Չարլզ Դահիգ. Արդյունավետությունն ի հայտ է գալիս այն ժամանակ, երբ մարդիկ սկսում են այլ կերպ մտածել (լուսանկարներ)

«Ավելի խելացի, արագ, հաջողակ» գրքի հեղինակն օրերից մի օր հասկացավ, որ աշխատանքի համար ժամանակը միշտ քիչ է, սովորաբար չի հասցնում ժամկետին ավարտել, անվերջ ցայտնոտի և վազվզոցի մեջ է. «Գիրքը պատմում է այն մասին, թե ինչպես կարելի է նպատակները ճիշտ սահմանել՝ մեծ հավակնությունները զուգակցելով թեթև առաջադրանքների հետ: Գրել եմ այն մասին, թե ինչպես կարելի է այս տեխնիկայի շնորհիվ դառնալ պոկերի ազգային մրցաշարի հաղթող»:

Ըստ Դահիգի,  արդյունավետ լինելու համար պարտադիր չէ ավելի շատ ջանք ու քրտինք թափել: Արդյունավետությունը պարզապես գրասեղանի դիմաց ժամեր անցկացնելու կամ ավելի մեծ զոհողությունների արդյունք չէ. «Պարզել ենք, թե որ որոշումներն են մեզ առավել մոտեցնում հաջողությանը և որ նպատակներ են անհնարինը դարձնում հնարավոր: Գիրքը սովորեցնում է, թե ինչպես պետք է կայացնել որոշումներ, որոնք կնպաստեն իրական ադյունավետությանը»:

  

Գրողը կարծում է, որ եթե սովորեք ճանաչել այլընտրանքները, ժամանակի ընթացքում կդառնաք ավելի խելացի, արագ և արդյունավետ. «Դպրոցներում հնարավոր է բարեփոխումներ անել, եթե ուսուցիչները փոխեն երեխաների հետ աշխատելու մեթոդները։ Թիմերին կարելի է սովորեցնել դասեր քաղել սխալներից, լարվածությունն օգտագործել ի շահ և թվացյալ անօգուտ ծախսած ժամանակը վերածել կարևոր եզրակացությունների։ Կարելի է բարելավել տարեց մարդկանց կյանքը՝ նրանց սովորեցնելով լինել ապստամբ ու չենթարկվող»։

  

Արդյունավետության էությունն է՝ գիտակցել և ընդունել այլընտրանքները, որոնք շատերը հաճախ աչքաթող են անում։ Դահիգն իր «Ավելի խելացի, արագ, հաջողակ» գրքում գրում է՝ արդյունավետությունն ի հայտ է գալիս այն ժամանակ, երբ մարդիկ սկսում են այլ կերպ մտածել:

Կարդացեք նաև

• [Նոր գիրք]. «Ավելի խելացի, արագ, հաջողակ»՝ մոտիվացիոն գիրք «Սովորության ուժի» հեղինակից (թրեյլեր)