Տիգրան Պետրոսյան

Գահերի խաղը

4800 ֏

Նկարագրություն

Այս գրքի վրա Տիգրան Պետրոսյանը սկսել է աշխատել 1980-ականների սկզբին, բայց այդպես էլ չի ավարտել այն։ Նրա մահից հետո ամփոփ տեսքի է բերել շախմատիստի այրին՝ Ռոնա Պետրոսյանը։
Գիրքը կազմելիս օգտագործվել են Պետրոսյանի դասախոսությունները, որոնք նվիրված են շախմատային ռազմավարական նրբություններին, ռեպորտաժներ, հեռուստատեսային և ռադիոձայնագրություններ, շաբաթաթերթերում հրատարակված հոդվածներ: Նրա կնոջ՝ Ռոնա Պետրոսյանի ջանքով հաջողվել է գտնել Պետրոսյանի դասախոսությունների ձայնագրությունները, որոնք համարվում են անվանի շախմատիստի ուսուցողական լավագույն նյութերը:
Տիգրան Պետրոսյանն ունեցել է պաշտպանողական խաղաոճ, ինչի շնորհիվ ստացել է «Երկաթե Տիգրան» պատվանունը: Հազվադեպ էր հարձակվում և ավելի շատ ջանք էր գործադրում հակառակորդի հարձակումները կանխելու, քան իր հարձակումները կազմակերպելու համար։ Համբերատարությունն ու լավ պաշտպանվելու վարպետությունը նրան դարձրել էին դժվար պարտվող շախմատիստ:
Գրքում հավաքված են աշխարհի չեմպիոնի կարևոր հոդվածները, պարտիաների մեկնաբանությունները, քայլերի համակարգումը, դասախոսությունները: Լեգենդար շախմատիստի 14 դասերն ընդգրկում են շախմատային պարտիայի բոլոր փուլերը՝ գիրքը դարձնելով ինքնակատարելագործման հիանալի ձեռնարկ:
Գրքի համար հատուկ նախաբան է գրել շախմատի աշխարհի 13-րդ չեմպիոն Գարի Կասպարովը։

Լրացուցիչ տեղեկություն

Օրիգինալ անունը Шахматные лекции

Կատեգորիան Սպորտային

ISBN 978-9939-9196-8-3

Հրատարակության տարին 2019

Էջերի քանակը 339

Չափսը 14.5x22.3, կոշտ կազմ

Հեղինակներ

Տիգրան Պետրոսյան

Տիգրան Պետրոսյանը (1929-1984) ծնվել է Թբիլիսիում: 1952թ. Ստացել է միջազգային գրոսմայստերի կոչում: 1963 թ. Հաղթել է Միխայիլ Բոտվիննիկին և դարձել շախմատի 9-րդ չեմպիոն: Նա 1966-ին պահպանել է շախմատի աշխարհի չեմպիոնի կոչումը՝ վճռորոշ պարտիայում հաղթելով Բորիս Սպասկուն: Պետրոսյանը մահացել է ստամոքսի քաղցկեղից Մոսկվայում: Հուղարկավորված է Մոսկվայի հայկական գերեզմանոցում: Հայաստանի շախմատիստի կենտրոնական տունը 1984-ից կրում է նրա անունը: Փարիզում 2011-ին բացվել է աշխարհի կրկնակի չեմպիոնի անվան շախմատային ակումբ: ՀՀ ԿԲ-ը 2018-ին շրջանառության մեջ է դրել 2000 դրամանոց նոր թղթադրամ՝ Պետրասյանի դիմապատկերով:

Գրքի թրեյլեր

Կարծիքներ

Արդյունքներ չեն գտնվել

Թողնել կարծիք