Նկարագրություն
Անհնար է խոսել աշխարհաքաղաքականության մասին՝ առանց ուժի մասին խոսելու։ Ուժային հակակշիռները, ազդեցության գոտիները, քաղաքական, տնտեսական, ռազմական հակամարտությունները միջազգային հարաբերությունների հիմքում են։ Ուժը, անկախ նրանից՝ սպառնում է, թե պաշտպանում, որոշում է պետությունների և նրանց քաղաքացիների գոյության պայմանները։
Այս գիրքը նախ ուսումնասիրում է ուժի չափանիշները՝ գործիքները, դրսևորումները և նույնիսկ նրա ստեղծած պատրանքները, ապա հանգամանալից ներկայացնում մոլորակի բոլոր հիմնական պետական միավորների և տարածաշրջանների առանցքային խնդիրների համայնապատկերը:
Վերջապես, այն նկարագրում է նոր, ոչ պետական դերակատարներին, որոնք այսօրվա աշխարհին պարտադրում են իրենց՝ երբեմն նախադեպը չունեցող ուժային ազդեցությունը: Անհրաժեշտության դեպքում հիմնվելով պատմական ակնարկների վրա, որոնք ոչ այնքան դասեր են, որքան ուսանելի օրինակներ, Ֆրեդերիկ Անսելը հաջողությամբ ու հետևողականորեն ներկայացնում է այսօրվա աշխարհի վիճակի մանրակրկիտ պատկերը՝ բացահայտելով զարգացումների միտումները:
Հայ ընթերցողն այս աշխատության մեջ պարբերաբար կգտնի ՀՀ վերջին 30 տարիների, Արցախյան հակամարտության, 44-օրվա պատերազմի, հայ-ադրբեջանական թշնամանքի, հայ-ռուսական բարդ հարաբերությունների և հայ հասարակության կորցրած հնարավորությունների անկողմնակալ, նորահայաց ու ողջամիտ բնորոշումները և եզրահանգումները։
Լրացուցիչ տեղեկություն
Օրիգինալ անունը Les Voies de la puissance
Կատեգորիան Գիտահանրամատչելի
ISBN 978-9939-967-20-2
Հրատարակության տարին 2024
Էջերի քանակը 364
Չափսը 16x24, կոշտ կազմ
Թարգմանիչ Լիլիթ Բլեյան
Հեղինակներ
Ֆրեդերիկ Անսել
Ֆրեդերիկ Անսելը (ծնվ. 1969 թ.) ֆրանսիացի գրող և աշխարհաքաղաքականության ոլորտի գիտական գործիչ է։ Բարձրագույն կրթություն և դոկտորի կոչում ստացել է Փարիզի համալսարանի Աշխարհաքաղաքական վերլուծության և հետազոտությունների կենտրոնում։ Միջազգային հարաբերություններ և քաղաքագիտություն է դասավանդում Փարիզի Բիզնես դպրոցում։ Արժանացել է Դիմադրության և տեղահանության ազգային մրցույթի (1987) և Ֆրանսիայի Աշխարհագրական ընկերության գլխավոր մրցանակներին (2015)։ 2022-ին լույս է տեսել «Ուժի ուղիները» գիրքը, որի համար ևս հեղինակն արժանացել է աշխարհաքաղաքականությանը նվիրված գրքի գլխավոր մրցանակին։
Թողնել կարծիք