Ինչպե՞ս ապրել լիարժեք կյանքով. խորհուրդ մարդուց, որը փորձել է ինքնասպան լինել, բայց միտքը փոխել է
- Մի′ ձգտեք արժանանալ հասարակության ուշադրությանը
Մարդիկ կան, ովքեր պատրաստ են ամեն ինչով զբաղվել միայն նրա համար, որ օրինակ` հայտնվեն էկրանին: Կան նաև այնպիսիք, որ պատրաստ են զբաղվել գործով, որը չի բերում ոչ փող, ոչ էլ ուշադրություն: Օրինակ` Վան Գոգը իր կյանքի ընթացքում վաճառել է միայն մեկ կտավ (50 դոլարով): Բայց նկարիչը վրձնել է 800 գլուխգործոց, 7-ը գնահատվել են 1-ական միլիոն դոլար: Զբաղվել ցանկացած գործով, իմանալով, որ հաջողությունը կարող է գալ մահից հետո: Սա է մեզ դարձնում ուժեղ:
- Հրաժարվել «փայլից»
«Փայլն» ամեն օր խաբում է մեզ. հաջողության գեղեցիկ պատմություններ, էպատաժային բիզնեսմենների կենսագրություններ, մոդայիկ ամսագրեր: Մեզ ասում են, որ կարելի է հեշտ ապրել, հեշտությամբ հաջողության հասնել: Բայց այդպես չի ստացվում: Իրական կյանքում միջնորդավորված ջանքերը միջնորդավորված արդյունք են տալիս: Հեշտ կյանքը նույնն է, ինչ դատարկ կյանքը: Իրականում քեզնից ինչ-որ բան ներկայացնելու համար պետք է հրաժարվել արդարացումներից և անել ավելի բարդ ու դժվար բաներ, քան մյուսները: Պետք է շուտ արթնանալ, շատ բան հասցնել, կարդալ ավելի արագ, հավասարակշռություն պահպանել, լինել ազնիվ ինքդ քո հանդեպ: Ուժեղ լինելու համար պետք է ամեն օր հաղթես ինքդ քեզ:
- Կատարելագործումը դարձնել կանոնավոր. միայն կանոնավոր գործողություններն են արդյունք տալիս
Լավ արտահայտություն կա. «Կայունությունը հմտության նշան է»: Միայն կանոնավոր գործողություններն են հաշվի առնվում: Հասկանալու համար, թե որքան կարևոր է կանոնավոր լինելը, պետք է գիտակցել անհատական գործողությունների արդյունքները: 15 տարվա ընթացքում օրը 20 անգամ դրական տրամադրվածություն պահպանելը նման է ավելի քան 109,500 հնարավորության՝ ավելի երջանիկ ապագա ստեղծելու համար: Ամեն օր մեկ անգամ ավելի շատ ճշմարտություն ասելով՝ կստանաք Ձեզ ավելի վստահելու 365 լիարժեք պատճառ: 22 տարի շարունակ ամեն շաբաթ մեկ գիրք կարդալը հնարավորություն է 1144 նոր գաղափար սովորել աշխարհի բոլոր խելացի մարդկանցից:
- Էքստրեմալ պահվածքը դարձրեք սովորություն
Նոր մակարդակի հասնելու համար պետք չէ ժամերով երազել, որ ամեն ինչ լավ է լինելու: Անհրաժեշտ է էքստրեմալ պահվածք դրսևորել: Սա առաջանում է տարբեր կերպ:
Ունեցեք էքստրեմալ ձգտումներ, էքստրեմալ ցանկություններ ու մոտեցումներ:
- Մոռացե′ք հավասարակշիռ կյանքի մասին
Հավասարակշռումը բացառում է ծայրահեղությունները: Բայց միայն ծայրահեղությունն է բերում իրական բեկումներ: Հավասարակշռությունը սահմանափակում է փայլելու հնարավորությունը: Մի′ փորձեք դրան հասնել: Ապրե′ք սահմանագծին:
- Լիցքավորվեք էնտուզիազմով
Գուցե ցուրտ եղանակին լուռ վազելը ձեր երազանքը չէ, բայց հենց այն է, ինչը Ձեզ լիցք կհաղորդի: Մեր ինքնագնահատականը բարձրացնում է ոչ թե մեր ընթերցած քաղաքական նորությունների ծավալը, այլ մեր ինքնակառավարման հատկությունը: Այս ունակությունը մարզելու լավագույն եղանակներից մեկը սպորտով զբաղվելն է: Ֆիզիկական ակտիվությունը բարելավում է հոգեբանական վիճակը:
Կարդացեք նաև.
Ի՞նչ անել, եթե դասագրքում սխալ եք հայտնաբերել
Ի՞նչ անել արձակուրդային ֆոտոները
Կոտրված ապրանք. վճարել, թե՝ ոչ
- Տարբերվեք մյուսներից
Մեզ մանկուց սովորեցնում են չտարբերվել: Մենք սովորում ենք համեստ լինել և լավ պահել մեզ: Անհրաժեշտ է ընդարձակել տարբերվելու սահմանը: Մանավանդ որ այդ սահմանները միայն մեր ուղեղում են: Գուցե նոր սահմաններ գծելու ժամանակն է: Կամ դրանցից ազատվելու: Որոշումը Ձերն է: Սահմանների ընդլայնումը վերջին որոշիչ գործոնն է: Փոխեք ինքներդ Ձեզ և կփոխեք աշխարհը:
- Մի ձևացրեք, թե շատ բան գիտեք
Եղեք ազնիվ: Հիմար չերևալու վախի պատճառով երբեմն չեք խոստովանում, որ ինչ-որ բան չգիտեք: Հաճախ մենք քիչ ենք հաջողում, քանի որ ձևացնում ենք, թե ավելի շատ բան գիտենք: Ամենագիտությունը ամենաանվտանգավոր բանն է: Հարցի պատասխանը փնտրելու փոխարեն մենք ձևացնում ենք, թե գիտենք պատասխանը: Ինչու ձևացնել, եթե կարելի է զարգացնել սովորելու կարողությունը: Ինչու խաղալ, եթե կարել է աշխատել: Ինչ-որ պահի Դուք ստիպված կլինեք թողնել չիմացության վախը և ապրել այնպես, ինչպես ուզում եք:
- Դարձեք կարգապահ
Ինչ որ բանի հասնելու համար պետք է հետևողական ու պարտաճանաչ աշխատանք:
Ինչո՞ւ ենք զայրանում, երբ մեր ամենահամարձակ երազանքները չենք կարողանում իրականացնել մեկ շաբաթում: Սովորաբար մենք հիասթափվում ենք, երբ մի քանի փորձից հետո արդյունքի չենք հասնում: Բացառիկ ձեռքբերումները հազվադեպ են իրականանում առաջին իսկ փորձով:
- Ձեր կյանքը դարձրեք լաբորատորիա
Հետազոտեք: Ինքներդ գտեք դաստիարակ ու հարցրեք, թե ինչպես կարող եք բարելավել Ձեր արդյունքը: Լսեք հակառակ տեսակետները: Թարմացրեք գրքերի ցանկը, որոնք կցանկանաք կարդալ և անպայման կարդացեք դրանք: Դուրս եկեք սոցցանցերից ու սկսեք ընթերցել: Նոր բառեր մտցրեք ձեր բառապաշար: Ընկերներին հրավիրեք սուրճի և խոսեք նրանց շնորհների մասին: Վայելեք երաժշտությունը, սպորտը:
Թարգմանիչ` Արփի Մուրադյան
Հետևեք newmag-ին Telegram–ում և Instagram–ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)