Անհայտ փաստեր Ֆինլանդիայի ու ֆիննական հրաշքի մասին, որոնք հայտնվել են Հենրիկ Մեյնանդերի «Ֆինլանդիայի պատմություն» գրքում (տեսանյութ)

May 23, 2024

Ֆինլանդիայում չկան ո՛չ էլիտար, ո՛չ էլ թույլ դպրոցներ։ Բոլորն ունեն բացարձակապես նույն կահավորանքը, հնարավորությունները և հավասարաչափ ֆինանսավորումը։ Կրթական ուրույն մոտեցումներից բացի, այս երկիրը աշխարհի քարտեզի վրա առանձնանում է ևս մեկ փաստով. ՄԱԿ-ը Ֆինլանդիան համարում է աշխարհի ամենաերջանիկ երկիրը: newmag-ի հրատարակած «Ֆինլանդիայի պատմություն» գրքում հեղինակ Հենրիկ Մեյնանդերը բացահայտում է ֆիննական հրաշքի գաղտնիքը. ինչպե՞ս շվեդական գավառը դարձավ ռուսական ինքնավար դքսություն, արևմուտքի ու արևելքի բախման կիզակետում գտնվելով՝ փրկվեց 20-րդ դարում ու դարձավ աշխարհում տեխնոլոգիական առաջատար երկրներից մեկը:

Հենրիկ Մեյնանդերը «Ֆինլանդիայի պատմություն» գրքում գիտահանրամատչելի ձևով պատմում է Ֆինլանդիայի ամբողջ պատմությունը՝ բացատրելով, թե ինչպես է առաջացել այդ երկիրն ու ժողովուրդը, ինչպես է ձևավորվել ֆիննական ինքնությունը համաշխարհային պատմության համատեքստում: Գիտահանրամատչելի այս գործը թարգմանվել է 16 լեզվով: 

newmag-ը գրքի եջերից առանջնացրել է փաստեր, որոնց շնորհիվ այս երկիրն առանձնանում է աշխարհի մեծ ու փոքր երկրներից։

1. Ֆինլանդիայի տարածքի 74 տոկոսն անտառ է:  

2. Ֆինլանդիան ունի 188.000 լիճ 3. Ֆիններն աշխարհում ամենահաճախ սուրճ խմող ազգն են:

4. Ֆինլանդիայի կրթական համակարգն աշխարհում լավագույններից է:  

5. Nokia-ն ֆիննական ընկերություն է:  

6. Angry Birds խաղը հնարել են Ֆինլանդիայում:  

7. Հոկտեմբերի 13-ը Ֆինլանդիայում նշում են որպես ձախողման օր:

8. Ֆիննական բաղնիքը գրանցվել է ՅՈՒՆԵՍԿՕ-ի մշակութային ժառանգության ցանկում:

 9. ՄԱԿ-ը Ֆինլանդիան համարում է աշխարհի ամենաերջանիկ երկիրը:  

10. Աշխարհի ամենահայտնի ֆիննը Ձմեռ պապն է. Լապլանդիան ֆիննական նահանգ է: 

Քաղաքացիական և համաշխարհային պատերազմների մեջ ու կործանման եզրին՝ այս երկիրը փրկվեց, դարձավ անկախ ու ոտքի կանգնեց: Այն, ինչ չհաջողվեց շատերին, ֆիններն արեցին լուռ ու համբերատար՝ հաղթահարելով բոլոր փորձությունները: Newmag-ը Մեյնանդերի գիրքը հայերեն է հրատարակել Ֆինլանդիայի ԱԳ նախարարության և «Ֆիննի» ապրանքանիշի հետ գործակցության արդյունքում։

Կարդացեք նաև