Հենրիկ Մեյնանդեր. «Տեսել եմ Արարատը հեռվից, Արարատի մասին գիտեմ դեռ Աստվածաշնչից» (լուսանկարներ)

Ըստ «Ֆինլանդիայի պոտմություն» գրքի հեղինակ Մեյնանդերի, ներկայումս  շատ քիչ երկրներ կան, որտեղ պատմաբանները կարողանում են գրի առնել պատմությունն այնպես, ինչպես այն տեղի է ունենում՝ չվախենալով, որ իրենց կբանտարկեն կամ կվնասեն ընտանիքի անդամներին: Նրա խոսքով, դրա համար առաջին հերթին անհրաժեշտ է, որ   պատմաբանը կարողանա ներկայացնել իրողությունն այնպես, ինչպես կա, ունենա խոսքի ազատություն, երկրորդը՝  օբյեկտիվություն: 

Պատմաբանը կարծում է, որ  Հայաստան-Թուրքիա հարաբերությունները միայն այդ երկու երկրներով չեն պայմանավորված, դրանք կախված են աշխարհաքաղաքական գործընթացներից: Շատ բան կախված է նաև Ռուսաստան-Ուկրաինա հակամարտության հանգուցալուծումից: «Միայն Հայաստանը չէ, որ խնդիրներ ունի Թուրքիայի հետ, նրա հետ բոլոր հարևաննները խնդիր ունեն, Հունաստանը, ԵՄ-ն, երևի թե, սա Թուրքիայի առանձնահատկությունն է:»

Արդյոք Ֆինլանդիան աշխարհի ամենաերջանիկ պետություններից մեկն է, ինշպես խպնդում է ՄԱԿ-ը. հեղինակը պատասխանում է. «Եթե ուզում եք իմանալ, Ֆինլանդիան աշխարհի ամենաերջանիկ երկիրն է արդյոք, այցելեք Հելսինկի, ես չեմ կարծում, որ այնտեղ կտեսնեք մարդկանց, որոնք քայլում են  ու ժպտում, բոլորն էլ նորմալ մարդիկ են։ Յուրաքանչյուր հասարակություն ունի դասակարգեր:  Հարկ է դասակարգերի միջև վերացնել տարբերությունը, չունենալ ստորակարգային հարաբերություններ, որպեսզի մարդիկ կարողանան լավ ապրել ու լինեն երջանիկ»։

Անդրադառնալով Ֆինլանդիայի՝ ՆԱՏՕ-ին անդամակցությանը, նա նշեց, որ այդ մտադրությունը եղել է վաղուց, բայց գործընթացն արագացել է՝ Ուկրաինայի պատերազմով պայմանավորված. «Ամեն դեպքում  ֆիննական հասարակության մեջ չկա ռուսաֆոբիա, կառավարությունն  այդ որոշումն ընդունելուց հետո բազմիցս շեշտել է, որ որոշումն անհրաժեշտություն էր Ֆինլանդիայի անվտանգությունն ապահովելու տեսանկյունից: Պաշտպանվածության հետ կապված. փորձը, պատմությունը ցույց է տվել, որ  երբևէ չի կարելի վստահել որևէ դաշնակից երկրի, դա ցույց է տվել երկրորդ համաշխարհային պատերազմը, և Աստված չանի, եթե ինչ-որ բան լինի, ֆինլանդիան պետք է ապավինի սեփական պաշտպանությանն ու բանակին»: 

Նա պատմեց Newmag-ի հետ գործակցության ու Հայաստանից ստացած տպավորությունների մասին. «Մեր գործակցությունը սկսվել է դեսպանատան ու ֆինլանդիայի արտգործնախարարության միջոցով: Դրանից առաջ իմ գիրքը թարգմանվել է 16 լեզուներով: Թարգմանության մասին  չեմ կարող ինչ-որ բան ասել,  բայց  գրքի դիզայնը, շապիկը շատ գրագետ են կազմված, շատ գոհ եմ աշխատանքից հրատարակչատան հետ:

Գիրքը մի պատմություն է  Ֆինլանդիայի մասին, այլ ոչ թե ամբողջական պատմությունը: Ստացվում է , որ ես գիրքը գրել եմ իմ տեսանկյունից: Կարծում եմ հայ հասարակությանը գիրքը կհետաքրքիր այն պատճառով, որ այնտեղ,, ի թիվս այլ երևույթների, խոսում եմ՝ ինպես է Ֆինլանդիան հաղթահարել ռուսական ազդեցությունը, կառուցել Ռուսաստանի հետ հարաբերությունները: Հայաստանում եմ արդեն մի քանի օր. շրջել եմ  Երևանով, տեսել եմ Արարատը հեռվից, Արարատի մասին գիտեմ դեռ Աստվածաշնչից, գիտեմ որ Նոյն իջել է հենց Արարտի գլխին»:

Ֆինն պատմաբանի այցը կավարտվի գրքի շնորհանդեսով, որը տեղի կունենա փետրվարի 16-ին։

Կարդացեք նաև

• Հայաստան է ժամանել ֆինն ամենահայտնի պատմաբան Հենրիկ Մեյնանդերը. Newmag-ը հայերեն է հրատարակել նրա հայտնի գիրքը (թրեյլեր)
• Ֆինն պատմաբան Հենրիկ Մեյնանդերն այցելել է Հայաստանի ամերիկյան համալսարան (լուսանկարներ)