Ի՞նչ են առաջարկում փոխել ընտրական օրենսգրքում

Հայաստանում իշխանափոխությունից հետո քաղաքական օրակարգի գլխավոր հարցը արտահերթ խորհրդարանական ընտրություններն են, բայց մինչեւ այդ կառավարության եւ խորհրդարանի գլխավոր խնդիրն է նախ փոխվի Ընտրական օրենսգիրքը: Այդ փոփոխությունների գլխավոր ուղենիշները արտահայտված են Նիկոլ Փաշինյանի կառավարության ծրագրում: Բացի այդ` ձեւավորվել է 2 հանձնաժողով խորհրդարանական եւ կառավարական, որոնք ընտրական օրենսգրքի փոփոխությունների առաջարկներ են ներկայացնում ու քննարկում: Այդ առիթով ի մի ենք բերել ամենահետաքրքիր առաջարկներն ու դրանց հակափաստարկները:
Ի՞նչ է գրված Նիկոլ Փաշինյանի կառավարության ծրագրում ԸՕ բարեփոխումների վերաբերյալ:

1. Հրաժարվել ռեյտինգային ընտրական համակարգից և անցնել լիարժեք համամասնական համակարգի,


2. Ձևավորել նոր՝ իրական պատկերն արտացոլող ընտրական ցուցակներ, որոնք հետագայում կթարմացվեն ինքնաշխատ եղանակով,


3. Բացառել կրկնաքվեարկության հնարավորությունը՝ քվեարկած ընտրողների մատնահետքերի համաժամանակյա և ինտեգրված ստուգման ցանց ստեղծելու կամ համարժեք այլ եղանակով,


4. Օրենքով երաշխավորել ընտրություններին մասնակցող քաղաքական ուժերին անվճար և վճարովի հիմունքներով տրամադրվող եթերաժամերի տեղադրումը ամենադիտվող ժամերին,


5. Բացառել քաղաքացիների կամարտահայտման վրա ապօրինի ազդեցությունների գործադրումը, ճնշումներն ու ընտրակաշառքը։ Այդ նպատակով իրավապահ համակարգում ստեղծել ընտրողների կողմնորոշման վրա ստիպողաբար կամ սպառնալիքներով գործադրվող ազդեցության, ընտրակաշառքների և օրենքով արգելված նյութական նվիրատվությունների, ծառայությունների մատուցման, ապօրինի խոստումների և ընտրարշավի ապօրինի ֆինանսավորման դեմ պայքարի ստորաբաժանում,


6. Իրականացնել Ընտրական օրենսգրքի՝ ընտրողների ազատ կամարտահայտումը երաշխավորող այլ փոփոխություններ։

1. Անցնել 100 տոկոս համամասնական համակարգի: Քվեարկությունն անցկացնել կուսակցությունների կողմից ներկայացված փակ ցուցակներով:

2. Իջեցնել ընտրություններին մասնակցող կուսակցությունների անցողիկ շեմը 1 տոկոսով` դաշինքների դեպքում դարձնելով 6, կուսակցությունների դեպքում 4:

1. Ստեղծել քվեարկած ընտրողների մատնահետքերի համաժամանակյա եւ ինտեգրված ստուգման ցանց:

2. Տեխնիկական սարքերով ընտրողների գրանցումը նախատեսել միայն նույնականացման քարտերի միջոցով:

3. Բոլոր տեղամասերը ապահովել տեսախցիկներով եւ ապահովել համաժամանակյա հեռարձակմամբ հատուկ կայքի միջոցով:

4. ՀՀԿ-ն առաջարկում է, որ ոչ միայն ընտրություններին գրանցումը լինի տեխնիկական սարքերի միջոցով, այլեւ հենց` ընտրությունը:

• ԱՄՆ ընտրություններին ՌԴ միջամտության մասին հետաքննության մեկ տարին. ի՞նչ է հայտնի այսօրվա դրությամբ


• Ո՞ւմ է պետք մեռնող նախագահը. 73-ամյա Միլոշ Զեմանը նորից առաջադրվել է նախագահի ընտրությունում


• «Ի՞նչ կատարվեց». Հիլարի Քլինթոնը գիրք է գրել ընտրություններում իր պարտության մասին և մեղադրել բոլորին

1. Անցնել 100 տոկոս համամասնական ընտրակարգի, բայց հանրապետական բաց ցուցակների:

2. Ընտրություններից առաջ (ողջամիտ ժամկետներով) դադարեցնել բարեգործական կազմակերպությունների կողմից բարեգործական ակցիաների կատարումը, բացառել այն կուսակցությունների կամ դաշինքների մասնակցությունն ընտրություններին, որոնց անվանումները համընկնում են բարեգործական կազմակերպությունների անվանումների հետ։

Հետևեք newmag-ին  Telegram-ում և  Instagram-ում։