Ինչպե՞ս էժան ճամփորդել. գիշերակաց՝ ոչ հյուրանոցում
Տուն՝ փոխանակումով
Հատատ, դիտել եք «Արձակուրդ՝ փոխանակումով» ֆիլմը: Հաստատ, մտածել եք՝ իսկ ինչո՞ւ ոչ: Հաստատ, երկմտում եք, իսկ գուցե փորձե՞ք: Սա ևս ճամփորդելու լավագույն առիթ է ու տարբերակ: Մեթոդը հետևյալն է. դուք ներկայացնում եք ձեր տունն իր նկարագրով և ճամփորդելու համար նախընտրելի վայրերով և սպասում, որ ինչ-որ մեկն էլ կցանկանա ձեր երկիր այցելել և հենց ձեր տանը մնալ: Կամ էլ գործի անցեք: Գտեք ձեզ հետաքրքրող երկիրն ու տունը և գրեք տանտերերին: Գուցե ձեր առաջարկը հետաքրքրի նրանց:
Ահա կայքերը, որտեղ կարելի է տուն գտնել փոխանակումով.
Իհարկե, լավ ու էժան տարբերակ է այլ երկրում արձակուրդ անցկացնելու համար, բայց պետք է հաշվի առնել նաև հնարավոր խոչընդոտները կամ սահմանափակումները: Հաշվի առեք, որ այս տարբերակն ավելի հարմար է զբոսաշրջային քաղաքների համար: Եթե դուք զբոսաշրջային հետաքրքրություն չներկայացնող քաղաքում եք ապրում, դժվար թե գտնեք մեկին, որը կհետաքրքրվի ձեր առաջարկով:
Ձեր բնակարանը, բնականաբար, պետք է բարվոք վիճակում լինի, որ ինչ-որ մեկը ցանկանա հյուրընկալվել այնտեղ, օրինակ՝ եվրոպացի զբոսաշրջիկը: Պետք է հաղթահարել նաև հոգեբանական խոչընդոտը: Այո, դուք պետք է պատրաստ լինեք մի որոշ ժամանակով ձեր տունը հանձնել միանգամայն օտար մարդու:
Որոշ կայքեր գրանցվելու համար անդամավճար են պահանջում, սա ևս նկատի ունեցեք: Այդուհանդերձ, արժե փորձել: Մտածեք այդ մասին:
Կարդացեք նաև.
Ինչպե՞ս շրջագայել և խնայել. Էժան ճամփորդության բաղադրիչները
Ի՞նչ անել, եթե ճամփորդության ժամանակ կորցրել եք փաստաթղթերը
Ինչպե՞ս միշտ ժամանակ գտնել ճամփորդելու համար․ մի դիզայների պատմություն
Հոսթելներ
Երբ ճամփորդում ենք, միշտ աշխատում ենք քաղաքի կենտրոնում տուն վարձել, հյուրանոց գտնել, որպեսզի ամեն ինչ ձեռքի տակ լինի ու շատ մոտ: Բայց Կենտրոնում հյուրանոց վարձելը կարող է ձեր բյուջեի զգալի մասը կազմել: Խնայելու տարբերակներից մեկն էլ հոսթելում գիշերելն է: Մի քանի աստղանի հյուրանոցի փոխարեն, հաստատ, նույն վայրում կգտեք ոչ շատ թանկ հոսթելներ: Հաճախ դրանք մեծ տներ են, որտեղ առանձին սենյակներ են վարձով տալիս: Լինում են ինչպես ընդհանուր սենյակներ՝ 6-12 հոգու համար նախատեսված, այնպես էլ՝ առանձին՝ 1, 2 կամ 3 մարդու համար: Եթե լավ փնտրեք, լավ հոսթել, հաստատ, կգտնեք: Որոշները նույնիսկ նախաճաշն են ներառում: Գտնվելու վայրն էլ հաճախ չի զիջում ոչ թանկ հյուրանոցներին:
Փնտրեք հոսթելներ այստեղ և ոչ միայն.
Մնալու տեղ Ասիայում
Ասիան յուրահատուկ է նաև այս տեսանկյունից: Ավելի էժան կնստի ձեզ վրա, եթե տեղում տուն կամ հյուրանոց փնտրեք: Էժան հյուրանոցներն ու հյուրատները հիմնականում չեն լինում ինտերնետում: Եթե կան էլ, իրենց ծառայություններն ավելի թանկ են ներկայացնում, քան տեղում կվարձեք: Բացի այդ, տեղում կարող եք նաև սակարկել ու հայտարարած գնից 20-40 տոկոսով էժան վարձակալել: Առաջին անգամվա համար սա կարող է վախեցնող թվալ. անհայտ տեղ, անհայտ մարդիկ, ու ոչինչ չեք ամրագրել: Գուցե անհանգստանաք սկզբում, բայց եթե գինը կարևոր է ձեզ համար, ուրեմն՝ տեղում գտնելն ամենահարմարն է: Սա, իհարկե, արդարացված է, եթե երկար ժամանակով եք այդ վայրում: Եթե մի քանի օր կամ մեկ-երկու շաբաթ եք մնալու, չարժե փնտրտուքի վրա ժամանակ ծախսել: Ավելի լավ է հյուրանոց ամրագրել, խնայել նյարդերն ու վայելել քաղաքը:
Բնակարանի վարձույթ
Սա կարծես թե տարածված չէ հայ զբոսաշրջիկների մոտ և իզուր: Ի տարբերություն տներով փոխանակվելուն՝ այստեղ ոչ մի բարդություն չկա: Ավելին, երբեմն այնքան հարմար տարբերակներ կգտնեք՝ հյուրանոցներից զգալի էժան: Բացի այդ, սա հնարավորություն է հյուրանոցի տիպային համարից դուրս ապրել, տվյալ երկրի քաղաքացու պես, ինչու ոչ, նաև շփվել տանտերերի հետ: Չէ՞ որ մարդիկ էլ տվյալ երկրի մշակույթի մասն են կազմում:
Բնակարան փնտրելու ամենահայտնի կայքը airbnb.com-ն է: Բացի որոնումից, ծառայությունը նաև երաշխիք է տալիս, որ կանխավճարը փոխանցվում է տանտիրոջը, երբ դուք արդեն բարեհաջող ապրել եք այդ տանը: Խնդիրների դեպքում միջոցները վերադարձվում են:
Հետևեք newmag-ին Telegram-ում և Instagram-ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)