Նկարագրություն
Այս խորաթափանց ու կիրառական ուղեցույցն օգնում է հասկանալ ու կարգավորել մշակութային տարբերությունները: Այն չափազանց օգտակար է և՛ աշխատանքի, և՛ անձնական կյանքի համար:
Ամերիկացիները բացասական կարծիք հայտնելուց առաջ գովում են, ֆրանսիացիները, նիդերլանդացիները, իսրայելցիներն ու գերմանացիներն անմիջապես ասում են այն, ինչ մտածում են, հարավամերիկացիներն ու ասիացիները կառչած են հիերարխիկ հարաբերություններին, սկանդինավցիներն էլ կարծում են, որ լավագույն ղեկավարն իրեն դրսևորում է շարքային աշխատողի պես: Եվ երբ նրանք փորձում են աշխատել իրար հետ, քաոսն անխուսափելի է դառնում:
Այս գրքում պրոֆեսոր Էրին Մեյերը դառնում է մեր ուղեկիցը մի ականադաշտում, որտեղ խիստ տարբեր անցյալ, փորձ ու մտածողություն ունեցող մարդիկ ստիպված են համատեղ աշխատանք կատարել: Իր վերլուծությունները համադրելով իր կիրառական խորհուրդների հետ՝ հեղինակը ներկայացնում է մշակութային տարբերությունների բացասական ազդեցությունն ապակոդավորող բանաձև:
Լրացուցիչ տեղեկություն
Օրիգինալ անունը The Culture Map
Կատեգորիան Գիտահանրամատչելի
ISBN 978-9939-967-14-1
Հրատարակության տարին 2023
Էջերի քանակը 256
Չափսը 14.5x22.3, կոշտ կազմ
Թարգմանիչ Դավիթ Սարգսյան
Հեղինակներ
Էրին Մեյեր
Էրին Մեյերը (ծնվ. 1971 թ.) միջազգային առաջատար INSEAD բիզնես դպրոցի պրոֆեսոր է: Նա ուսումնասիրում է աշխարհի ամենահաջողակ բիզնես առաջնորդների որոշումները, որոնցով նրանք մշակութային խնդիրները կարգավորում են աշխատանքային բազմամշակութային միջավայրում: Աֆրիկայում, Եվրոպայում և Միացյալ Նահանգներում ապրելու և աշխատելու փորձը Մեյերին մղել է ուսումնասիրել աշխարհի տարբեր անկյուններում հաղորդակցության ձևերն ու բիզնես համակարգերը: Մեյերի հետազոտությունների շնորհիվ ծանոթանալով այլ մշակույթներում ընդունված մոտեցումներին՝ միջազգային թիմերի կառավարիչներն անհրաժեշտության դեպքում վերանայում են կառավարման իրենց մեթոդները: Էրին Մեյերի հետազոտությունները հրապարակվել են Harvard Business Review-ում, Singapore Business Times-ում և Forbes.com-ում: Էրինը 2013-ին հայտնվել է Thinkers50 Radar-ի ցանկում՝ որպես աշխարհի խոստումնալից բիզնես մտածողներից մեկը:
Թողնել կարծիք