«Օբշակի կռիվ». օրենքով գողերից ու՞մ է հասնելու Դեդ Հասանի ժառանգությունը
Փորձագետները, սակայն, կարծում են, որ եթե նույնիսկ Ասետրինա Ստարշին գողական աշխարհի լեգենդի ժառանգության վրա աչք ունի, դա նրան դժվար կլինի իրականացնել: Լրատվամիջոցները փորձել են պարզել, ռուսական հանցավոր աշխարհի էլիտայում իսկապե՞ս մեծ ցնցումներ են սպասվում:
Անհանգիստ օրեր
Ըստ Ura.ru-ի, հանցագործ աշխարհն ակտիվորեն քննարկում է Ասետրինա Ստարշիի բանտից դուրս գալը: Նա, թմրամիջոց թաքցնելու համար, 3 տարի Չելյաբինսկի շրջանի գաղութում է անցկացրել:
Հոդվածի համաձայն, Էդուարդ Ասատրյանը պետք է հայտարարի իր մտադրության մասին, բայց նա ստիպված կլինի լուծել այլ լուրջ խնդիրներ: Մասնավորապես, երբ նա բանտում էր, օրենքով գողերը նրա որդուն՝ Սերգեյ Ասատրյանին՝ Ասետրինա Մլադշիին կամ Սերյոժա Բենթլիին «թագազրկել են»:
Սկանդալ գողական աշխարհում. Ասետրինա Մլադշիին բանտում չեն ընդունել որպես «օրենքով գողի»
Ura.ru- ին իրավապահ մարմիններում աշխատող աղբյուրը հայտնել է, որ Էդուարդ Ասատրյանը բանտից ազատվել է օգոստոսի 3-ին:
«Նա լիարժեք կրել է պատիժը: Ասում են, որ մեկնել է Դաղստան՝ նոր անձնագիր ստանալու համար»,- նշել է աղբյուրը: Պաշտոնապես այդ տեղեկությունը ո՛չ հերքվել, ո՛չ էլ հաստատվել է:
Ի դեպ, հանցավոր աշխարհն ուշադրությամբ հետևում է, թե ինչով է այժմ զբաղված Էդուարդ Ասատրյանը: Ոչ վաղ անցյալում նա ամենաազդեցիկ «օրենքով գողերից» մեկն էր, իսկ մինչև 2012 թ-ը համարվում էր Դեդ Հասանի ամենամտերիմ մարդկանցից մեկը:
Ո՞վ է օրենքով գող Սերգեյ Ասատրյանը, որին երգ է նվիրել Վաչե Ամարյանը
Հանցավոր աշխարհի թագավորի ընդդիմախոսը
«Աստրինա Ստարշին այսօր հանդիսանում է հայերի շրջանում ամենահայտնի «օրենքով գողերից» մեկը: Ռուսաստանում նա ճանաչվել է 1990-ականների սկզբին, երբ նա ընկավ հայտնի Վլադիմիրի Ցենտրալ, Տվերից հայտնի «օրենքով գող» Ալեքսանդր Սևերովի՝ Սաշա Սեվերի հետ միաժամանակ, ում էլ նվիրված է Միխայիլ Կրուգայի հայտնի երգը: Դրանից հետո Էդուարդ Ասատրյանը բնակություն է հաստատել Մոսկվայում, որտեղ և ապրում է մինչև այսօր », - ասել է քրեական աշխարհի մասին ռուսաստանյան primicrime.ru կայքի խմբագիրը:
Նրա խոսքով, չնայած ԶԼՄ-ների տարածած տեղեկությանը, Ասատրյանը երբեք չի եղել Դեդ Հասանի շրջապատում: Ընդհակառակը, նա այն քչերից է եղել, որը համարձակվել է հակառակվել Ասլան Ուսոյանի քաղաքականությանը: Մասնավորապես, Ասատրյանը դեմ է եղել «օրենքով գողեր» Տարիել Օնիանիի՝ Տարոյի, Մերաբ Ջանգվելաձեի՝ Մերաբ Սուխումսկիի և Բադրի Կոգուաշվիլիի՝ Բադրի Քութաիսիի տիտղոսներից զրկելուն:
Դեդ Հասանի սպանությունից հետո, Էդուարդ Ասատրյանը, որպես գողական աշխարհի ընդդիմադիր առաջնորդներից մեկը, որը Ռուսաստանում եղել է ազատության մեջ, առիթից օգտվելով հակառակորդի շփոթված վիճակից, նախաձեռնությունն իր ձեռքն է վերցնել, որպեսզի հետ մղի Դեդ Հասանի պոտենցիալ իրավահաջորդին: Մասնավորապես, նա պատրաստվել է հայց-պահանջ ներկայացնել «օբշակի նայող» Վասյա Վոսկրեսի դեմ:
Ձախողված հեղաշրջում
Էդուարդ Ասատրյանը որոշել է գողերի աշխարհում տիրել իշխանությանը և ստանձնել «գլխավոր գրասենյակի» ղեկավարությունը, որը վերահսկում և բաշխում է ռուս գողերի օբշակը: Իհարկե, տարօրինակ կլիներ կարծել, որ Ասետրինա Ստարշիի նման հավակնոտ ծրագրերը հեշտ կլիներ իրականացնել:
2014 թ. ապրիլի 2-ին Ասատրյանը Վոսկրեսին, գողական լեզվով ասած, կանչում է «ռազբորկայի»: Այդ նպատակով խորհրդանշական տեղ է ընտրվում՝ Նիկիտսկայա փողոցում գտնվող «Հին ֆայտոն» ռեստորանը, որտեղ երկար տարիներ բնակվել է Դեդ Հասանը: Հնեց այդ ռեստորանում էլ նա 2013 թ. հունվարի 16-ին սպանվեց՝ դիպուկահարի կողմից: Այդ ժամանակ «Հին ֆայտոնը» չի ապահովել Ուսոյանի անվտանգությունը, և ճակատագրի հեգնանքով, իր հակառակորդի ՝ Ասետրինա Ստարշիի հետ պատմությունը կրկնվում է: Վոսկրեսի փոխարեն ռեստորան են մտնում իրավապահները, և հանդիպմանը ներկա 7 քրեական հեղինակությունների մոտից մեծ քանակությամբ թմրանյութ են հայտնաբերում: Դեպքից չորս ամիս անց, 2014 թվականի օգոստոսին Էդուարդ Ասատրյանը ձերբակալվում է և դատապարտվում երեք տարվա ազատազրկման:
Մինչև Ասետրինան բանտում կրում էր պատիժը, Ռուսաստան է վերադառնում Զաքար Քալաշովը՝ Շաքրո Մոլոդոն, որն առաջատար դիրք է ձեռք բերում քրեական աշխարհում: Շաքրոյի դիրքերն այնքան ամուր էին, որ Ասետրինա չէր կարող մրցակցել նրա հետ՝ նույնիսկ ազատության մեջ գտնվելով: Բայց հիմա էլ Շաքրո Մոլոդոն է բանտում, և նրա հեռանկարներն անորոշ են:
Քրեական աշխարհի մասին գրել ենք նաև․
- Ո՞վ է այն հայ «օրենքով գողը», որը 17 տարի թագադրված լինելով, երբեք չի ձերբակալվել
- «Օրենքով գողին ցեմենտել են». Արա Արմավիրսկին ձերբակալված է
- Մահացել է քրեական կայսրության պարագլուխը. ո՞վ էր մարդկանց հնձող «Տրակտոր Բինուն»
- «Բրիգադա» ֆիլմի հիմքում իրական պատմություն է. ու՞մ է մարմնավորել Սերգեյ Բեզռուկովը
Թշնամիների թվում
Մի քանի տարի առաջ Էդուարդ Ասատրյանը հնարավորություն ունեցել է՝ պայքարելու Դեդ Հասանի ժառանգության համար, սակայն այժմ ռուսական «թիվ մեկ գողի» տեղը կրկին թափուր չէ: Վլադիմիր Թյուրինը՝ Տյուրիկը, հաստատվել է «գահին»: Ազատ արձակվելուց հետո Ասետրինա Ստարշիին դեռ ժամանակ է պետք՝ ադապտացվելու համար: Բացի դրանից, նա մտահոգված է որդու խնդիրներով: Եվ ամենակարևորը, նա այժմ մտերիմներ չունի, որոնց կարող է ապավինել: Հանցավոր աշխարհում նա ավելի շատ թշնամիներ ունի, քան՝ ընկերներ:
Ընդհանուր առմամբ Ասետրինա Ստարշիի վիճակը նախանձելի չէ, և դժվար թե նա այժմ պատրաստ լինի պայքարել Դեդ Հասանի ժառանգության համար: Մոսկվայից վերադառնալուց հետո նրա հետ նախազգուշական խոսակցություն է եղել, որից հետո Ասատրյանը հազիվ թե ցանկություն ունենա հեղափոխություն անել:
Տարածել
Կարդա նաև
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)
Տեղի ունեցավ Էլենա Ֆերանտեի «Կորած երեխայի պատմությունը» գրքի հեռուստաշնորհանդեսը (տեսանյութ)
Ինչ նախագծեր ու ծրագրեր է իրականացրել այն բարերարը, ում Ադրբեջանը ցանկանում է դատապարտել ցմահ (տեսանյութ)