Նկարագրություն
Ինչո՞ւ եւ ինչպե՞ս սկիզբ առավ հայ-թուրքական գործընթացը։ Ի՞նչ ընտրության առաջ էր կանգնած Հայաստանը։ Ի՞նչ էր իրականում տեղի ունենում Նյու Յորքում, Դավոսում, Մյունխենում, Պրահայում, Ստամբուլում, Ցյուրիխում եւ Բուրսայում։
Սամվել Ֆարմանյանն ականատեսի վկայություններով ներկայացնում է ֆուտբոլային դիվանագիտության ամբողջ ընթացքը։ Առաջին անգամ գաղտնազերծվում են ՀՀ նախագահ Սերժ Սարգսյանի բանակցությունները, որոնք 2008-2010 թթ. վարել է Թուրքիայի նախագահ Գյուլի, վարչապետ Էրդողանի, Ֆրանսիայի նախագահ Սարկոզիի, ԱՄՆ նախագահ Օբամայի, պետքարտուղար Քլինթոնի եւ այլ պաշտոնյաների հետ։ Ներկայացվում է կարգավորման նախապատմությունը, աշխարհաքաղաքական կենտրոնների շահերի իրական քարտեզը, ներգրավված կողմերի իրարամերժ նպատակները, ինտրիգային հետնաբեմն ու որոշումների տրամաբանությունը։
Հուշագրությունը կօգնի հասկանալ հայ-թուրքական ու արցախյան հիմնախնդիրները, բացահայտել տարածաշրջանային իրողությունների պատճառահետեւանքային կապերը՝ հասնելով մեր օրեր։ Գիրքը կհետաքրքրի պատմաբաններին, պետական, քաղաքական, հասարակական գործիչներին, դիվանագետներին, լրագրողներին, վերլուծաբաններին ու հետաքրքրասեր ընթերցողներին։
Լրացուցիչ տեղեկություն
Օրիգինալ անունը Միայնակ ընդդեմ ճակատագրի: Ֆուտբոլային դիվանագիտության հետնաբեմը
Կատեգորիան Հուշագրություն
ISBN 978-9939-884-84-4
Հրատարակության տարին 2023
Էջերի քանակը 448
Չափսը 16x24, կոշտ կազմ
Հեղինակներ
Սամվել Ֆարմանյան
Սամվել Ֆարմանյանը (ծնվ.1978թ.) պատմական գիտությունների թեկնածու է, հեղինակել է գիտական ու հրապարակախոսական հոդվածներ, 2012-ին հրատարակել է «Ճապոնական հրաշքը և ճապոնացիները» մենագրությունը: Եղել է ԱԺ 6-րդ և 7-րդ գումարումների պատգամավոր: 2008-2010 թթ. եղել է ՀՀ նախագահի մամուլի քարտուղար, ներկա գտնվել հայ-թուրքական բանակցություններին:
Թողնել կարծիք