Նկարագրություն
Էլենա Ֆերանտեի «Իմ հանճարեղ ընկերուհին» ընթերցողներին ներկայացրեց անմոռանալի Էլենային եւ Լիլային, որոնց հարատեւ ընկերությունը դառնում է հեղինակի նեապոլիտանական վեպերի առանցքը: «Նոր ազգանվան պատմությունը» այս շարքի երկրորդ գիրքն է:
«Նոր ազգանվան պատմության» մեջ Լիլան ամուսնացել է եւ ներգրավվել ընտանեկան բիզնեսում: Միաժամանակ, Էլենան շարունակում է իր ուսումը եւ ուսումնասիրում իրենց հեղձուկ թաղամասից այն կողմ եղած աշխարհը: Սեր, խանդ, ընտանիք, ազատություն, պարտավորություն եւ, առաջին հերթին, ընկերություն. ահա՛ երկու կանանց կենսական պատմությունների նոր շրջանը: Ամուսնական կյանքը, երեւում է, բանտարկել է Լիլային, իսկ Էլենային գերազանցելու ճիգերը երբեմն չափից շատ են իր համար:
Այնուամենայնիվ, այս երկու երիտասարդ կանանց միացնում է խճճված եւ զարգացող կապը, որն առանցքային դեր ունի նրանց հուզական կյանքում եւ օգնում է հաղթահարել բոլոր դժվարությունները:
Լրացուցիչ տեղեկություն
Օրիգինալ անունը Storia del nuovo cognome
Կատեգորիան Գեղարվեստական
ISBN 978-9939-884-37-0
Հրատարակության տարին 2021
Էջերի քանակը 480
Չափսը 16x24, կոշտ կազմ
Թարգմանիչ Ջեննի Ֆիլյան
Հեղինակներ
Էլենա Ֆերանտե
Էլենա Ֆերանտե կեղծանվամբ ներկայացող իտալացի գրողը ծնվել է Նեապոլում, 1943-ին: Հեղինակել է 10-ից ավելի գիրք: Ֆերանտեի անանուն գրքերը հանրության ուշադրության կենտրոնում հայտնվեցին, երբ The New York Times-ն անդրադարձավ հեղինակին` փորձելով բացահայտել նրա ինքնությունը: Ֆերանտեն չունի լուսանկարներ և հարցազրույցներ է տալիս միայն փոստով: Նույնիսկ նրա խմբագիրն ու հրատարակիչը չեն տեսել ու չեն ճանաչում հեղինակին: Ենթադրվում է, որ Ֆերանտեն ամուսնացած է և երեխաներ ունի:
Թողնել կարծիք