Ռուսական ինտերնետի երկաթե վարագույրը

Պուտինի ստորագրած նոր օրենքներն ուղղակի գրաքննության փորձ են: Փորձագետները կարծում են, որ ռուսական ինտերնետի ընդհանուր մեկուսացումը անհնար է: Սակայն ներսում գործարարները լավ շահույթ կստանան:
Մայիսի 1-ին նախագահ Պուտինը ստորագրել է «կայուն, անվտանգ և լիարժեք ինտերնետի մասին» օրենքը: Այն որակվել է որպես «Ինտերնետի մեկուսացման մասին» օրենք: Օրենքը նշում է, որ եթե Ռուսաստանը կտրվի համաշխարհային ենթակառուցվածքից, ինտերնետի ռուսական հատվածը պետք է կարողանա ինքնուրույն գործել առանց ընդհատումների: Պրովայդերը պետք է տեղադրի հատուկ տեխնիկական սարքեր՝ հնարավոր սպառնալիքներից պաշտպանվելու համար. սարքավորումները կսահմանափակվեն Ռուսաստանի հեռահաղորդակցության գործակալության «Ռոսկոմնաձոր» -ի կողմից: Օրենքի իրականացման համար պահանջվում է 30 միլիարդ ռուբլի (150 միլիոն դոլար):

Օրենքի իրականացման համար պահանջվում է 30 միլիարդ ռուբլի (150 միլիոն դոլար)

Նախկինում օրենքը խիստ քննադատության ենթարկվեց փորձագետների, իրավապաշտպան կազմակերպությունների, ինտերնետ-պրովայդերների, Ռուսաստանի Դաշնության Մարդու իրավունքների խորհրդի, Պետական ​​Դումայի մի շարք պատգամավորների, և նույնիսկ Ռոսկոմնաձորի կողմից:
«Ինտերնետի անվտանգություն» օրենքը վերջնական ակտն էր Ռուսաստանի մի շարք նոր օրենսդրական նախաձեռնություններում, որոնք հայտնի էին նաև «Կլիշայի օրենքները» (սենատոր Անդրեյ Կլիշաշի անունով), որը անցել է 2019 թ. գարնանը, ինչպես նաև ՛՛Կեղծ տեղեկատվության մասին՛՛ օրենքը և ՛՛Իշխանություններին չհարգելու մասին՛՛ օրենքը: Երկուսն էլ ազդում են ինտերնետի վրա: Առաջինը արգելում է տեղեկատվություն տարածել, որը կարող է վնասել քաղաքացիներին կամ կենսական նշանակություն ունեցող գործակալությունների աշխատանքը և այլն: Տեղեկության ճշգրտությունը պետք է սահմանվի գլխավոր դատախազի կամ նրա տեղակալների կողմից, իսկ դատախազի պահանջով `Ռոսկոմնաձորն արգելափակում է այդ կայքերը: Ինտերնետում «կեղծ լուրերի» տարածման տուգանքը կարող է լինել մինչև 1,5 միլիոն ռուբլի ($ 23,000): Երկրորդ օրենքը նախատեսում է մինչև 300,00 ռուբլի (5000 դոլար) տուգանք կամ կալանավորում:

Նոր օրենքները փորձ են ուղղակի գրաքննություն իրականացնել

Նոր օրենքները փորձ են ուղղակի գրաքննություն իրականացնել, որը արգելված էր 1990 թ. «Զանգվածային լրատվության մասին» օրենքով: Սա ՊԵՆ-Մոսկվայի, PEN-Սանկտ Պետերբուրգի նախազգուշացումն է, ինչխպես նաև  Պետերբուրգում ավելի քան հարյուր գրողների, գիտնականների և մտավորականների, որոնք աջակցում են կազմակերպություններին: Նրանց անհանգստությունը կիսում են այնպիսի միջազգային կազմակերպություններ, ինչպիսիք են PEN International, Լրագրողների եվրոպական դաշնությունը և ԵԱՀԿ-ն:
«Կլիշեայի օրենքները», – ասում է ԶԼՄ-ների իրավունքների պաշտպանության կենտրոնի տնօրեն Գալինա Արապովան, – «երկրում խոսքի ազատության վերջին բաց պատուհանի փակման փորձ են»: Մինչ լրատվամիջոցները վախենում են քննադատել իշխանություններին, սոցիալական ցանցերը դարձել են կենդանի քննարկման իրական դաշտ: «Նոր օրենքները, ինչպիսիք են կեղծ լուրերի և իշխանություններին վիրավորելու մասին ուղղված են կոնկրետ մարդկանց, ովքեր համացանցում տեղադրում են տեղեկատվություն, նրանց վախեցնելու համար»:
Արդյոք նրանք կկարողանան դադարեցնել անվճար ինտերնետը: Կամ ամբողջությամբ մեկուսացնել ռուսական ինտերնետը: Տարբեր կարծիքներ կան: Երիտասարդները չեն հավատում սահմանափակումների հաջողությանը, հիշեցնելով Telegram- ի փակման չհաջողված փորձը: Շատերը կարծում են, որ ինտերնետի ռուսական հատվածի ընդհանուր մեկուսացումը հիմնականում անհնար է: Վերջին ժամանակներում Ռուսաստանի քաղաքացիները շատ զգայուն են դարձել վերացական նպատակների համար նոր թանկարժեք նախագծերի վերաբերյալ:

Երիտասարդները չեն հավատում սահմանափակումների հաջողությանը

Գալինա Արապատովան կարծում է, որ անկախ ինտերնետի մասին օրենքը հավանաբար թույլ կտա իշխանություններին որոշակի մարտավարական ներքին խնդիրներ լուծել: Նա հիշեցնում է մեզ Ինգուշեթիայում տեղի ունեցած իրադարձությունների մասին, երբ Ինգուշեթիայի և Չեչնիայի սահմանը տեղափոխելը հանրապետությունում անկարգություններ առաջացրեց, որի ընթացքում փակվեցին բջջային կապը և սոցիալական ցանցերը:

---

Կարդացեք նաև.

• 
  

  Գուգլը կդադարեցնի գործակցությունը չինական Հուավեյ ընկերության հետ

  
  


• 
  

  Հայաստանում հեռուստատեսությունը մնում է տեղեկությունների ստացման հիմնական աղբյուր

  
  


• 
  

  Ֆեյսբուքը կտուգանվի 3-5 միլիարդ դոլարով՝ օգտատերերի տվյալների արտահոսքի համար

  
  

---

Անվտանգ ինտերնետի մասին օրենքը Հակակոռուպցիոն հիմնադրամի ներկայացուցիչ Լեոնիդ Վոլկովի կարծիքով բյուջեի բաժանման պրակտիկայի անմիջական շարունակությունն են: Նա հավատում է, որ հիմնական խթանը այնքան էլ գրաքննության բացակայությունը չէ: «Դրա համար էլ անցնում է հիստերիկ և անբավարար օրենք, որը նրանք չեն կարողանա իրականացնել տեխնիկապես, բայց 30 մլրդ ռուբլի պետք է օգտագործվի մինչև 2019 թ. նոյեմբերի 1-ը: Այսպիսով, այն ընդունվում է հանուն միմիայն 30 մլրդ-ի »:
Վոլկովի կարծիքը շատերի համար անակնկալ է: Սակայն եթե հիշենք հակառուսական պատժամիջոցների կիրառումը և ռուսական «հակապատժամիջոցները», ինչը հանգեցրեց հանրության մեծ մասի աղքատացմանը և տասնյակ դոլարի միլիարդատերերի հայտնվելուն, ապա մենք կարող ենք հետևել տրամաբանությանը:

Հանգեցրեց հանրության մեծ մասի աղքատացմանը

Տնտեսագիտության պրոֆեսոր, ՄԱԿ-ի փորձագետ Նատալյա Զուբարևիչը վերջին մի քանի տարիներին ասում է, որ մեկուսացման Ռուսաստանի ուղին նպաստում է ռեժիմի մոտ օլիգարխների հարստացմանը՝ ցույց տալով, թե ինչպես է «հակապատժամիջոցները» օգնում ռեժիմին մոտ կանգնած գործարարների հարստանալ: Ակնհայտ է, որ հակառուսական պատժամիջոցները արագացրեցին երկու գործընթացներ `ՀԿ-ների և ԶԼՄ-ների մասին օրենսդրության կոշտացումը և օրենքի հետագա ընտրական կիրառումը: Անվտանգ ինտերնետը ևս մեկ տարր է այդ հայեցակարգում: Բայց դա սովորական ռուս քաղաքացիներին, ովքեր վճարելու են դրա համար, քիչ է մտահոգում, իսկ վերջին հարցումները ցույց են տալիս, որ նրանք ավելի գերադասում են հայրենասիրական հռետորություն: Օրենքն ուժի մեջ է մտնում 2019 թվականի նոյեմբերի 1-ից: Տեսնենք, թե ինչ է տեղի կունենա այդ ընթացքում:

Հոդվածի բնօրինակն՝ այստեղ

---

Հետևեք   newmag-ին    Telegram–ում և    Instagram–ում

---