Ինչու Նարինե Աբգարյանը պատմվածքը վերածեց վեպի, Սիմոնին՝ գլխավոր հերոսի ու նրա մասին գրեց պատերազմի ժամանակ (տեսանյութ)

Սիմոնը դագաղում՝ անլար ականջակալով: Հայկական փոքրիկ քաղաքում մահանում է քարտաշ Սիմոնը: Նա հարգելի և սիրելի հարևան էր, հայտնի իր անթիվ ու անհամար սիրային արկածներով: Եվ ահա, մի հարկի տակ հավաքվում են Սիմոնի բոլոր նախկինները՝ վերջին հրաժեշտը տալու: Եվ այստեղ էլ սկսվում է պատմությունը. հերոսներից բոլորը ինչ-որ մի թելով կապված են գրքի գլխավոր հերոսին՝ Սիմոնին:

«Սիմոն» գրքում Նարինե Աբգարյանը ներկայացնում է մի աշխարհ, որտեղ հերոսների ճակատագրերը իդեալականից շատ հեռու են: Հերոսներին չի քննադատում, գնահատական չի տալիս նրանց արարքներին՝ դա թողնելով ընթերցողին: Մարդկային ճակատագրերի հորձանուտ Նարինե Աբգարյանի գրքում՝ համեմված սիրային արկածներով: Ով է Սիմոնը, ովքեր են Սիլվան, Էլիզան, Սոֆիան, Սուսանանն և բոլոր այն կանայք, ովքեր հիշատակվում են գրքում:

«Սիմոնը» պատմություն է մեծ քաղաքից հեռու ապրող պարզ մարդկանց վարք ու բարքի, կանանց կյանքի ու մտածմունքների մասին:

Նարինե Աբգարյանը միայն իրեն հատուկ նրբանկատությամբ ու գրական հմտությամբ սովորական կնամոլին վերածում է վեպի գլխավոր հերոսի: Նրա շիրիմի շուրջ նախկին սիրուհիները գինի են խմում, պատմում ու վերհիշում իրենց կյանքը՝ հյուսելով տրագիկ ու կոմիկական մի մեծ պատմություն՝ փոքրիկ քաղաքի բնակիչների մասին: «Սիմոնը» պատմություն է մեծ քաղաքից հեռու ապրող պարզ մարդկանց վարք ու բարքի, կանանց կյանքի ու մտածմունքների մասին:

Հեղինակը նկարագրում է գյուղական համայնքը, որտեղ աղջիկ փախցնելը դեռ սովորական բան է, հարսին դեռ կարելի է դարձնել տան ծառա ու պետք եղած ժամանակ էլ խլել երեխային, կարելի է երիտասարդին ստիպել, որ ամուսնանա ծնողների ընտրած աղջկա հետ, հետո էլ աչք փակել որդու դավաճանության վրա, բայց հարսին դարձնել անառակ: Այստեղ անմեղ հերոսներ չկան, բոլորը մեղքի իրենց բաժինն ունեն:

Կարդացեք նաև

• Բացառիկ հարցազրույց Նարինե Աբգարյանի հետ. Ինչու հենց «Սիմոնը» դարձավ մեր ժամանակների իր հերոսը (տեսանյութ)
• Հայ-ռուսական «Օրակուլ» մատենաշարը ներկայացնում է Նարինե Աբգարյանի «Սիմոն» վեպը (թրեյլեր)
• [Newmag Summer Fest-2021] Ուշագրավ մանրամասներ «Սիմոն» գրքի շնորհանդեսից (տեսանյութ, լուսանկարներ)

Հանգուցյալն է գլխավոր հերոսը, որի վերջին հրաժեշտը տալու շնորհիվ բացահայտվում են փոքրիկ քաղաքի մութ պատմությունները: Ինչպես հեղինակի մյուս վեպերում, այս պատմությունը փոքր քաղաքի մասին է, որի փողոցներն ընթերցողի համար կենդանանում են հերոսների պատմություններով: Հեղինակն այս անգամ էլ ապացուցում է, որ փոքր քաղաքում յուրաքանչյուր պատմություն ու յուրաքանչյուրը կապված են մեկը մյուսի հետ: