Իդեալական աշխատավայրի չեք-լիստ․ ի՞նչն է ազդում արդյունավետության վրա
1. Ջերմաստիճան
Տարածքի ջերմաստիճանն ազդում է աշխատունակության վրա: Դժվար է աշխատել, երբ գրասենյակում շատ շոգ է կամ շատ ցուրտ: Տաք եղանակին սենյակում պետք է լինի 23–25 °C, իսկ ցուրտ եղանակին` 22–24 °C: Xiaomi-ն առաջարկում է ոչ թանկ գաջեթ, որը կչափի ջերմաստիճանը, օդի խոնավությունը:
2. Բնական լույս
Կենտրոնանալու համար բավական է փոխել լամպը կամ տեղափոխվել լուսամուտի մոտ: Աշխատունակության համար օպտիմալը բնական ու արևային լույսն է: Արևային լույսին այլընտրանք կարող են լինել նեյտրալ սպիտակ լույսերը, որոնք ունեն 4 500–5 000 К ջերմություն: Ջերմստիճանը նշվում է լամպի տուփի վրա:
3. Հարմար աթոռ
Մեջքի ցավերը, ուսերում լարվածությունը հուշում են, որ աշխատանքային աթոռը շատ ցածր է: Շատ բարձր աթոռն էլ կարող է վնասել արմունկի ներքին հատվածները: Աթոռի իդեալական բարձրությունը կարելի է հասկանալ այսպես. Երբ թաթերն ամբողջությամբ հատակին են, իսկ ծնկների անկյունը կազմում է 90%:
4. Ինտերյեր
Գույներն ազդում են մեր տրամադրության վրա: Որոշ տոներ առաջացնում են տագնապ, որոշները` ոգեշնչում են: Մուգ պատերը ճնշում են, աշխատանքային տարածքը դարձնում ավելի նեղ: Տաք գույները, օրինակ, դեղինը, ոգեշնչում են: Վառ գույները` կարմիրը, նարնջագույնը, շեղում են աշխատանքից ու արագացնում զարկերակի աշխատանքը:
Կարդացեք նաև․
- Ինչո՞ւ պետք է առաջին հերթին ձեր մասին հոգ տանեք, հետո միայն մյուսների
- 9 բան, որի համար երբեք չպետք է ներողություն խնդրել
- Ինչպե՞ս պաշտպանվել գրպանահատից
5. Աշխատանքային սեղան
Մարդկանց մեծ մասի մոտ թափթփված աշխատասեղանն առաջացնում է սթրես, պակասեցնում ուշադրությունը, ազդում աշխատունակության վրա: Եթե ուզում եք ավելի շատ հասցնել, սեղանից հեռացրեք դակիչները, մկրատները: Սեղանին թողեք միայն ամենապետաքական իրերը:
6. Աղմուկ
Բարձր աղմուկները խանգարում են կենտրոնանալ, բայց լիակատար աղմուկն էլ է շեղում: Աշխատանքի համար ամենաօպտիմալ աղմուկը պետք է լինի մոտավորապես 70 ԴԲ: Աղմուկը կարելի է չափել մոբայլ հավելվածների միջոցով: Մարդկանց ձայներն ավելի շատ են շեղում, քան փողոցից եկող աղմուկը: Եթե կարողանում եք աշխատել ականջակալներով ու երաժշտությամբ, ընտրեք փակ ու լավ ձայնամեկուսացում ունեցող ականջակալ:
7. Արագ ինտերնետ
Արագ ինտերնետն ազդում է ոչ միայն տրամադրության, այլ նաև աշխատունակության վրա: Երբ ինտերնետը սկսում է դանդաղել, մենք սկսում ենք շեղվել. թեյ ենք պատրաստում, մեր սմարթֆոնով Instagram ենք մտնում:
8. Հակասթրես խաղալիքներ
Հակասթրեսային շատ խաղալիքներ կան, օրինակ, ձեռքերի համար նախատեսված ծամոններ, դրանք մերսում են ափերի վրա գտնվող նյարդային վերջավորությունները: Կարող եք նյարդերը հանգստացնել նաև ռուբիկ-կուբիկով, սպիներով, մագնիսով մոդուլային գրիչով:
9. Բաց տարածքի հնարավորություն
Ճաշից հետո նույնիսկ ոչ երկար զբոսանքը բաց տարածությունում կվերականգնի աշխատելու ցանկությունը ու մինչև օրվա վերջ աշխատելու էներգիա կտա: Մաքուր օդն օգնում է հաղթահարել սթրեսը, հոգնածությունը, ֆիզիկական ակտիվությունը նաև էներգիայի հավելյալ աղբյուր է:
Հետևեք newmag-ին Telegram-ում և Instagram-ում։
Տարածել
Կարդա նաև
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)