Ժոել Դիկեր

Ճշմարտությունը Հարի Քվեբերտի գործի մասին

8800 ֏

Նկարագրություն

15-ամյա Նոլա Կելերգանը 1975-ի օգոստոսի 30-ին մտնում է անտառ ու անհետանում։ Այդ օրը Նյու Հեմփշիր նահանգի Ավրորա քաղաքը զրկվում է հանգստից: 33 տարի անց երիտասարդ գրող Մարկուս Գոլդմանն այցելում է Ավրորա, որպեսզի գրական ոգեշնչում ձեռք բերի ու հետ չընկնի իր հրատարակչի սահմանած վերջնաժամկետից։ Նաև ցանկանում է հանդիպել Ամերիկայի ամենահեղինակավոր գրողներից մեկին՝ իր ուսուցիչ Հարի Քվեբերտին։ Սակայն սենսացիոն իրադարձությունը տապալում է Մարկուսի ծրագրերը։ Հարիին ներկայացվում է Նոլա Կելերգանին սպանելու մեղադրանք, քանի որ նրանց միջև սիրավեպ էր եղել: Մեդիան մեղադրում է Հարիին, և Մարկուսը սկսում է իր քննությունը: Հարիի գրական կարիերան ու նույնիսկ կյանքը փրկելու համար Մարկուսը պետք է պատասխանի երեք հարցի՝ ո՞վ է սպանել Նոլա Կելերգանին, 1975-ին ի՞նչ է կատարվել Ավրորայում, և ի՞նչ է պետք իսկական վեպ գրելու համար:

Լրացուցիչ տեղեկություն

Օրիգինալ անունը La Vérité sur l'affaire Harry Queber

Կատեգորիան Գեղարվեստական

ISBN 978-9939-967-03-5

Հրատարակության տարին 2023

Էջերի քանակը 680

Չափսը 16x24, կոշտ կազմ

Թարգմանիչ Սամվել Գասպարյան

Հեղինակներ

Ժոել Դիկեր

Ժոել Դիկերը (ծնվ. 1985 թ.) Ժնևի համալսարանում ստացել Իրավունքի մագիստրոսի կոչում: Չհրապարակված ձեռագրի համար արժանացել է «Ժնևի գրողների մրցանակին», ինչից հետո ֆրանսիացի հրատարակիչ Բերնար դե Ֆալուան ձեռք է բերել Դիկերի առաջին՝ «Մեր հայրերի վերջին օրերը» վեպի իրավունքը՝ հրատարակելով այն 2010-ին: 2012-ին Ֆալուան հրատարակել է Դիկերի «Ամբողջ ճշմարտությունը Հարի Քվեբերտի գործի մասին» վեպը, որն անմիջապես դարձել է բեսթսելլեր, թարգմանվել 32 լեզվով։ Վեպն ամերիկյան շուկայում ամենաշատ վաճառված թարգմանությունների մեջ է։ Նաև էկրանավորվել է որպես 10-մասանոց հեռուստասերիալ։ Այն համարվում է Շվեյցարիայի պատասխանը «Դրագոնի դաջվածքով աղջիկը» սկանդինավյան թրիլլերին։ Դիկերի ոճը համեմատել են Վլադիմիր Նաբոկովի և Ֆիլիպ Ռոտի գրելաոճի հետ։

Գրքի թրեյլեր

Կարծիքներ

Արդյունքներ չեն գտնվել

Թողնել կարծիք

Տես նաև