2019-ի նոր հիթը. հրատարակվել է «Աղջիկ ջան, մի՛ արդարացիր» մոտիվացիոն բեսթսելլերը

Newmag-ը ներկայացնում է 2019-ի նոր հիթը՝ համաշխարհային բեսթսելլեր, որը թարգմանվել է 20 լեզվով և գլխավորել «Նյու Յորք Թայմսի» և «Փաբլիշըրս Ուիքլիի» բեսթսելլերների ցուցակը:
 «Աղջիկ ջան, մի՛ արդարացիր» գիրքը Ռեյչլը գրել է Դեմի Լովատոյի «Sorry, not sorry» երգով ոգեշնչվելով: Սա սեր էր առաջին նոտայից, որովհետև գրողը նույնիսկ մտածում էր գիրքը վերնագրել այդ երգի մոտիվով՝ «Կներես, քեզ քիչ էր»:  Ռիթմիկ, զվարճալի և հանդուգն երաժշտության պես գիրք, որ խորհուրդ է տալիս կյանքն ապրել սեփական կանոններով:
Ռեյչլ Հոլիսը հաճախ է նկատել, որ կանայք չեն օգտագործում իրենց ամբողջ ներուժը։ Հոգու խորքում նրանք ձգտում են ավելիին, բայց վախենում են խայտառակվել, անկատար կամ ոչ կոմպետենտ երևալ։ Ավելին, կանանց ինքնագնահատականը շատ հաճախ ձևավորվում է ուրիշների բնորոշումներով։ Մինչդեռ Ռեյչլն ասում է՝ հարկավոր է ունենալ սեփական եսը, ձևավորել անձնական ցանկություններն ու ձգտումները։ Հեղինակը կոչ է անում ձերբազատվել բարդույթներից, սեփական ուժերի հանդեպ վստահություն ու հավատ ձեռք բերել։ Այս գրքում Ռեյչլը դիմում է իր ընթերցողին և ասում՝ պետք չէ արդարանալ, պետք է գործել նպատակասլաց ու առանց վարանելու։ 

• Հավատա ինքդ քեզ ու պատասխանատու եղիր երջանկությանդ համար. Ռեյչլ Հոլիս


• Կանանց խանգարում են երջանիկ լինել. Ռեյչլ Հոլիս


• Newmag-ը ներկայացնում է նոր բեսթսելլեր՝ «Աղջիկ ջան, ուշքի արի»։ Ինչի՞ մասին է գիրքը

Հետևեք newmag-ին Instagram-ում և Telegram-ում