«Ինքնատիպները». Newmag-ը հայերեն է հրատարակել Ադամ Գրանտի նաև մյուս բեսթսելլերը (թրեյլերը)

Ամերիկացի գիտնական, հոգեբան, բեսթսելլեր հեղինակ Ադամ Գրանտն իր առանցքային աշխատությունում համադրում է գիտական ուսումնասիրությունները, իրական պատմությունները և հոգեբանական դիտարկումները՝ բացատրելով, թե ինչպես են մարդիկ կարողանում գերազանցել իրենց մեկնարկային հնարավորությունները, ինչպես են սովորում մտածել ավելի լայն, գործել ավելի համառ և զարգացնել այն հմտությունները, որոնք դառնում են երկարաժամկետ հաջողության հիմքը։

«Ինքնատիպները» New York Times-ի համար մեկ բեսթսելլերն է և համարվում է Ադամ Գրանտի ամենաազդեցիկ գրքերից մեկը։ The Financial Times-ը գիրքը կոչել է կլանիչ ու գործնական, իսկ The Washington Post-ը՝ ձեռնարկ նրանց համար, ովքեր ուզում են կոտրել կարծրատիպերը։ Գիրք նրանց համար, ովքեր ուզում են ստեղծել, փոփոխել և առաջ տանել աշխարհը։

Աշխարհը փոխում են ոչ թե նրանք, ովքեր հարմարվում են, այլ նրանք, ովքեր համարձակվում են մտածել այլ կերպ։ Ադամ Գրանտի համաշխարհային բեսթսելլերը պատմում է, թե ինչպես են ինքնատիպ մարդիկ կոտրում կանոնները, ստեղծում նոր գաղափարներ ու առաջ տանում փոփոխությունը։ Հոգեբանները բացահայտել են, որ ձեռքբերումների տանող երկու հիմնական ճանապարհ կա՝ հարմարվողականությունն ու ինքնատիպությունը։

Հարմարվող մարդիկ իրենց համոզմունքներն ու վարքը համապատասխանեցնում են ընդունված նորմերին, իսկ ինքնատիպները լողում են հոսանքին հակառակ՝ առաջ քաշելով գաղափարներ, որոնք սկզբում կարող են անհարմար, տարօրինակ կամ նույնիսկ վտանգավոր թվալ։ Սակայն հենց այդ գաղափարներն են ժամանակի ընթացքում փոխում աշխարհը։ 

Ադամ Գրանտի «Ինքնատիպները.» գիրքը ցույց է տալիս, որ յուրօրինակ լինելը բնատուր հատկություն չէ, այլ հմտություն, որը կարելի է զարգացնել։ Հեղինակն ուսումնասիրում է, թե ինչու ենք մենք հաճախ վախենում առանձնանալ ամբոխից, ինչու ենք նախընտրում հարմարվել՝ նույնիսկ երբ մեր գլխում ծնվում է թարմ ու արժեքավոր միտք։ Նա բացատրում է, թե ինչպես է վախը ձախողումից խանգարում մեզ բարձրաձայնել մեր գաղափարները և ինչ մեխանիզմներով կարող ենք հաղթահարել այդ վախը։

Գիրքը հիմնված է նորագույն գիտական հետազոտությունների, իրական պատմությունների և անսպասելի եզրակացությունների վրա։ Գրանտը պատմում է, թե ինչպես են ինքնատիպ մտածողներն ասում ճշմարտությունն իրենց ղեկավարին, խուսափում խմբակային մտածողությունից, ստեղծում նոր մշակույթ և հասնում իրական փոփոխության։ Նրա օրինակները գալիս են բիզնեսից, արվեստից ու հասարակական շարժումներից՝ ցույց տալով, որ առաջընթացը միշտ սկսվում է նրանցից, ովքեր չեն հարմարվում, այլ համարձակվում են փոխել իրավիճակը։ 

Թարգմանությունն անգլերենից՝ Լիանա Զաքարյանի, հովանավոր՝ FAST BANK

Կարդացեք նաև

• Միանգամից երկու նոր գիրք մեկ բեսթսելլեր հեղինակից. Newmag֊ը հրատարակել է Ադամ Գրանտի գրքերը (տեսանյութ)
• Newmag-ը ներկայացնում է ամերիկացի գիտնական, հոգեբան և բեսթսելլեր հեղինակ Ադամ Գրանտի «Թաքնված ներուժ» գիրքը (թրեյլեր)