Նկարագրություն
Google-ի մարդկային ռեսուրսների կառավարման գծով ղեկավարը բեկումնային հետազոտություն է արել աշխատանքի կազմակերպման ոլորտում։ Հետազոտման արդյունքների կիրառումը կօգնի, որ ձեր բիզնեսում ներգրավեք ամենատաղանդավոր աշխատակիցներին, որոնք պատրաստ են հաջողության հասնել:
Հիմնվելով վարքագծային տնտեսագիտության վերջին հետազոտությունների եւ մարդկային հոգեբանության խորքային ընկալումների վրա՝ «Ի գործը» բերում է ճանաչված, բայց աշխատանքի համար ոչ լավագույն ընկերությունների օրինակները եւ ներկայացնում պակաս հայտնի ընկերությունները, որոնք տպավորիչ արդյունքների են հասնում սեփական աշխատակիցներին արժեւորելու եւ նրանց լսելու շնորհիվ: Բոկն օգնում է ներսից տեսնել Google-ի կառավարման խոհանոցը. հաջողակ ընկերություն, որը տարիներ շարունակ համարվում է աշխատանքի լավագույն վայրերից մեկը եւ որտեղ կյանքի են կոչվում երկար տարիների հետազոտությունների արդյունքները:
«Ի գործը» ցույց է տալիս, թե ինչպես է պետք հավասարակշռել ստեղծարարությունն ու վարչարարությունը, հասնել հաջողության, որը կարելի է չափել կյանքի որակի փոփոխությամբ: Կարդացեք այս գիրքը, եթե ցանկանում եք ձեր ընկերությունը կառավարել ներքեւից, ոչ թե վերեւից: Կարդացեք, որ սովորեք հաճույք ստանալ ձեր աշխատանքից:
Լրացուցիչ տեղեկություն
Օրիգինալ անունը Work Rules!: Insights from Inside Google That Will Transform How You Live and Lead
Կատեգորիան Գիտահանրամատչելի
ISBN 978-9939-967-00-4
Հրատարակության տարին 2023
Էջերի քանակը 620
Չափսը 14.5x22.3, կոշտ կազմ
Թարգմանիչ Լիանա Զաքարյան
Հեղինակներ
Լասլո Բոկ
Ամերիկահունգար գործարար Լասլո Բոկը Humu ընկերության համահիմնադիրն է ու գործադիր տնօրենը: Նախկինում աշխատել է որպես Google-ի մարդկային ռեսուրսների կառավարման գծով ավագ փոխնախագահ: Ծնվել է Ռումինիայում, 1972-ին: Նախքան Google-ին միանալը Բոկը ղեկավար պաշտոններ է զբաղեցրել General Electric-ում, կառավարման հարցերով խորհրդատու եղել McKinsey & Company-ում, պաշտոններ զբաղեցրել ստարտափ և հասարակական կառույցներում: Google-ում աշխատելու ընթացքում ընկերությունն ավելի քան 30 անգամ ճանաչվել է աշխատանքի լավագույն վայրն աշխարհում և ստացել ավելի քան 100 մրցանակ, որպես լավագույն գործատու: HR Resources ամսագիրը Բոկին ճանաչել է «Մարդկային ռեսուրսների կառավարման գծով տարվա ղեկավար» (2010)։ Բոկը պաշտոնը թողել է 2016-ին, սակայն շարունակել է աշխատել որպես ընկերության գործադիր տնօրեն Սունդար Պիչայի խորհրդական: 2015-ի ապրիլի 7-ին Բոկը հրատարակել է իր առաջին գիրքը՝ «Ի գործը», որը դարձել է The New York Times և Wall Street Journal ամսագրերի բեսթսելլեր: Գիրքը գործնական ուղեցույց է, որըմարդկանց օգնում է իմաստ գտնել իրենց աշխատանքի մեջև փոխել մոտեցումները կյանքի և առաջնորդության վերաբերյալ: Գիրքը գովազդելու նպատակով Բոկը շրջագայել է աշխարհով մեկ՝ հաճախ ընտանիքի ուղեկցությամբ: Բացի իր հեղինակած գրքերից, նա նաև գրել է Քոլ Նուսբաումեր Քնաֆլիկի «Պատմություններ տվյալների օգնությամբ. տվյալների վիզուալացման ուղեցույց գործարարների համար» գրքի նախաբանը:
Թողնել կարծիք