«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)

Բարի վերադարձ, Բեյվյու ու նոր սարսափելի դեպքեր, որ տեղի են ունենում Ավագ դպրոցում։ Երիտասարդների մասին պատմող ու նրանց համար ստեղծված գիրքը համաշխարհային բեսթսելլեր է։

Գրաքննադատներն ասում են, որ այն նոր շունչ է դետեկտիվ ժանրում: Գրավիչ և դինամիկ սյուժեն ստիպում է կառուցել վարկածներ և լուծել գլուխկոտրուկներ: Ամեն ինչ սկսվել էր եռագրության առաջին մասում։ Հինգ աշակերտ պատժվել ու հայտնվել էին փակ սենյակում։

Աշակերտներից մեկին սպանել էին, մյուսները ստում էին։ «Մեզնից մեկը ստում է» վեպը Մակմանուսի առաջին և ամենահաջողված գիրքն է։ Գիրքն այնքան մեծ հաջողություն ունեցավ, որ թարգմանվեց քառասուներկու լեզուներով, վաճառվեց ավելի քան 6 միլիոնօրինակ։ Եվ հեղինակը որոշեց այն դարձնել եռագրություն։

Երկրորդ՝ «Մեզնից մեկը հաջորդն է» վեպում գլխավոր հերոսներ են դառնում նախորդ մասի երկրորդական կերպարները։ Աշակերտներից մեկի՝ Սայմոնի մահից հետո սկսվում է իսկական մղձավանջ։ Ինչ֊որ մեկն ավագ դպրոցի աշակերտներին ստիպում է խաղալ «Ճշմարտություն կամ մարտահրավեր» առցանց խաղը: Հաջորդ զոհը պետք է ճակատագրական ընտրություն անի. հայտնի՞ ճշմարտությունը, որի դեպքում ավագդպրոցի բոլոր սովորողները կիմանան նրա ամենամութ և ամոթալի գաղտնիքը, թե՞ անցնի փորձությայն միջով ու կատարի չափազանց վտանգավոր առաջադրանք: 

«Մեզնից մեկը հաջորդն է» թրիլլերում հերոսները պետք է պարզեն՝ ո՞վ է հաջորդ զոհը: Ցնցող ու լարված սյուժեն նաև էկրանավորվեց ու դարձավ ամենադիտված հեռուստասերիալներից մեկը։

Կարդացեք նաև

• Newmag / summerfest-ին տեղի կունենա ամռան գլխավոր թրիլլերի շնորհանդեսը / Քարեն Մակմանուս. «Մեզնից մեկը հաջորդն է» (թրեյլեր, թիզեր)
  
• Հեռուստաշնորհանդես / Քարեն Մակմանուս, «Մեզնից մեկը հաջորդն է»