Նկարագրություն
Այս գիրքը փոքրիկ ճամփորդությունների միջոցով պատմում է Հայ Առաքելական եկեղեցու մասին։ Գրքի հերոսը հենց դու ես, սիրելի՛ ընթերցող։ Հեղինակն ուղեկցում է քեզ, բացատրում, թե ինչն ինչոց է Հայոց եկեղեցում` Խորհուրդներ, ծիսակարգ, բարեպաշտական սովորություններ, անդրադառնում է եկեղեցում վայելուչ կեցվածք ունենալու կարևորությանը, հերքում թյուրընկալումներն ու սնահավատությունները։ Զուգահեռ հնչում են նաև եկեղեցական հայրերի, վարդապետների, հոգևորականների խոսքերը, որոնք անբաժան են մեր հոգևոր կյանքից։ Այստեղ ամփոփված տեղեկությունները կարևոր են, քանի որ առօրյա կյանքում անկասկած առնչվելու ես քրիստոնեական այս Խորհուրդներին, ավանդություններին, սովորություններին: Լավ կլինի, որ գիտակցես, թե դրանք որտեղից են եկել, ուր են գնում և ուր կարող են մեզ տանել. չէ՞ որ քրիստոնեությունն ինքնին ճանապարհ է, որը տանում է դեպի փրկություն։ Նախատեսված է ընթերցողների լայն շրջանակի համար։
Լրացուցիչ տեղեկություն
Օրիգինալ անունը Ճանապարհ
Կատեգորիան Գիտահանրամատչելի
ISBN 978-9939-967-22-6
Հրատարակության տարին 2024
Էջերի քանակը 352
Չափսը 14.5x22.3, կոշտ կազմ
Հեղինակներ
Թովմաս Առաքելյան
Թովմաս Առաքելյանը ծնվել է Գյումրիում, պատանեկությունն անցել է Արցախի Քաշաթաղի շրջանի Իշխանաձոր, ապա Գետամեջ գյուղերում: Ավարտել է Հառիճավանքի Թրբանճյան հոգևոր ընծայարանը, 2015-19 թվականներին սովորել է Մայր Աթոռ Սբ Էջմիածնի Գևորգյան հոգևոր ճեմարանում: 2019 թ. զորակոչվել և համալրել է Հայոց բանակի շարքերը: Արցախյան 44-օրյա պատերազմի մասնակից է: 2019 թ. հոկտեմբերին տպագրել է հեղինակային` «Բարեպաշտական սովորությունները Հայոց եկեղեցում» գիրքը: Այժմ զբաղվում է բլոգինգով, ծառայում Հայոց եկեղեցու Տավուշի թեմում:
Թողնել կարծիք