Նկարագրություն
Լուկա Բրեգոլիսեն միջին տարիքի ներկարար է: Ապրում է Իտալիայի Պերուջա քաղաքում։ Երիտասարդ տարիներին մասնակցել է հասարակական տարբեր շարժումների, կինը տնային տնտեսուհի է, դուստրը չորս տարեկան է, կոմունիստ հայրը թոշակառու է։ Բրեգոլիսեն չարացած է ներգաղթյալների վրա, որոնք խաթարում են իր քաղաքի անդորրը։ Նրա օգնական Նաբիլի անչափահաս որդին թմրավաճառ է: Մարոկկացի Նաբիլը կքած է բազում հոգսերի տակ։ Եվ ահա մի օր Նաբիլի որդին անհետանում է: Բրեգոլիսեն այժմ պետք է վերջնական որոշում կայացնի:
«Այստեղ պիտի մնայի» վեպը տասնվեցօրյա ներքին մտորումների հոսք է։ Այն գրված է առաջին դեմքով եւ ներկա ժամանակով, ինչն ընթերցողին հնարավորություն է տալիս աշխարհին նայել Բրեգոլիսեի աչքերով:
Լրացուցիչ տեղեկություն
Օրիգինալ անունը Qui dovevo stare
Կատեգորիան Գեղարվեստական
ISBN 978-9939-967-13-4
Հրատարակության տարին 2023
Էջերի քանակը 160
Չափսը 16x24, կոշտ կազմ
Թարգմանիչ Լուսինե Շուքուրյան
Հեղինակներ
Ջովանի Դոցինի
Ջովանի Դոցինին (ծնվ. 1978 թ.) իտալացի գրող, թարգմանիչ և լրագրող է: Ծնվել ու մեծացել է Պերուջայում: Առաջին վեպը գրել է 2005-ին: Նրա վեպերը թարգմանվել են բազմաթիվ լեզուներով: 2019-ին դարձել է Եվրոպական Միության գրական մրցանակի դափնեկիր: «Այստեղ պիտի մնայի» վեպը լույս է տեսել 2021-ին:
Թողնել կարծիք