Սուրեն Բաղդասարյան
Արարատ 73: Հայկական ֆուտբոլի ոսկեդարը
6800 ֏
Նկարագրություն
ԽՍՀՄ ֆուտբոլային ուժեղ թիմերի կողքին «միջակի» համբավ ունեցող «Արարատը» 1973-ին դարձավ երկրի չեմպիոն եւ գավաթակիր։ «Արարատ 73»-ին սկսեցին սիրել ոչ միայն գրանցած արդյունքների, այլեւ ցուցադրած կախարդական ֆուտբոլի համար։ «Արարատի» «Ոսկե 1973-ի» հանդիպումների ռեպորտաժները հայկական հեռուստատեսությամբ եւ ռադիոյով հաղորդել է Սուրեն Բաղդասարյանը։ Անվանի մեկնաբանը հուշերն ու պատմությունները շարադրել է գրքում, ուր մանրամասն ներկայացված է հաղթանակ տանող ճանապարհը։ Ականատեսի բծախնդրությամբ նկարագրված է, թե ինչ դժվարություններով ու զրկանքներով է անցել «Արարատն» ու հասել այս աննախադեպ հաջողությանը։
Լրացուցիչ տեղեկություն
Օրիգինալ անունը Արարատ 73: Հայկական ֆուտբոլի ոսկեդարը
Կատեգորիան Սպորտային
ISBN 978-9939-967-12-7
Հրատարակության տարին 2023
Էջերի քանակը 544
Չափսը 16x24, կոշտ կազմ
Հեղինակներ
Սուրեն Բաղդասարյան
Սուրեն Բաղդասարյանը (ծնվ․ 1940 թ․) 1969-ին ավարտել է Երևանի պոլիտեխնիկական ինստիտուտը։ 21 տարեկանում, 1961-ին, հաղթել է մարզական մեկնաբանների մրցույթում, սակայն առաջին անգամ մեկնաբանել է միայն 10 տարի անց՝ 1971-ին։ 1973-ին «Արարատի» բոլոր խաղերի ռեպորտաժները հայկական ռադիոյով և հեռուստատեսությամբ հեռարձակվել են միայն Սուրեն Բաղդասարյանի մեկնաբանությամբ։ Հենց այդ տարի «Արարատը» ձևակերպել է Ոսկե դուբլ՝ դառնալով ԽՍՀՄ չեմպիոն և գավաթակիր։ Սուրեն Բաղդասարյանը 50 տարուց ավելի սպորտային լրագրող է։ Նա 6 տարի գլխավորել է ՀՖՖ մամուլի ծառայությունը։ Եղել է ՀՖՖ գործադիր տնօրենի տեղակալ, 8 տարի՝ ՀՖՖ գործկոմի անդամ։ 1996-ին հիմնել է «Ֆուտբոլ+» շաբաթաթերթը։ Հայաստանի միակ ներկայացուցիչն է, որ ամեն տարի քվեարկում է Ֆրանսֆուտբոլ հանդեսի «Ոսկե գնդակ» մրցանակաբաշխության ժյուրիում։
Թողնել կարծիք