Առաջին գիրք ու առաջին ալբոմ. 8 փաստ «Հայաստանն ու Բուշն անձամբ» գրքի հեղինակի մասին (տեսանյութ)

1. Ամերիկագետ Սուրեն Սարգսյանն իրավաբանություն և միջազգային իրավունք է սովորել Երևանի պետական համալսարանում և Հայաստանի ամերիկյան համալսարանում։

2. Թաֆթսի համալսարանի Ֆլետչերի իրավունքի և դիվանագիտության դպրոցում 2010-ին ստացել է միջազգային իրավունքի մագիստրոսի աստիճան։

3. Այժմ աշխատում է թեկնածուական թեզի վրա՝ Բրյուսովի անվան պետական համալսարանի ասպիրանտուրայում։

4. Մինչև 2017 թվականն աշխատել է պետական համակարգում՝ ֆինանսների նախարարություն, արտգործնախարարություն, նախագահի աշխատակազմ, կառավարություն։

5. 2017-ից Ամերիկյան հետազոտությունների հայկական կենտրոնի նախագահն է։ Գիտահետազոտական կենտրոնն այդ բնութի առաջինն ու միակն է, որն ուսումնասիրում է ամերիկյան քաղաքականությունը, վերլուծում ԱՄՆ ներքին և արտաքին քաղաքական որոշումները։

6. Տարբեր տարիներին տարբեր ձևաչափերով Սուրեն Սարգսյանը հանդիպումներ, քննարկումներ և հարցազրույցներ է ունեցել ԱՄՆ բարձրաստիճան պաշտոնյաների հետ. 45-րդ նախագահ Դոնալդ Թրամփ, պետքարտուղարներ Հենրի Քիսինջեր, Կոնդոլիզա Ռայս, Ջոն Քերրի, պաշտպանության նախարար Դոնալդ Ռամսֆելդ։

7. «Հայաստանն ու Բուշն անձամբ» գիրքը Սուրեն Սարգսյանի առաջին աշխատությունն է: Արդեն աշխատում է երկրորդի վրա։ Այս տարի ամերիկագետը ներկայացնում է ոչ միայն առաջին գիրքը, այլև թողարկելու է երաժշտական առաջին ալբոմը։

8. Սուրեն Սարգսյանը ռոք երաժիշտ է, մինչև օրս էլ ընկերներ հետ երբեմն նվագում է ռոք բենդում։ Տիրապետում է հինգ երաժշտական գործիքի՝ կիթառ, բաս կիթառ, դաշնամուր, հարվածային գործիքներ և շրթհարմոն:

Կարդացեք նաև

• [Շնորհանդես]. Բուշից մինչև Բայդեն՝ որտեղից սկսվեցին հայ-ամերիկյան հարաբերությունները և դեպի ուր են շարժվում (տեսանյութ, լուսանկարներ)
• [Նոր գիրք] Newmag Winter Fest-ին տեղի կունենա Սուրեն Սարգսյանի «Հայաստանն ու Բուշն անձամբ» գրքի շնորհանդեսը (թրեյլեր)
• [Պանելային քննարկում] Հայ-ամերիկյան հարաբերությունները՝ Բուշից մինչև Բայդեն (տեսանյութ, լուսանկարներ)