Ռեկորդային ձմեռ ֆուտբոլում. տրանսֆերները` թվերով եւ փաստերով, որքա՞ն ծախսեցին ակումբները
Հունվարի 31-ին` 0 ժամին, եվրոպական առաջնություններում փակվեց ձմեռային տրանսֆերային պատուհանը: Անգլիայում, Իսպանիայում, Գերմանիայում, Իտալիայում եւ Ֆրանսիայում ակումբները գործարքների կարող են վերադառնալ ամռանը:
Սպորտային վիճակագրությամբ զբաղվող Sports Business Group-ի տվյալով` ձմեռային տրանսֆերային պատուհանի վերջին օրը անգլիական ակումբները ռեկորդային գումարներ են ծախսել: Մրցաշրջան 2017-18-ում անգլիական ակումբների ծախսերը հասնում են մոտ 2 միլիարդի, ավելի ստույգ` 1 միլիարդ 900 հազար ֆունտ:
Անգլիական ակումբներն ամենաակտիվն էին
Տրանսֆերային բումերը հիմնականում գրանցվեցին Պրեմիեր լիգայում: «Մանչեսթեր Յունայթեդից» «Արսենալ» տեղափոխվեց Հենրիխ Մխիթարյանը, իսկ հակառակ ուղղությամբ շարժվեց զինագործների հարձակվող Ալեքսիս Սանչեսը:
«Սաութհեմփթոնի» պաշտպան Վիրջիլ վայն Դիյկը ռեկորդային` 70 մլն ֆունտի դիմաց հագավ «Լիվերպուլի» մարզաշապիկը:
Տեո Ուոլքոթը 20 մլն ֆունտի դիմաց «Արսենալից» տեղափոխվեց «Էվերթոն»:
Բիլբաոյի «Աթլետիկի» պաշտպան Այմերի Լապորտը 57 մլն ֆունտով տեղափոխվեց «Մանչեսթեր Սիթի»:
Եվ վերջապես, Պիեր Էմերիկ Օբամեյանգը Դորտմունդի «Բորուսիայից» տեղափոխվեց «Արսենալ»: Անգլիական ակումբի կայքն այդպես էլ չնշեց գումարը, սակայն հայտնեց` ռեկորդային է ակումբի պատմության մեջ:
Կարդացեք նաև.
- Հաղթանակ` սկուտեղի վրա, մնում է օգտվել. Ազգերի լիգայում Հայաստանի հավաքականի անելիքները
- «Ինձ քիչ ճանաչողներին խորհուրդ կտամ դիտել իմ խաղը «Արսենալում». Մխիթարյանի առաջին օրը լոնդոնյան ակումբում
- Տարվա ամենաեկամտաբեր սպորտային իրադարձությանն ընդառաջ. SuperBowl 52-ի մանրամասները
«Ռեալը» ոչ մի տրանսֆեր չարեց
Սա եզակի դեպք էր ֆուտբոլի պատմության մեջ: Չեմպիոնների լիգայի գործող գավաթակիրը չնայած բազմաթիվ ֆիասկոների, ձմեռային տրանսֆերային պատուհանի ընթացքում լռեց: Այնինչ, Իսպանիայում արքայական ակումբի հիմնական մրցակից «Բարսելոնան» մի քանի տրանսֆեր արեց, որոնցից ամենախոշոր Ֆիլիպ Կոուտինյոյի ձեռքբերումն էր: Իսպանիայում «Ռեալը» միակ ակումբն էր, որը ոչ մի տրանսֆեր չարեց: Սա խոսում է երկու բանի մասին. կա՛մ Զիդանին գոհացնում է ներկայիս կազմը, կա՛մ «Ռեալը» շատ թեժ ամառ է ունենալու:
Որքա՞ն են ծախսել թոփ 5 առաջնությունները
#YoPierre
Թվիթերում ամենաշատը քննարկվել է Օբամեյանգի տրանսֆերը: Ամենաակտիվը եղել են Լոնդոնում, սակայն հետազոտությունը ցույց է տվել, որ ակտիվության մեծ հոսք եղել է նաեւ Նիգերիայից ու Թայլանդից: «Արսենալի» պաշտոնական հայտարարությունից հետո Օբամեյանգի մասին յուրաքանչյուր մեկ րոպեում 1.639 թվիթ է եղել: Ընդհանուր հաշվարկով, 28.000 գրառում` գաբոնցի հարձակվողի մասին: #YoPierre հեշթեգով «Արսենալի» տարածած գրառումը 77.000 անգամ ռեթվիթ է եղել:
Թոփ 10 տրանսֆերները` BBC Sport-ի վարկածով
Տարածել
Կարդա նաև
Newmag & friends ծրագիրը ներկայացնում է Արփի Կարապետյանի «Փոքր գիրք կյանքի մեծ դասերի մասին կամ՝ բոլորս էլ մանուկ ենք եղել» գիրքը (թրեյլեր)
Newmag-ն արժանացել է «Տարվա ամենապահանջված թարգմանություն» անվանակարգի մրցանակին (լուսանկարներ)
12 ժամ շարունակ գրական ու մշակութային իրադարձություններ՝ Newmag Winter Fest 2025-ի ընթացքում (լուսանկարներ)
Հարցազրույց՝ Արդշինբանկի վարչության նախագահ Արտակ Անանյանի հետ