9 բան, որի համար երբեք չպետք է ներողություն խնդրել
- Հոգատարություն սեփական անձի նկատմամբ
Մարդկանց մանկուց բազմիցս կրկնել են, որ ֆ-ն այբուբենի վերջին տառն է , և դա տպավորվել է: Այդ մարդկանց համար սեփական անձի ու բարօրության մասին հոգ տանելը դարձել է մի տեսակ ամոթալի ու անպատշաճ, չնայած առանց դրա հնարավոր չէ հաջողակ լինել: Չարժե կյանքը դնել զոհասեղանին, քանի որ դա հաճախ ավելի շատ վնասում, քան օգնում է Ձեր երջանկացրած մարդկանց :
- Զգացմունքների արտահայտում
Մենք սովոր ենք անհարմար զգալ մեր արցունքների ու ժպիտի համար, թեև դա փաստում է, որ մենք սիրտ ու հոգի ունենք: Մենք կարող ենք տխրել, ուրախանալ, կարոտել, հրապուրվել, որովհետև կենդանի էակ ենք, ինչո՞ւ թաքցնենք:
- Ներում
Իրականում մեծ սրտով մարդիկ են ընդունակ ներելու: Թող շուրջբոլորը զարմանան, որ դուք օգնության ձեռք եք մեկնում Ձեզ անծանոթներին կամ չեք ոչնչացրել ձեր թշնամուն, երբ հիանալի հնարավորություն եք ունեցել: Դուք չպետք է անհանգստանաք դրա համար: Ավելորդ դաժանություն մի ցուցաբերեք հենց միայն այն բանի համար, որ ինչ-որ մեկը սպասում է դա ձեզանից:
- Համոզմունք
Համոզմունքներով մարդն արժանի է հարգանքի: Մարդը, որը չի թաքցնում իր համոզմունքները և կարողանում է պաշտպանել դրանք, արժանի է կրկնակի հարգանքի: Մեր ժամանակներում կայուն սկզբունքների առկայությունն այնքան հազվադեպ և արժեքավոր է, որ դրանց համար հաստատ չարժե ներողություն խնդրել:
- Յուրահատկություն
Տարօրինակ լինելը բացարձակապես տարօրինակ չէ: Ընդհակառակը, տարօրինակն այն է, երբ մի խումբ մարդիկ տեսնում, մտածում և զգում են նույնը: Եթե Ձեր բախտը բերել է և դուք տարբերվում եք բոլորից, ապա դա ամոթի պատճառ չէ: Գուցե դա հենց ձեր հիմնական առավելությունն է:
- Այն, թե ինչպե՞ս և ո՞ւմ հետ եք անցկացնում ձեր ժամանակը
Ժամանակը միակ թանկ բանն է, որի վրա պետք է դողալ: Եվ խելամիտ չէր լինի այդ թանկարժեք ռեսուրսը ծախսել՝ առաջնորդվելով ձեզ համար կողմնակի մարդկանց կարծիքով: Մահվան մահճում պառկելով, ավելի շուտ ոչ թե փոշմանելու եք, որ քիչ եք աշխատել, այլ հիշելու եք մտերիմների, ընկերների հետ, հետաքրքիր վայրերում անցկացրած ժամանակն ու սիրելի զբաղմունքը:
- Ձախողումներ
Այն շատ մարդկանց սիրելի վախն է: Վախը, որ ինչ փորձեք, չի ստացվելու և ձեզ շրջապատողները ծիծաղելու են ձեզ վրա: Նրաք միշտ հիշելու են դա և այդ ձախողման ամոթն ուղեկցելու է ձեզ ամբողջ կյանքում: Բայց ամենամութ անկյունում կորելուց առաջ այսպիսի մի տեսարան պատկերացրեք՝ դուք եք, որ փորձել ու ձախողել եք, իսկ մեկ ուրիշը, որ վախեցել է նույնիսկ փորձել: Ձեզանից ո՞ր մեկը պետք է ներողություն խնդրի:
Կարդացեք նաև.
- Սիրո 50 երանգները․ փորձագետները՝ ժամանակակից ռոմանտիկայի մասին
- Էրոտիկ զրույցների գիդ. ի՞նչ և ինչո՞ւ ասել անկողնում
- Ի՞նչ չի կարելի անել անկողնում սեքսի ժամանակ. ահա 7 օրինակ
- Երիտասարդություն
Այո, մեզնից յուրաքանչյուրն անցյալում պահեր ունի, որոնցով չի կարող հպարտանալ: Այո, այնտեղ երբեմն այնպիսի փաստեր կան, որ մազերը բիզ-բիզ են կանգնում:
Երիտասարդությունը դրա համար է, որ խելագարություն անես և փորձես կյանքի «համը»: Բոլոր ծեր իմաստունները եղել են երիտասարդ և հիմար, հիմար արարքներ են գործել և թերևս այդպես է իմաստնություն ձեռք բերվել: Ոչ ոք չի խուսափել իր կյանքում այդ ճանապարհից, ուստի ամաչելու պատճառ չկա:
- Արտաքին
Ահա ևս մեկ բարդույթների աղբյուր շատ մարդկանց համար: Եվ ինչպե՞ս չբարդույդավորվել, երբ նորաձևության ամսագրերն ու նորաձևության արդյունաբերական հանդերձանքները մեխանիկորեն մեզ ոճի ճիշտ կանոններ են թելադրում, բայց դրանք միշտ չէ, որ սազում են մեզ: Այո, ավելորդ քաշ ունեցող ու ոչ նորաձև հագնված մարդը կարող է ծիծաղ առաջացնել, սակայն նա ավելի շատ ուշադրություն կգրավի, երբ բարդույդավորվի իր տեսքով: Հետևաբար, եթե ձեր հարաբերությունները նորաձևության և գեղեցկության հետ չեն դասավորվել, ապա թուլացեք և հանգստացեք: Նայե՛ք այն տիկնոջը, գեղեցիկ է, չէ՞…
Շրջապատի մոտ անընդհատ արդարանալը հանգեցնում է նրան, որ դուք բաց կթողնեք ձեր էությունը ներկայացնելու հիանալի հնարավորությունը՝ թերություններով ու առավելություններով: Դուք ձեր ամբողջ կյանքը կանցկացնեք անձայն միջավայրում, պաշտպանվելով հասարակության հորինված պահանջներից: Այնուամենայնիվ, դժվար թե նման մարտավարությունը ձեզ հաջողություն կբերի, քանի որ հաղթում է նա, ով առաջ է գնում և իր ամեն քայլի համար ներղություն չի խնդրում:
Հետևեք newmag-ին Telegram-ում և Instagram-ում։
Տարածել
Կարդա նաև
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)