Տեղի ունեցավ ամենասկանդալային մեգաաստղի կենսագրական գրքի հեռուստաշնորհանդեսը (լուսանկարներ, տեսանյութ)

Կարիերայի սկզբում նա ընդամենը Փերիս Հիլթոնի ոճաբանն էր ու զգեստապահարանի պատասխանատուն, բայց ընդամենը մի քանի տարում այնպիսի հաջողություն գրանցեց, որ շատերը զարմացան: Քիմ Քարդաշյանն այսօր արդեն աշխարհի ամենահայտնի կանանց մեջ է: Նա կայացած փաստաբան է, բիզնեսլեդի, բազմազավակ մայր ու հայտնի միլիարդատեր: Դիմահարդար Հրանուշ Եղոյանը նրան եզակի կերպար է համարում. «Երբեմն լսում եմ կարծիքներ, ի՞նչ է արել, ի՞նչ է անում ինքը, որ այսքան հայտնի է: Իսկ մի հատ տեսեք քանի կին կա, որ նման հաջողության է  հասել: Այսօր կարելի է հեշտությամբ հայտնի դառնալ, բայց ինքը կարողացավ ամեն ինչ օգտագործել: Եզակիներից է»:

«Քիմ. Մերկ ճշմարտություն» գիրքը թարգմանել է Լիլիթ Գրիգորյանը, խմբագրել՝ Տաթեւիկ Նալբանդյանը: Մասնագետներն ընդգծում են՝ Քիմին քննարկում են, քննադատում, բայց ամենից հաճախ՝ կրկնօրինակում: Քարդաշյանի ոճը, հագուստն ու դիմահարդարումը մշտապես ուշադրության կենտրոնում են: Գրքի՝ հայերեն թարգմանության խմբագիր Տաթևիկ Նալբանդյանը Քիմին իր ամենամեծ բացահայտումներից է համարում. 

«Պատկերացրեք այդ բարեմասնությունները լինեին մեկ ուրիշի վրա, կստացվեր գրոտեսկ: Ինձ համար նախ բացահայտում էր,  քանի որ Շոն Սմիթը շատ հետաքրքիր պատմող է, իսկապես մեծ համակրանքով ես լցվում, երբ որ կարդում ես այս գիրքը: Քիմի մասին պատմությունը սկսում է հենց 2015-ին Հայաստան նրա այցով: Սա շատ կարեւոր սկիզբ է նրա յուրահատկությունը ներկայացնելու համար»:

Ինֆլյուենսեր-բլոգեր Հենրի համբարձումյանը պատրաստվում է Քիմի հետ հանդիպմանը: Ասում է՝ բավականին երկար է նախապատրաստվել դրան. «Նա մարդ է, ում աշխարն է սիրում, ու հաջողակ կին է: Նրանց գլխավոր հաղթաթուղթն անկեղծությունն է: Ընտանիքը ցույց է տալիս, որ ռեալիթի շոուն իրական է»:

Քիմ Քարդաշյանն առանձնանում է նաև բազմաթիվ սիրավեպերով ու ամուսնությունենրով: Նրա ամենահայտնի սիրավեպերից մեկը Ամերիկայի ամենահարուստ սևամորթ աստղի հետ էր: Ամուսնությունից հետո երկու աստղերի կարողությունն աճեց երկրաչափական պրոգրեսիայով: Քիմն ու Քանյեն էլ հայտնվեցին Time-ի ամենաազդեցիկ մարդկանց ցուցակում: Հենց Քանյե Ուեսթի հետ Էլ Քիմն առաջին անգամ եկավ Հայաստան: Աշնանային պատերազմի ժամանակ էլ Արցախին օգնելու համար Քիմը նվիրաբերեց 1 միլիոն դոլար: Քիմի կյանքի բոլոր այս մանրամասները Newmag-ը հայերեն է ներկայացրել Evocabank-ի աջակցությամբ: Ընկերության ներկայացուցիչը պնդում է` իրանց ամբողջ թիմն է Քիմին համակրում. «Մեր ամբողջ թիմն առանձնահատուկ համակրանք ունի քիմի նկատմամբ, բոլորս էլ հասկանում էինք՝ ինչ կապված է Քիմի հետ, հաջողված է»:

Քիմ Քարդաշյանը 2021-ից աշխարհի ամենահարուստ կանանց ցուցակում է: Forbes-ը նրան ներառել է միլիարդատերերի շարքում: 2022-ի տվյալով կարողությունը 1 միլիարդ 800 միլիոն դոլար է:

Կարդացեք նաև

• «Քիմ. Մերկ ճշմարտություն». Newmag-ը ներկայացնում է ամենասեքսուալ և սկանդալային մեգաստղի մասին գիրքը (թրեյլեր)
• Ֆոտոռեպորտաժ «Քիմ. Մերկ ճշմարտություն» բեսթսելլերի շնորհանդեսից
• Տեղի ունեցավ «Քիմ. Մերկ ճշմարտություն» գրքի շնորհանդեսն ու «Քիմ. Նոր ստանդարտներ» պանելային քննարկումը (տեսանյութ, լուսանկարներ)