Նկարագրություն
2019-ի գարնանը երաժշտական աշխարհը ցնցվում է անսպասելի լուրից. համաշխարհային ճանաչում ունեցող երիտասարդ հայ դաշնակահար ու կոմպոզիտոր Իդան ողբերգական ավտովթարի պատճառով հեռացել է կյանքից: Մահից ամիսներ անց հայաստանյան ամենամեծ հրատարակչության հիմնադիրը կապվում է Իդայի օգնականի ու ամենամտերիմ մարդու՝ Նենէի հետ՝ առաջարկելով Իդայի մասին կենսագրական գիրք գրել: Նենէն համաձայնում է, բայց գրվող ամեն էջի հետ բացահայտվում ենմանրամասներ, որոնք ստիպում են բացել անցյալի մռայլ էջերը, նորովի ճանաչել մարդկանց ու առերեսվել սարսափելի իրականությանը...
«Աղի թեյը» պատմություն է ճակատագրական թուլությունների, ներանձնային խնդիրների, բայց և դրանց լուծման, ուժի ու ամրության մասին: Սեր, ընկերություն, ընտանիք ու...երաժշտություն։ Առանցքում մարդն է, որ փորձում է գտնել իրեն ու փրկվել ի հեճուկս դժվարությունների:
Լրացուցիչ տեղեկություն
Օրիգինալ անունը Աղի թեյ
Կատեգորիան Գեղարվեստական
ISBN 978-9939-884-62-2
Հրատարակության տարին 2022
Էջերի քանակը 280
Չափսը 14.5x22.3, կոշտ կազմ
Հեղինակներ
Սյունե Սևադա
Սյունե Սևադան (ծնվ. 1995 թ.)ավարտել է ԵՊՀ ժուռնալիստիկայի ֆակուլտետը։ 2010-ից ստեղծել էր իր բլոգ-կայքը, որտեղ պարբերաբար հրապարակել է իր պատմվածքները։ Դրանց հիման վրա 2019-ին հրատարակվել է Սյունեի առաջին գիրքը՝ «Կախվածություն» պատմվածքների ժողովածուն, որը ներառում էր հեղինակի գրական վաղ շրջանի ստեղծագործությունները։ Այս ժողովածուի որոշ պատմվածքներ թարգմանվել ու հրատարակվել են տարբեր երկրների ամսագրերում, գրական ժողովածուներում ու կայքերում։ «Աղի թեյը» Սյունե Սևադայի երկրորդ գիրքն է և առաջին վեպը։
Թողնել կարծիք