Կյանքը Facebook-ից հետո. 10 իրական փոփոխություն

Կյանքը Facebook-ից հետո. 10 իրական փոփոխություն

newmag-ը պատմում է այն դրական փոփոխությունների մասին, որոնք կկատարվեն ձեր կյանքում Facebook-ից դուրս գալուց հետո:

Նոր ծանոթություններ, կապեր և շփում ապահովող «պարապ վախտի խաղալիք»  սոցցանցերը  դարձել են իսկական թմրանյութ: Օգտատերերը հրապարակումներ են անում՝ լայքեր հավաքելու համար,  ժապավենի թարմացումներին հետևելն էլ դարձել է բնազդ: Չկաս սոցցանցում, ուրեմն` գոյություն չունես. դադարի ժամանակն է: Բլոգեր Ջոզեֆ Հինդին առանձնացրել է 10  դրական փոփոխություն` սոցցանցերում անցկացրած ժամանակը կրճատելուց հետո:

imagesԿաշխատեք ավելի արդյունավետ

Աշխատանքի թշնամին սոցցանցերն են: Մեկ րոպեով Facebook մտնելուց հետո ցանցում եք լինում  առնվազն 15 րոպե: Այդպես մեկ րոպեն դառնում է 5-6 ժամ: Համակարգչին զուգահեռ օգտատերերը օնլայն են լինում նաև իրենց սմարթֆոններով ու պլանշետներով: Ծանուցումները անընդհատ շեղում են ու չեն թողնում կենտրոնանալ աշխատանքի վրա:

Ուղեղը կդադարի մահացած լինել

Մինչև օգտատերը հետևում է սոցանցում ժապավենի թարմացումներին, չի նկատում, որ իր շունը թախծոտ աչքերով սպասում է կերակուրին: Վիրտուալ բնակիչը չի կերակրի իր կենդանուն, մինչև չպատասխանի ընկերների բոլոր հաղորդագրություններին: Դուրս եկեք խելացի սարքերից, կտրվեք էկրանից, շրջապատող աշխարհը ձեր կարիքն ունի: Այդ ժամանակ շունը կուշտ  կլինի, ընկերներն էլ գոհ կմնան կենդանի շփումից:

Ավարտին կհասցնեք սկսած գործը

Սոցկայքում երբեք չեք կարող ավարտին հասցնել սկսածը: Մի փոքր գործ, մի փոքր չաթ կանեք, կհետևեք ժապավենի թարմացումներին և այդպես ամեն ինչ՝ մի քիչ ու անավարտ:  Ցանկացած խնդիր իրական կյանքում կարելի է հասցնել տրամաբանական ավարտին: Հոգեբանորեն` մարդու համար կարևոր է կատարված ու ավարտին հասցված աշխատանքը: Փակեք facebook-ը ավարտեք սկսած գործը:

Կգնահատեք ժամանակը

Քանի դեռ հետևում եք սոցցանցում ժապավենի թարմացումներին, ժամացույցի սլաքները աննկատ պտտվում են:  Ժամանակը կարելի է ավելի օգտակար անցկացնել՝ ընտանիքում, սիրելիի կամ ընկերների հետ շփվելով: Ժամանակը արագ է սահում, գնահատեք այն:


Գրադարան գրպանում. Լավագույն 6 մոբայլ ընթերցարանները

Երբ sms-նրին հաղթում են messenger-ները

Թվիթերյան հեղափոխությունն ընկերության համար հպարտություն է. @Րաֆֆի Գրիգորյան


Կբարձրանա ինքնագնահատականը

Վերջին հետազոտության համաձայն, սոցցանցերը վատ են ազդում օգտատերերի ինքնագնահատականի վրա: Երբ օգտատիրոջ գրառումը լայք չի ունենում, նրան սկսում է թվալ, որ շրջապատի աչքերում հիմար է ու տգեղ, հակառակ սեռի ներկայացուցիչները չեն գնահատում նրան: Իսկ ժապավենում հայտնվում են ավելի հաջողակ ու երջանիկ մարդիկ: Սա հուսահատության համար գերազանց միջավայր է:

the-social-media-depressionՄտածեք այն ամենի մասին, ինչ ունեք

Reuters-ի լրագրող Բելինդա Գոլդսմիթի Գերմանիայում անցկացրած հետազոտությունը պարզել է, որ մարդկանց մեծամասնությունը նախանձում է այն ամենին, ինչ տեսնում է այլ օգտատերերի էջում: Դա կարող է լինել նոր հեռախոսի, նոր մեքենայի, տան կամ արձակուրդի մասին գրառումը: Սոցցանցերը գլուխ գովալու հարմար վայր են, ինչպես նաև հնարավորություն՝ իմանալու, թե ով ինչ ունի:

Իմացեք, ով է իրական ընկերը

Ինտերնետում  ընկերությունը ձևական է: Մեկ վարկյանում կարելի է լայքել ընկերների նկարներն ու հրապարակումները: Երբեմն նույնիսկ կարող է անկեղծ թվալ օտար մարդկանց հետաքրքրությունը: Ցանցից դուրս շատ քչերին է հետաքրքիր ձեր մտքերն ու նախասիրությունները:

Like-ը  կորցրել է իմաստը

Huffington Post-ի լրագրող Օդրա Ռանդլը վստահեցնում է, որ լայքը վաղուց արդեն չի նշանակում, որ դուր է գալիս լայքված հրապարակումը: Այն ծանուցում է, որ գրառումը նկատել են: Լայքը կորցրել է նշանակությունը, շատ քչերն են իսկապես հետաքրքրված այն ամենով, ինչ կատարվում է ձեր պատին:

Գովազդ դիտող լսարանի մասնիկ եք

Յուրաքանչյուր օգտատեր սոցցանցի տվյալների բազայի մեկ մասնիկ է:  Կայքի ղեկավարության համար յուրաքանչյուր օգտատեր մեկ դոլար է, որի խնդիրը գովազդ դիտելն է, խաղերի վրա գումար վատնելն ու ցանցը հարստացնելը:

 

Գրել կարծիք