տեղի ունեցավ Լուչիանո Վերնիկեի «Ինչու են ֆուտբոլ խաղում 11-ն ընդդեմ 11-ի» գրքի հեռուստաշնորհանդեսը (տեսանյութ)

Լուչիանո Վերնիկեի «Ինչու են ֆուտբոլ խաղում 11-ն ընդդեմ 11-ի» գրքում  ներկայացրել է ֆուտբոլի պատմության ամենահետաքրքիր փաստերը, ամենաանսպասելի պատմություններն ու ամենատարօրինակ հարցերը, որոնց պատասխանները կզարմացնեն նույնիսկ ֆուտբոլասերներին։

Newmag-ի գրական ծրագրերի ղեկավար Անի Հակոբյանը, որը նաև գրքի թարգմանիչն է, պատմեց իր ֆուտբոլային նախասիրությունների մասին. 

«Իմ սիրելի հավաքականը, ցավոք, չի մասնակցում առաջնությանը, ես Իտալիայի հավաքականի երկրպագու եմ, բայց նրանք չեն անցել որակավորման փուլը։ Իմ սիրելի ֆուտբոլիստներից էին Կական, Բուֆոնը, Դելպիերոն։ Այս առաջնությանը հետևում եմ և սպասում եմ Անգլիայի հավաքականի հաղթանակին»: 

։

Ֆուտբոլը, ինչպես շատ մարզաձևեր, ստեղծվել է պատերազմներին պատրաստվելու ու ռազմարվեստը զարգացնելու համար։ Ժամանակակից ֆուտբոլը ծնվել է 17-րդ դարում Անգլիայում ու դարձել ինտելեկտուալ խաղ։ Ամենատրիվիալ հարցը, որի պատասխանը կա նաև գրքում, վերնագիրն է՝ «Ինչու են ֆուտբոլ խաղում 11-նընդդեմ 11-ի». 

Գրքի թարգմանիչը պատմեց, որ կանոնը ձևավորվել է Անգլիայում, երբ այն մտավ էլիտար կրթական հաստատություններ, հանրակացարաններում տղաններն ապրում էին տասնմեկ հոգով։ Ամեն մի սենյակ խաղում էր մյուս սենյակի թիմի դեմ։

Ֆուտբոլասեր, Newmag Signature գրական ակումբի անդամ Զորիկ Սամվելյանի սիրելի ֆուտբոլիստը Մեսսին է, հավաքականը՝ Իսպանիայինը, բայց ֆուտբոլ սկսել է խաղալ ու սիրել, երբ 2014 թվականի առաջնության ժամանակ տեսել է վան Պերսի հայտնի գլխով հարվածը. 

«Այդ տարի առաջին անգամ գնացել եմ ֆուտբոլի, ու նույնիսկ փորձել եմ այդ գոլը կրկնել։ Այս տարվա խաղերը բոլորը հետաքրիքր են։ Կարծիք կար, որ հարյուրից ավելի թիմերի մասնակցությունն ու այդքան շատ խաղերը կազդեն առաջնության դիտողականության ու հետաքրքրության վրա, բայց նույնիսկ փոքր թիմերը շատ հետաքրքիր խաղ ցույց տվեցին»։

Երբ ստեղծվում էր ֆուտբոլը, դժվար էր կանխատեսել, որ մի օր այն կդառնա ամենամասսայական ու թանկ մարզաձևերից, որ ֆուտբոլիստները կդառնան աստղեր ու կվաստակեն աստղաբաշխական գումարներ, իսկ կանոնները, որոնք ձևավորվել են տարիների ընթացքում, զարգանում ու փոխվում են ամեն օր, այս տարվա առաջնության ընթացքում նույնպես ձևավորվել են նոր կանոններ, օրինակ, մրցավարների գլխին ամրացված են տեսախցիկներ։

Կարդացեք նաև

• Summer Fest-ին Newmag-ը կներկայացնի Լուչիանո Վերնիկեի «Ինչո՞ւ են ֆուտբոլ խաղում 11-ն ընդդեմ 11-ի» գիրքը
• «Հույս ունեմ շուտով այցելել Հայաստան». Լուչիանո Վերնիկեն տեսաուղերձ է հղել հայ ընթերցողներին (տեսանյութ)