Պետությունների առաջին քայլը պետք է լինի մարդկանց ուղեղների պաշտպանությունը. Յուվալ Նոյ Հարարիի նոր տեսությունը (տեսանյութ)

Երսուսաղեմի հրեական համալսարանի պրոֆեսորը «Homo Deus. Ապագայի համառոտ պատմություն» գրքում գրում է՝ պետությունների առջև հայտնված ու մերօրյա թվացող բազմաթիվ սպառնալիքներն իրականում հին են: Նախ, անդրադառնում է դավադրության տեսություններին, որոնցով հեղեղված է աշխարհը.«Դավադրության տեսությունները միշտ են տարածված եղել, այստեղ նորություն չկա: Այսօր վիճակը նույնիսկ շատ ավելի բարվոք է, քան անցյալում: Միջնադարում, ժանտախտի պատճառը չհասկանալով, լուրեր տարածվեցին, թե մեղավորը հրեաներն են, ասացին՝եկեք հրեաներին սպանենք: Երբ տեղեկություն փոխանցելու միջոցները զարգացան, առաջացան դավադրության տեսությունները տարածելու նոր հնարավորություններ»:

Տպագրության գյուտից հետո ամենաշատ վաճառվող գիրքը ոչ թե Կոպեռնիկոսինն էր կամ Գալիլեինը, այլ «Վհուկներին ինքնուրույն հայտնաբերելու ու սպանելու» ձեռնարկը: Ու այսպես պատմության ամբողջ ընթացքում, բայց տեղեկությունների, հետևաբար, նաև ստերի տարածման տեխնոլոգիաներն այսօր մեծ արագությամբ են զարգանում, ինչը նշանակում է, որ ստերը նույնպես արագ են տարածվում:

Պետք է գտնել նույնպիսի հակավիրուսային ծրագիր մարդու ուղեղը պաշտպանելու համար: Ծրագիր, որը կկարողանամ գնել ու ինքս ինձ պաշտպանել ուղեղի ցանցահենությունից:

Յուվալ Նոյ Հարարին նկատում է՝ ստերին միշտ են հավատում, քանի որ այդպես հեշտ է, ավելին՝ հաճելի է. «Խոսենք 20-րդ դարի մասին: Մենք նացիզմը համարում ենք գաղափարախոսություն, բայց իրականում դա դավադրության տեսություն է, որը վարակեց մի ամբողջ երկիր: Դավադրության տեսություններն այդքան գրավիչ են, քանի որ չափազանց պարզամիտ ու հաճելի են մարդկանց համար: Ճշմարտությունը բարդ ու ցավոտ է: Մարդիկ չեն ուզում դա լսել»:

Եթե քաղաքական գործիչները ճշմարտությունն ասեն երկրի, ժողովրդի, պատմության մասին, հաստատ, կպարտվեն ընտրություններում: Կամ, օրինակ, կորոնավիրուսը: Մարդկանց համար ավելի հեշտ է հավատալ, որորոշ միլիարդատերեր դա ստեղծել են աշխարհը գրավելուհամար, քան հասկանալ, թե վիրուսն ինչ է ու ինչպես է վարակում մարդու մարմինը. «Ես կուզեի որքան հնարավոր է շուտ տեսնել հակավիրուսային ծրագիր ուղեղի համար: Ճիշտ այնպես, ինչպես ունենք համակարգիչների դեպքում, որոնցով պաշտպանում ենք դրանք հարձակումներից: Պետք է գտնել նույնպիսի հակավիրուսային ծրագիր մարդու ուղեղը պաշտպանելու համար: Ծրագիր, որը կկարողանամ գնել ու ինքս ինձ պաշտպանել ուղեղի ցանցահենությունից»:

Կարդացեք նաև

• Ապշեցուցիչ, անհավատալի, հետաքրքիր. համաշխարհային մամուլը Homo Deus-ի մասին (տեսանյութ)
• Ինչ կանխատեսումներ է արել Յուվալ Նոյ Հարարին իր «Homo Deus. Ապագայի համառոտ պատմություն» գրքում (տեսանյութ)
• Տեղի ունեցավ «Homo Deus.Ապագայի համառոտ պատմություն» գրքի հեռուստաշնորհանդեսը (տեսանյութ)
• «Homo Deus». տարվա իմաստուն գիրքն արդեն հասանելի է հայ ընթերցողին
• Newmag-ը հրատարակեց Յուվալ Նոյ Հարարիի 3-րդ բեսթսելլերը՝ «Homo Deus» գիրքը
• «Երևանյան բեսթսելեր» նախագծի ամեն երկրորդ գիրքը Newmag հրատարակչությանն է

Հանդիպելով տարբեր երկրների ղեկավարներիհետ՝Հարարին փորձում է հասկանալ, թե աշխարհի առաջնորդներն ինչպես են տեսնում ապագայի խնդիրները, ինչպես են մտածում մարդիկ, որոնց ուսերին պետք է լինի ժողովուրդների՝ հիմա նաև ուղեղների պաշտպանությունը նոր իրավիճակում: