![[Մոնոլոգ] Արեն Մալաքյան․ «Ես չգիտեմ որտեղ են նրանք, բայց նրանք միշտ ինձ հետ են: Գուցե նրանք լոգարանում են»](https://newmag.am/wp-content/uploads/2019/03/43624235_1966616546764110_3907939130008403968_o-e1552831335186-869x445.jpg)
![[Մոնոլոգ] Արեն Մալաքյան․ «Ես չգիտեմ որտեղ են նրանք, բայց նրանք միշտ ինձ հետ են: Գուցե նրանք լոգարանում են»](https://newmag.am/wp-content/uploads/2019/03/43624235_1966616546764110_3907939130008403968_o-e1552831335186-869x445.jpg)
newmag-ը զրուցել է կինոռեժիսոր Արեն Մալաքյանի հետ։ Նա խոսել է ինքնաթերագնահատման, լսելու ընտրության և իր մտքերի անկյան մասին։
ազատություն-ամենաթողություն
Ազատության հասնելու համար պետք է սովորեցնես քեզ բարձր ներքին կարգապահության: Ամենաթողության մեջ ես չեմ գտնում ազատությունյուն: Տիեզերքը կարծես թե ազատության մեջ է, սակայն այն հստակ հաշվարկ ունի և դրա շարունակական լինելը բարձրագույն կարգապահության արդյունք է:
ինքնաթերագնահատում
Այն երբեմն թվացյալ է, սակայն նրա համար միշտ կան պատճառներ: Նրանից ազատվելու համար պետք է առերեսվես ինքդ քեզ հետ, ու գտնես պատճառը ինքնաթերագնահատման: Կասկած առաջացնող այդ զգացողությունից հնարավոր է սնել աշխատասիրությունդ:
ճիշտ և սխալ
Կան հստակ ճշմարտություններ, որոնք, իհարկե, ինչ որ ժամանակ դառնալու են հարաբերական և գուցե սխալ: Ժամանակը նոր գաղափարներ և արժեհամակարգ է ստեղծում, որը երբեմն կառուցվում է նախորդ ճշմարտությունը ժխտելու վրա:Եթե սա տեղի չի ունենում, ուրեմն ոչինչ տեղի չի ունենում գիտակցական տարածության մեջ:
Կարդացեք նաև.
-
Սրբուհի Սարգսյան. «Ես վախենում եմ կորցնել»
-
Դավիթ Հարությունյան. «Պետք է լավ մտածել և չսխալվել` երազելիս»
-
Լիլիթ Բլեյան. «Ամենամեծ դատարկություններից մեկն իրական մարդկանց բացակայությունն է»
լսելու ընտրությունը
Քիչ խոսելը հնարավորություն է տալիս ավելի մանրամասն զգալ այն, ինչ կատարվում է կողքդ: Չգիտեմ այնպիսի մարդկանց, ովքեր շատ խոսելով չեն կորցնում ժամանակի զգացողությունն ու ադեկվատությունը: Արտաբերածդ բառը գուցե պետք է լռեիր… երբեմն նաև հակառակը…
մարդու աշխարհը
Մարդու աշխարհը կարծում եմ ստեղծագործ է և փոփոխական: Այն դատարկ տարածություն է, որտեղ լցվում է ամեն ինչ, ինչ կլսես, կկարդաս, կուտես, կհագնես…
մտքերիս անկյունը
Ես չգիտեմ որտեղ են նրանք, բայց նրանք միշտ ինձ հետ են: Գուցե նրանք լոգարանում են: Լոգարանում նրանք ավելի մոտ են ինձ, քան երբևէ:
Հետևեք newmag-ին Telegram–ում և Instagram–ում