Նկարագրություն
Այս գիրքը պրոակտիվ առաջնորդության մասին է։ Առաջնորդություն, որտեղ փոքր դերը ծառայեցվում է մեծ նպատակին՝ լինի բիզնես, կրթություն, թե որևէ այլ ոլորտ։ Գիրքը նաև կոչ է անում համատեղ փնտրել լուծումներ, հաղթահարել ֆունկցիոնալ անգրագիտությունը, բարձրացնել սոցիալական պատասխանատվության և կրթության ցածր մակարդակը։ Հեղինակն ընդգծում է ֆունկցիոնալ առաջնորդության, մենթորության և հոգատարության միջոցով դրական փոփոխություններ առաջ բերելու կարևորությունը։
Հիմնվելով միջազգային, տեղական ու անձնական փորձի վրա՝ հեղինակը մշակել և առաջարկում է գործուն մեթոդներ ու պրակտիկ խորհուրդներ, որոնք օգտակար կլինեն հետաքրքրասեր և ուսումնասիրող պատանիներին ու երիտասարդներին։ Գիրքը նաև օգնում է բացահայտել դրական փոփոխությունների ունիվերսալ ալգորիթմը։ Գրքում նկարագրված են բիզնեսի, կրթության և այլ ոլորտների գլոբալ ու լոկալ ազդեցիկ օրինակներ, որոնց շնորհիվ պրոակտիվ առաջնորդությունը զգալի փոխակերպումներ է առաջ բերել մեծ ու փոքր համայնքներում և էկոհամակարգերում:
Գիրքը ևս մեկ ապացույց է, որ արդյունավետ ու պրոակտիվ առաջնորդ չեն ծնվում, այլ դառնում են։ Մոտիվացիայի մասին խոսելն ավելորդ է դառնում, երբ իսկապես գիտես «ի՞նչ», «ինչպե՞ս» և հատկապես «ինչո՞ւ» հարցերի պատասխանները։ Այս գրքում կգտնես նաև այդ հարցերի պատասխանները։
Լրացուցիչ տեղեկություն
Օրիգինալ անունը Proակտիվ առաջնորդը
Կատեգորիան Անձնական աճ
ISBN 978-9939-967-23-3
Հրատարակության տարին 2024
Էջերի քանակը 200
Չափսը 14.5x22.3, կոշտ կազմ
Հեղինակներ
Գոռ Կարապետյան
Գոռ Կարապետյանը (ծնվ. 1984 ) Targeting և Simple Business Academy ընկերությունների համահիմնադիրն է և գործադիր տնօրենը։ Simple Business Academy-ի և այլ կրթական հարթակներում դասավանդում է թվային մարկետինգ։ Վերջին տարիներին սոցիալական և կրթական ակտիվ գործունեություն է ծավալում Երևանում և մարզերում՝ երիտասարդների մասնագիտական կողմնորոշման և առաջնորդության զարգացման նպատակով։ Միայն վերջին երեք տարում՝ սոցիալական գործունեության շրջանակում, հանդիպել է ավելի քան 7 հազար երիտասարդի հետ։ «Հաջողության թաքնված կողմը» ձեռնարկը հեղինակի առաջին գիրքն է։ Այն հրատարակվելուց հետո ծնունդ է տվել նաև երկու խոշոր նախաձեռնությունների. ստեղծվել են «Հաջողության ակադեմիան», որը երկու ամսվա ծրագիր է երիտասարդների համար, և «Roadcast-Հաջողության ճանապարհին» հեռուստանախագիծը։ «Proակտիվ առաջնորդը» հեղինակի երկրորդ գիրքն է։
Թողնել կարծիք