NEXUS / Յուվալ Նոյ Հարարին վերադառնում է նոր, ցնցող գրքով (թրեյլեր)
09/09/2024
Սեպտեմբերի 10-ին ամբողջ աշխարհում լույս է տեսնում Յուվալ Նոյ Հարարիի նոր գիրքը՝ «Nexus»-ը։ Նույն օրը բնօրինակի հետ լույս է տեսնում նաև հայերենը։ ԱՊՀ տարածքում Հայաստանը միակ երկիրն է, որտեղ գիրքը լույս է տեսնում բնօրինակի հետ միաժամանակ։
Nexus-ում Հարարին կրկին խոշորացույցի տակ է վերցրել մարդկության պատմությունը։ Այս անգամ նա ուսումնասիրում է, թե ինչպես է տեղեկատվության հոսքը ձևավորել մեզ ու մեր աշխարհը։
Հարարին կարողանում է մեկ դիտանկյան տակ դնել պատմության լավագույն օրինակները և մեծագույն մեգաթրենդերը: Սա յուրահատուկ կարողություն է: Այս խիստ կարևոր գիրքը լույս է տեսնում մի շատ վճռորոշ շրջանում, երբ բոլորս մտորում ենք արհեստական բանականության հետևանքների մասին:
Քարե դարից, մինչև Քրիստոնեություն, վհուկների դեմ արշավից մինչև նացիզմ ու պոպուլիզմ։ Sapiens-ի հեղինակը վերադառնում է բացառիկ ուսումնասիրությամբ։ Գիտնականը Nexus-ում կատարում է բացահայտումներ, որոնք այսօր աշխարհի դիտակետում են։ Սափիենսը, որ 100 000 տարում արեց բացահայտումներ, ստեղծեց ու նվաճեց, ինչպես հայտնվեց էքզիստենցիալ ճգնաժամում, ինչպես աշխարհն ու մարդը մտան էկոլոգիական կոլապսի դարաշրջան, ինչպես տեղեկատվական հեղափոխություն կերտող մարդը սկսեց ինքնաոչնչանալ։
«Մենք ստեղծում ենք արհեստական բանականության պես նոր տեխնոլոգիաներ, որոնք կարող ենդուրս գալ մեր վերահսկողությունից և ստրկացնել կամ ոչնչացնել մեզ»:
Բացառիկ աշխատությանն արդեն անդրադարձել են աշխարհահռչակ գրողներ, գիտնականներ, դիվանագետներ։ Օրինակ, գրող, դերասան Ստեֆան Ֆրայը Հարարիի նոր գրքի մասին գրել է. «Վիթխարի, մտածելու տեղիք տվող և խորապես պատճառաբանված: Հարարին տալիս է արագ մոտեցող ապագայի տեսլականը, որից և՛ հրճվում ես, և՛ սարսռում: Սա գիրք է, որը պետք է կարդան բոլորը, հատկապես մեր քաղաքական, կորպորատիվ և մշակութային ոլորտների առաջնորդները»:
Յուվալը Նոյ Հարարին ժամանակակից ամենանշանակալի մտածողներից է։ Նրան համարում են համարձակ, յուրահատուկ, գիտուն, սադրիչ և գրավիչ: Իսկ վերջին գործում նա վերաիմաստավորում է ամեն ինչ՝ գրագիտությունից մինչև ԱԲ և, ինչպես իր մյուս գրքերը, հիմնովին փոխում է մեր պատկերացումներն աշխարհի մասին:
Սեպտեմբերի 10-ին Արմենիա հեռուստաընկերության եթերում շնորհանդեսով հրատարակչությունը կմիանա միայն գրքի գլոբալ մեկնարկին։ Nexus-ի գլխավոր գործընկերը Բուկինիստն է։
Newmag.am կայքում արդեն սկսվել է գրքի նախավաճառքը։
Կարդացեք նաև
Տարածել
Յուվալ Նոյ Հարարի
7800 ֏
Նկարագրություն
Վերջին 100,000 տարում մենք՝ սապիենսներս, հսկայական ուժ ենք կուտակել: Ու չնայած մեր բոլոր հայտնագործություններին, գյուտերին և նվաճումներին՝ այժմ բախվել ենք գոյաբանական ճգնաժամի: Աշխարհը բնապահպանական կործանման եզրին է: Ապատեղեկատվությունն ահռելի չափի է հասել: Ու այս ամենի ֆոնին մենք գլխապատառ նետվում ենք դեպի ԱԲ դարաշրջան: Տեղեկատվական նոր ցանց, որը սպառնում է ոչնչացնել մեզ: Այսքան բանի հասնելուց հետո ինչո՞ւ ենք մենք՝ սապիենսներս, այդքան ինքնաոչնչացվող տեսակ:
Nexus-ում Հարարին կրկին խոշորացույցի տակ է վերցրել մարդկության պատմությունը։ Այս անգամ նա ուսումնասիրում է, թե ինչպես է տեղեկատվության հոսքը ձևավորել մեզ ու մեր աշխարհը: Ճանապարհորդությունը սկսելով Քարի դարից մինչև Աստվածաշնչի կանոնիկացում, վաղ միջնադարյան վհուկորսից հասնելով ստալինիզմին, նացիզմին և մեր օրերում պոպուլիզմի վերելքին՝ Հարարին մեր ուշադրությունը հրավիրում է տեղեկատվության և ճշմարտության, բյուրոկրատիայի ու առասպելաբանության, խոհեմության և իշխանության խճճված կապի վրա:
Նա բացատրում է, թե հասարակությունները և քաղաքական համակարգերը պատմության ընթացքում ինչպես են ինֆորմացիան կիրառել իրենց լավ կամ վատ նպատակներին հասնելու համար: Տեղեկատվությունը բացարձակ ճշմարտություն չէ, ոչ էլ սոսկ զենք: Nexus-ը բացահայտում է այս երկու ծայրահեղությունների ոսկե միջինը:
Կարդա նաև
Թարգմանչաց տոնին newmag-ը կանկացնի ֆրանկոֆոն բովանդակությամբ աննախադեպ փառատոն / Francofest-2024
newmag-ն ու Paradigma հիմնադրամը համատեղ ներկայացնում են մանկական գրքեր (տեսանյութ)
Շառլ Ազնավուրի 500 երգերը newmag-ը զետեղել է մեկ բացառիկ ժողովածուի մեջ (տեսանյութ)
Ի՞նչ կա չկա Քրիստինե Գրիգորյանի «Ավանդական ճաշասեղանին» (տեսանյութ)