Նկարագրություն
Փորձառու լրագրողը հետաքննում է պատմության մեջ ամենամեծ առեղծվածը՝ կա՞ հավաստի ապացույց, որ Հիսուս Նազովրեցին իսկապես Աստծո որդին է: Վերանայելով իր հոգևոր ճամփորդությունն աթեիզմից մինչև հավատ՝ Chicago Tribune-ի քրեական բաժնի նախկին խմբագիր Լի Ստրոբելը հարցաքննում է ճանաչված դոկտորների, որոնք դասավանդում են Քեմբրիջի, Փրինսթոնի համալսարաններում և այլ բարձրագույն կրթական հաստատություններում: Ստրոբելը նրանց հարցնում է՝ որքա՞ն վստահելի է Նոր Կտակարանը, Աստվածաշնչից դուրս կա՞ն Հիսուսի գոյության ապացույցներ, ինչո՞ւ է հարությունն իրական իրադարձություն եղել: «Ոսկե մեդալի» արժանացած այս գիրքն ընթերցվում է գրավիչ վեպի պես, բայց այն գեղարվեստական չէ, այլ ճշմարտության փնտրտուք:
Լրացուցիչ տեղեկություն
Օրիգինալ անունը The Case for Christ
Կատեգորիան Գիտահանրամատչելի
ISBN 978-9939-967-33-2
Հրատարակության տարին 2024
Էջերի քանակը 368
Չափսը 16x24, կոշտ կազմ
Թարգմանիչ Աստղիկ Սարգսյան
Հեղինակներ
Լի Ստրոբել
Լի Ստրոբելը (ծնվ․ 1952 թ.) ամերիկացի լրագրող է և գրող։ Կրթություն ստացել է Միսսուրիի համալսարանում, ապա Եյլում: 14 տարի իրավական թեմաներով լրագրող է եղել The Chicago Tribune-ում և այլ թերթերում: Հետաքննական լրագրության համար արժանացել է United Press International-ի բարձրագույն պարգևներին: Աթեիստ Լի Ստրոբելը քրիստոնյա է դարձել 1981-ին՝ Հիսուսի գոյության ապացույցները մոտ երկու տարի քննելուց հետո: ԱՄՆ 2 խոշոր եկեղեցիներում եղել է հովիվ, վարել «Հավատը կրակի տակ» հեռուստահաղորդումը: Լի Ստրոբելի հոգևոր ճամփորդությունը 2017-ին ներկայացվել է «Քրիստոսի գործի հետաքննությունը» ֆիլմում։ Christian Post առցանց թերթը Լի Ստրոբելին անվանել է ամենաազդեցիկ լավագույն ավետարանականներից մեկը։ Ռոբերտ Բոումենը «Մտածողների հավատ» գրքում նրան ընդգրկել է վերջին երկու հազարամյակի 30 ամենաազդեցիկ քրիստոնյա մտածողների ցանկ:
Թողնել կարծիք