրատապության զգացում, և ոչ լեգալ փախստականներին դարձրեց ամերիկացիների բոլոր խնդիրների հիմնական մեղավորը: Թրամփն առանց բացառության բոլորին անվանում էր թմրամոլ ու հանցագործ:
newmag-ում կարդացեք նաև․
«Ինչ է պոպուլիզմը» Ֆրասնիայում. Ազգային ճակատն ու Մարինը
«Ինչ է պոպուլիզմը» Իտալիայում
«Ինչ է պոպուլիզմը» Ուկրաինայում
Հակառակ իսթեբլիշմենթին - Հանրապետական Թրամփի շոկային բառամթերքն ու արտասովոր վարքը տպավորություն են ստեղծում, թե նա դուրս է քաղաքական դասական համակարգից: Իրականում, սակայն, նրա գործողությունները հստակ տեղավորվում են ԱՄՆ հանրապետական կուսակցության քաղաքական փիլիսոփայության մեջ: Կոշտ, անզիջում, հումորի անսպառ պաշարով հայտարարությունները կողմնակիցներին ու ընդդիմախոսներին դրդում են հետևել նրա գործունեությանը: Թրամփը չէր ձանձրացնում, նա հետաքրքիր էր իր անկանխատեսելիությամբ: Նա ծաղրում էր հակառակորդներին, լրագրողներին, դերասաններին, կռվում էր բոլորի հետ, տալիս էր պարզ լուծումներ բարդ խնդիրներին: ՆԱՏՕ-ից փող էր ուզում, հրապարակավ զայրանում դաշնակիցների վրա, սպառնում ոչնչացնել Հյուսիսային Կորեան:
Մեդիայի հետ հարաբերություններ - Պոպուլիստների սիրելի զբաղմունքը լրագրողներին թիրախավորելն է: Թրամփը մի առիթով հայտարարեց` մեր գլխավոր հակառակորդը ոչ թե դեմոկրատներն են, այլ լրատվամիջոցները: Իր հասցեին մեղադրանքներ հնչեցնող լրագրողներին Թրամփը պատասխանում է անձնական վիրավորանքներով: Նրա համար պաշտոնական ամենակարևոր լուրերն ու որոշումները հրապարակելու հարթակ է դարձել թվիթերը: Մեկ թվիթ և Թրամփը կարող է աշխատանքից ազատել առանցքային քաղաքական գործչի կամ էլ կայացնել արտաքին քաղաքական կարևոր որոշում:
Հետևեք newmag-ին Instagram-ում և Telegram-ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)