Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)

Աշխարհ, որ չի սիրում քնել, բայց անընդհատ երազում է լավ քնի մասին։ Այսպես է սկսում իր գիրքը Հայաստանում քնի հավաստագրված առաջին մասնագետ Աստղիկ Նադիրյանը. «Այս գիրքը նախ և առաջ գրկում է, հետո օգնում, որ երեխաները հանգիստ քնեն»։

«Նանի'կ արա, ի'մ բալիկի» գրքում հեղինակը նախ կօգնի հասկանալ, թե ինչպիսի ծնողավարման կողմնակից եք, նախընտրում եք ավելի բնական, հանգիստ տարբերակները, օրինակ համատեղ քունը, թե ավելի հակված եք արևմտյան՝ առանձին ու ինքնուրույն քնի տարբերակին։ 

Մասնագետի օգնությամբ կհասկանաք նաև, թե քնի ֆիզիոլոգիական առանձնահատկությունները, որոնք են. երբ է սկսվում խորը քունը, ինչու է երեխան քնից արթնանում լացով ու ինչու է միանգամից արթնանում, երբ փորձում եք նրան պառկեցնել իր անկողնում։

Գիրքն ունի 9 գլուխ, ամեն տեղ քնի գործոններն են, գիտական ուսումնասիրությունները՝ ոչ ակադեմիական, պարզ բառապաշարով, որպեսզի ամեն մի չքնած ու հոգնած մայրիկ կամ հայրիկ, հասկանա ու կիրառի։ Առանձին գլուխներով հեղինակը խոսում է երկու տարիքային մեծ խմբերի՝ մինչև չորս ամսական նորածինների, 5-ից 24 ամսական, 2-ից 6 տարեկանների ու զույգերի կամ առանձնահատուկ զարգացմամբ երեխաների քնի առանձնահատկությունների ու կարգավորման մասին։ 

Ինքնուրույն քնի կողմնակիցների համար գրքում մանրամասն ներկայացված են հինգ դասական մեթոդներ՝ բացառման, միջակայքերի, աստիճանաբար հեռանալու, գրկել-դնելու ու ֆեյդինգի։ Քնի մասնագետն, իհրակե այս ամենը պատմում է թեթև, գեղեցիկ ու պարզ լեզվով։ Չի մոռանում նաև այսպես ասած խանգարող մեթոդների մասին, ինչ անել երբ երեխան հիվանդ է, երբ տեղափոխվել եք նոր միջավայր, ինչպես կազմակերպել գիշերային ու ցերեկային կերակրումները, որպեսզի ոչ թե խանգարեք, այլ օգնեք լավ քնել։

Գրքի հետ կա նաև աշխատանքային ուղեցույց ծնողների համար, որպեսզի կարդալուն զուգահեռ մայրիկը կազմի քնի ծրագիր, պատմի երեխայի վախերի, անհանգստությունների մասին։ Ու որքան էլ հոգնած, մոլորված չքնած մայրիկ լինեք, Աստղիկ Նադիրյանը կսովորեցնի ավելի հեշտ, հանգիստ քնել փորիկներին՝ համբերությամբ, հետևողականությամբ ու իր օգնությամբ։

Կարդացեք նաև

• «Երազի գիրք. նոր հերոսներ» մանկական փառատոնին «Երազ» մատենաշարը ներկայացրեց 4 նոր գիրք (տեսանյութ, լուսանկարներ)
• Այս weekend֊ին newmag-ը «Երազ» մատենաշարով մասնակցեց միաժամանակ մանկական 2 փառատոնի (լուսանկարներ)
• Ինչ նոր գրքեր, անակնկալներ ու նվերներ են սպասվում «Երազի գիրք. նոր հերոսներ» մանկական գրքատոնին (տեսանյութ)
• «Երազ» մատենաշարը ներկայացնում է  Աստղիկ Նադիրյան. «Նանի՛կ արա, իմ բալի՛կ. Ինչպես քնեցնել երեխային» (թրեյլեր)
• Տեղի ունեցավ Աստղիկ Նադիրյանի «Նանի՛կ արա, ի՛մ բալիկ» գրքի հեռուստաշնորհանդեսը (լուսանկարներ, տեսանյութ)