Որքա՞ն ժամանակ պետք է տրամադրել մարզումներին` առողջ ապրելու համար
Հաճախ վեր կենալով աթոռից եւ շարժվելով, կարող եք կանխել սրտի խնդիրները եւ շաքարախտի զարգացումը: Ֆիզիկական ակտիվությունը կօգնի պահպանել արյան ճնշումը, քաշը, բարելավել քունը, հաղթահարել անհանգստությունն ու դեպրեսիան: Ակտիվ կյանք վարող տարեցների մոտ նվազում է ընկնելու եւ կոտրվածնքեր ունենալու վտանգը:
Այսպիսով, որքա՞ն ակտիվ պետք է լինի մարդը
Մինչեւ 5 տարեկան
Այս տարիքում ակտիվություն անհրաժեշտ է ամեն օր, որպեսզի երեխան զարգացնի շարժողական ֆունկցիաները:
Նորածինները կարող են քաշքշել եւ հրել առարկաները, ձգվել, դիմադրել: Ստամոքսով պառկած ձգվել վերեւ: Երեխաները, որոնք արդեն սկսել են քայլել, օրական նվազագույնը 3 ժամ պետք է ակտիվ զբաղվեն տարբեր խաղերով:
5-18 տարեկան
Այս տարիքում հատկապես կարեւոր է ոսկորների ամրացումը:
Երեխաները կամ պատանիներն օրվա ընթացքում նվազագույնը 1 ժամ պետք է ինտենսիվ ծանրաբեռնված լինեն: Հարկավոր է ուժային վարժություններ կատարել, պարան թռնել եւ զբաղվել մարմնամարզությամբ: Կարելի է քայլել, սքեյթբորդ կամ հեծանիվ վարել, վազել, լողալ, մարտարվեստով զբաղվել, ֆուտբոլ խաղալ կամ պարել:
Կարդացեք նաև․
- Ծխախոտի դեմ պայքարը նոր թափ է հավաքում․ Ծխելն իրո՞ք այդքան վնասակար է
- Օգնու՞մ են էլեկտրոնային ծխախոտները ազատվել ծխելու վնասակար սովորությունից. նոր հետազոտություն
- Սարդինիայում երկարակեցության գաղտնիքը. կղզի, որի բնակիչները դարն ապրած մարդիկ են
18-65 տարեկան
Այս տարիքային խմբի ներկայացուցիչներն առաջին հերթին պետք է կենտրոնանան աերոբիկ եւ ուժային վարժությունների վրա:
Այդպես կնվազեն հիվանդություններն ու վաղաժամ մահվան ռիսկը: Նվազագույնը 150 րոպե պետք է շարժման մեջ լինել. արագ քայլել, ջրային աերոբիկա անել, թենիս խաղալ: Եթե ժամանակը շատ է, կարող եք անցնել 75 րոպե ինտենսիվ մարզմանը. վազել, հոկեյ խաղալ, հեծանիվ վարել: Այսպիսի ծանրաբեռնվածությամբ պետք է զբաղվել շաբաթական նվազագույնը 2 անգամ: Հիշեք `որքան ակտիվ` այնքան ավելի լավ ձեր առողջության համար:
65 տարեկան եւ ավելի
Այս տարիքում խնդիր կա պահել հավասարակշռությունը, ճկունությունը:
Դասընթացի տեւողությունը նույնն է. 150 րոպե թեթեւ ծանրաբեռնվածությամբ կամ 75 րոպե մեծ ծանրաբեռնվածությամբ: Հատկապես պետք է ուշադիր լինել ծանր բեռներ բարձրացնելուն: Ֆիզիկական վարժությունների վրա խիստ սահմանափակումներ չկան. դուք կարող եք շարունակել զբաղվել ձեր սիրելի սպորտաձեւով:
Տարածել
Կարդա նաև
Գրքի շնորհանդես և տարեդարձ մեկ օրում և մեկ վայրում. տեղի ունեցավ Արփի Կարապետյանի գրքի շնորհանդեսը (լուսանկարներ)
Newmag & friends ծրագիրը ներկայացնում է Արփի Կարապետյանի «Փոքր գիրք կյանքի մեծ դասերի մասին կամ՝ բոլորս էլ մանուկ ենք եղել» գիրքը (թրեյլեր)
Newmag-ն արժանացել է «Տարվա ամենապահանջված թարգմանություն» անվանակարգի մրցանակին (լուսանկարներ)
12 ժամ շարունակ գրական ու մշակութային իրադարձություններ՝ Newmag Winter Fest 2025-ի ընթացքում (լուսանկարներ)