Ակբա բանկն ու Ակբա Լիզինգը՝ FRANCOFEST-ի հովանավոր

2019 թվականին Newmag-ը Շառլ Ազնավուրի ծննդյան օրը՝ մայիսի 22-ին, ներկայացրեց հայերեն հրատարակությամբ իր առաջին գիրքը «Կյանքից կառչածը»: Հետո արդեն տարին երկու անգամ՝ մեծ շանսոնեի ծննդյան ու մահվան օրերին ներկայացնում էր նրա գրքերը: Մինչև 100-ամյակը Newmag-ը որոշել է հայերեն հրատարակել բոլոր գործերը: Այս կարևոր առաքելությունն իրականություն է դարձել Ամունդի-Ակբա Ասեթ Մենեջմենթի շնորհիվ: Հենց նրանց ֆինանսավորմամբ էլ հայ ընթերցողը հնարավորություն է ստանում ընթերցել ու նաև լսել Շառլ Ազնավուրին հայերեն: 

«Բանկի և Newmag հրատարակչության առաջին համատեղ աշխատանքը գրքի տպագրության շրջանակում եղել է ՀՀ Ազգային հերոս, համաշխարհային հռչակ ունեցող մեծանուն շանսոնյե Շառլ Ազնավուրի կողմից գրված վեպի առաջին հայերեն թարգմանությունը։ Ինչից հետո Ակբա Ֆինանսական Խմբի աջակցությամբ շարունակվել է մեծանուն հայի գրական ստեղծագործությունների հայալեզու ներկայացումը հայ հասարակությանը»,֊ընդգծում է Ակբա բանկի «Մարքեթինգի վարչության պետ» Օֆելյա Սաղաթելյանը։

Ըստ Ակբա բանկի «Մարքեթինգի վարչության պետ» Օֆելյա Սաղաթելյանի, Ակբա Ֆինանսական Խումբն՝ ի դեմս Ակբա բանկի և Ակբա Լիզինգի, որպես ֆրանկոֆոն և Հայաստանում հայ-ֆրանսիական բիզնես մշակույթների միավորող, չէր կարող անմասն մնալ նաև FRANCOFEST-ից. «Շատ կարևորելով վերջին տարիներին Newmag-ի ներդրումը հայ-ֆրանսիական մշակութային կապերի ամրապնդման գործում, կարծում ենք՝ ֆրանսալեզու գրքերի առաջին փառատոնը Հայաստանում մեր ժողովուրդների մշակութային մերձեցման հերթական կարևոր փուլն է։ Ակբա Ֆինանսական Խումբն ուրախ է մասնակցել մշակութային և գրական ավանդույթի ձևավորմանը»։ 

ԾԱՆՈԹԱՆԱԼ FRANCOFEST-ի ծրագրին

Հաշվի առնելով Newmag-ի և բանկի երկարամյա արդյունավետ գործակցությունը, Հայաստանում առաջին անգամ անցկացվող FRANCOFEST-ը ևս մեկ լավ համագործակցության հնարավորություն է։

Կարդացեք նաև

FRANCOFEST. Newmag-ն առաջին անգամ Հայաստանում կանցկացնի ֆրանսիական գրքի փառատոն