Ջոն Բոլթոն. Ո՞վ է ԱՄՆ ամենաազդեցիկ «բազեն»
Քաղաքագետ Սուրեն Սարգսյանը ֆեյսբուքյան գրառում է կատարել` նշելով, որ առաջիկայում Հայաստան, Վրաստան, Ադրբեջան կայցելի ազգային անվտանգության հարցերով ԱՄՆ նախագահի խորհրդական Ջոն Բոլտոնը: Եթե Բոլտոնն իսկապես գա Հայաստան, դա կարող է վճռորոշ որոշումների խթան դառնալ:
Ջոն Բոլտոնն այսօր Վաշինգտոնում արտաքին քաղաքական հարցերով ամենաազդեցիկ պաշտոնյան է: Հենց նրա խորհուրդներով է Թրամփը դուրս եկել Իրանի միջուկային գործարքից, նոր իրավիճակ ստեղծել Հյուսիսային Կորեայի հետ հարաբերություններում, նոր պատժամիջոցներ սահմանել Ռուսաստանի դեմ, հիմնահատակ ոչնչացրել Իսլամական պետության հենակետերը Ռաքքայում /խաղաղ բնակչության հետ/, առաջացրել աննախադեպ լարվածություն ԱՄՆ-Եվրոպա, ԱՄՆ-Չինաստան հարաբերություններում, Երուսաղեմը ճանաչել Իսրայելի մայրաքաղաք: Մի խոսքով, Ջոն Բոլտոնը Դոնալդ Թրամփի արտաքին քաղաքական բոլոր նախաձեռնությունների հեղինակն ու գաղափարախոսն է:
Ծնվել է 1948 թվականին: Նրա երիտասարդության ամենաուշագրավ դրվագը եղել է այն, որ, լինելով Յելի համալսարանի ուսանող, նա, ի տարբերություն իր համակուրսեցիների, չի մասնակցել Վիետնամում պատերազմի դեմ ուսանողական մասսայական ցույցերին: Դեռ ուսանողական տարիքից պարզ էր` Բոլտոնը կոշտ քաղաքականության ջատագով է: Նա Սպիտակ տան հետ առնչվել է դեռ Նիքսոնի նախագահության տարիներին, աշխատել Ռեյգանի ժամանակ: Ջորջ Բուշ կրտսերի սկանդալային ընտրության գործում Բոլտոնը մեծ դեր է ունեցել` լինելով ճակատագրական նահանգում` Ֆլորիդայում ձայների վերահաշվարկին մասնակցածներից մեկը:
Կարդացեք նաև.
Ներգաղթային նոր քաղաքականությունն արտասահմանցի ուսանողներին թույլ չի տալիս իրենց հմտություններն օգտագործել ԱՄՆ-ում
Ռուսաստանն ԱՄՆ-ին մեղադրում է Վրաստանում գաղտնի քիմլաբորատորիաներ ունենալու մեջ
ԱՄՆ նախկին պետքարտուղար. «Մենք Սաակաշվիլիին ասել ենք, որ ռուսները կարող են Վրաստան ներխուժել, սակայն դուք չպետք է պատասխանեք»
Կոշտ հանրապետական Բոլտոնը մեղմ ասած չի հավատում ՄԱԿ-ի արդյունավետությանը, Իրանի միջուկային գործարքի օրերին նա հայտարարում էր, թե պետք է ռմբակոծել այդ երկիրը, մի առիթով ասել էր, որ միջազգային իրավունք գոյություն չունի և դա գործիք է, որով մյուս երկրները զսպում են ԱՄՆ-ին: Ավելին, ըստ Բոլտոնի, ՄԱԿ-ի փոխարեն աշխարհը պետք է հետևի ԱՄՆ-ին: 2005-ին Ջորջ Բուշ Կրտսերը նրան նշանակել էր ՄԱԿ-ում ԱՄՆ դեսպան, բայց այս որոշմանը դեմ էին ոչ միայն դեմոկրատները, այլև հանրապետականները: Մեկ տարի անց Բոլտոնին հետ կանչեցին ՄԱԿ-ից:
Այս տարվա մարտին Դոնալդ Թրամփը Բոլտոնին նշանակեց ազգային անվտանգության հարցերով խորհրդական:
Վերջին մեկ տարվա ընթացքում Վաշինգտոնը Երուսաղեմը ճանաչեց Իսրայելի մայրաքաղաք` հարուցելով բռնության նոր շրջափուլ Մերձավոր Արևելքում: Դրան հաջորդեց Իրանի միջուկային գործարքի չեղարկումը, չտեսնված լարվածությունը ԱՄՆ-ԵՄ հարաբերություններում և աշխարհի բոլոր երկրների հասցեին հնչած սպառնալիքը` խզել Իրանի հետ կապերը, այլապես վատ կլինի:
Եվ ահա, Բոլտոնը գալիս է Հայաստան:
Հետևեք newmag-ին Telegram-ում և Instagram-ում
Տարածել
Կարդա նաև
Ուշագրավ փաստեր Ֆրանսիական գրականության ամենահայտնի ու հեղինակավոր գրական մրցանակի մասին (տեսանյութ)
Ազնավուր, Մանուշյան, Սառ, Նոտոմբ ու Լյուգան. Ֆրանկոֆեստի 5 հեղինակները
FrancoFest 2024 / GONCOURT մրցանակը ազգային ժյուրի է ստեղծում Հայաստանում (անոնս)
Թարգմանչաց տոնին newmag-ը կանկացնի ֆրանկոֆոն բովանդակությամբ աննախադեպ փառատոն / Francofest 2024