Գրողները ու գրաքննադատները՝ Ֆերանտեի քառագրության 2-րդ գրքի՝ «Նոր ազգանվան պատմությունը» վեպի մասին (տեսանյութ)
Իտալացի ամենառեղծվածային գրող Էլենա Ֆերանտեն իր Նեապոլիտանական քառագրությունում ներկայացնում է ավելի քան 60 տարի ձգվող Էլենայի ու Լիլայի ընկերության պատմությունը: Իրադարձությունները սկիզբ են առնում 1950-ականներին, Նեապոլի արվարձանում: 2021-ի սկզբին Newmag-ը հայերեն թարգմանեց ու հրատարակեց առաջին գիրքը՝ «Իմ հանճարեղ ընկերուհին»: «Նոր ազգանվան պատմությունը» երկրորդն է Ֆերանտեի քառագրության մեջ: «Կանանց ընկերությունն անթերի, իսկ նկարագրությունը՝ եզակի»- այսպես են քննադատները ներկայացնում գրողին:
Աշխարհահռչակ գրողները, դերասաններն ու ռեժիսորները կարդում են Ֆերանտե: Քննդատների խոսքով, վիպաշարը ընկերությանը նվիրված լավագույն ստեղծագործությունն է: Ըստ նրանց, Ֆերանտեի 4 գրքերը հիշեցնում են կանանց ներաշխարհը բացահայտող բալզակյան գիրը։
Էնն Հուդ, The Book That Matters Most գրքի հեղինակ
«Էլենա Ֆերանտեի «Նոր ազգանվան պատմությունը» երկրորդն է նրա նեապոլիտանական քառագրության մեջ: Միայն մի բան կասեմ՝ կարդացե՛ք»:
Էմիլի Գոուլդ, Friendship գրքի հեղինակ
«Բարդ ու երկարատև ընկերության ամենաճշմարտացի պատմությունը, որը երբևէ կարդացել եմ»:
Ջոն Ուոթերս, ռեժիսոր
«Էլենա Ֆերանտեն լավագույն զայրացած կին գրողն է: Գրողներն ու գրաքննադատները Ֆերանտեի յուրահատկությունը բացատրում են նրա սառնասիրտ ու ազնիվ պատումներով: Համարում են, որ Ֆերանտեն ժամանակակից մեծագույն գրողներից մեկն է, երկխոսությունների լավագույն վարպետը»:
Ռոքսան Ռոբինսոն, գրաքննադատ
«Էլենա Ֆերանտեն մեր ժամանակի ամենամեծ արձակագիրներից մեկն է: Նրա ձայնը կրքոտ է, հայացքը՝ կլանող»:
Ջհումպա Լահաիրի, Պուլիցերյան դափնեկիր, The Lowland գրքի հեղինակ
«Նեապոլիտանական քառյակը գլուխգործոց է… Կլանված կարդացել եմ բոլոր գրքերը: Ոգևորությունս շատ մեծ էր»:
Գիդեոն Լյուիս-Կրաուս, Sense of direction գրքի հեղինակ
«Այս վիպաշարը պետք է ճանաչվի մեր դարաշրջանի ամենահզոր ստեղծագործություններից մեկը»:
Արևմտյան մամուլը նույնպես բարձր է գնահատել Ֆերանտեի քառագրությանը: Ահա, թե երկրորդ գրքի մասին ինչ կարծիքներ են հայտնվել հեղինակավոր պարբերականներում:
The New Yorker
Նեապոլիտանական վեպերն ընթերցելիս չեմ ուզում դադար տալ: Նյարդայնանում եմ խոչընդոտներից՝ իմ աշխատանքից, մետրոյում հանդիպող ծանոթներից, որոնց պատճառով ստիպված եմ փակել այդ գրքերը:
Independent on Sunday
«Նոր ազգանվան պատմությունը» վեպն իր նախորդի պես բարձրարժեք գեղարվեստական ստեղծագործություն է: Ոչ-ոք չի կարող Ֆերանտեի պես շարադրել կանանց երկխոսությունը։ Նա դա անում է այնպիսի կրքով, որը ցնցում է իր անկեղծությամբ և նյարդայնացնում իր անմիջականությամբ:
Booklist
Քառագրության երկրորդ մասը` «Նոր ազգանվան պատմությունը», մեծ հետաքրքրություն է առաջացրել ամբողջ աշխարհում: Գիրքը կարդացել են աշխարհի 50 երկրներում: