6 խորհուրդ ապրանքն Apple-ի պես ներկայացնելու համար
Այսօր Apple-ն ավելի շատ նոր ապրանքների գլխավոր առանձնահատկություններն է ներկայացնում` առանց ֆոկուսների, առանց սյուժեի ու դրամատուրգիայի: Բայց Ջոբսի ներդրած գլխավոր սկզբունքները, չափորոշիչները շարունակվում են:
1. Մի ցույց տվեք սլայդեր. պատմեք պատմություն
Աշխատեք շնորհանդեսի սյուժեի ու սցենարի կառուցվածքի վրա: Հետո մի քանի անգամ փորձ արեք: Եթե շնորհանդեսը սկսվում է նրանից, որ բացում եք սլայդները, հաջողությունն արդեն վտանգված է: Ու արդեն կարևոր չէ, Power Point է, թե Keynote: Դրանք երկուսն էլ ձեզ դարձնում են քառակուսու գերի, որը սահմանափակում է մտքերը կամ սպանում պատմությունը:
2. Մի վախեցեք մաքուր սլայդներից
Եթե սլայդի վրա ընդամենը մեկ բառ է, նորմալ է: Նորմալ է նաև, երբ նկարների վրա չկա գրություն: Այս մոտեցումը միայն Apple-ինը չէ: Google-ի գործադիր ղեկավարն ասում է.
«Պատմությունն ավելի լավ է պատմել նկարների միջոցով: Այդ պատճառով մենք խուսափում ենք տեքստով ծանրաբեռնված սլայդներից ու bullet points-երից»:
3. Դա չի նշանակում, որ սլայդերը պետք է պատրաստել, ինչպես պատահի
Ուշադրություն դարձրեք Լիզա Ջեքսոնի շնորհանդեսին ու ելույթին: Նա շրջակա միջավայրի գծով Apple-ի փոխտնօրեններից է: Նրա սլայդերում տեքստերի միջից թափանցում են բույսերի պատկերներ: Դետալներն օգտագործելը պրոֆեսիոնալ մոտեցում է: Այդպիսի մանրուքները կարող են աչքի չընկնել, բայց կմնան լսարանի ենթագիտակցության մեջ:
Կարդացեք նաև.
«Մենք ծնվել ենք ոչ թե աշխատելու, այլ կյանքը վայելելու համար». Ջեկ Մայի բիզնեսի կանոնները
FAANG ոճի աշխարհը. Կյել Նորդստրյոմը Հայաստանում բացահայտել է գումար վաստակելու բանաձևը
Ուորեն Բաֆեթը՝ հարստության, սրբերի, սեքսի, փոսի, փողի և պարկի մասին
4. Սլայդերը զարդարելու փոխարեն աշխատեք ֆոտոների ու վիդեոների ստեղծման վրա
Որակյալ, գունեղ ֆոտոներն ավելի շատ բան կասեն, քան հազարավոր բառերը: Բայց խոսքը Google-ի ֆոտոների մասին չէ: Լավ կլինի առանձին բյուջե հատկացնել շնորհանդեսի սլայդների 3D ֆոտոների, ընդհանրապես ֆոտոբովանդակության համար:
5. Մի պատմեք, եթե կարող եք ցույց տալ
Ավելի լավ է ցույց տալ, թե ինչ զվարճալի է խաղալ AR-խաղեր, քան պատմել այդ մասին: Հանդիսատեսը կարող է իրեն պատկերացնել այդ դերում: Իսկ լավագույն դեպքում` տվեք նրանց հնարավորություն խաղալ այդ խաղը: Խոսքը վերածեք` գործողության:
6. Սովորեք կենտրոնացնել ուշադրությունը
Կարելի է ցույց տալ վիդեո, ներկայացնել այն, ինչի մասին խոսում եք: Այնպես արեք, որպեսզի հանդիսատեսը չձանձրանա ու հեռախոսով զբաղվելու ցանկություն չունենա: Մի վախեցեք նաև կիսվել բեմով: Apple-ի շնորհանդեսին հետաքրքիր էր լսել Սրտաբանների ասոցիացիայի նախագահին, որը մեկնաբանում էր նոր խելացի ժամացույցի հնարավորությունները: Մի մոռացեք սլայդների մասին, բայց միշտ սկսեք պատմությունով: Մտածեք, թե որն է գլխավոր մեսիջը, փորձեք ամեն ինչ տեղավորել երեք գլխավոր կետերում: Ցույց տվեք ձեր շնորհանդեսի խոսքի կառուցվածքը մարկերով գրատախտակի, թղթի կամ հատուկ ստիքերների միջոցով:
Եվ հիշեք, եթե ձեր ընկերությունը Apple-ը չէ, ոչ ոք երկար չի լսի ձեր խոսքն ու ապրանքի առանձնահատկությունները: Սմարթֆոնների հայտնվելուց հետո մարդիկ սովորել են ավելի արագ ապակենտրոնանալ ու կենտրոնանալ սեփական խնդիրների վրա: Եղեք լակոնիկ ու կարճ:
Հետևեք newmag-ին Telegram-ում և Instagram-ում
Տարածել
Կարդա նաև
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)