Հայաստանը ձախողեց կորոնավիրուսի դեմ պայքարը. ինչու հիմա՛ կարդալ «Համավարակ» գիրքը (տեսանյութ)

Երբ ամբողջ աշխարհի լրատվամիջոցները խոսում էին նոր տեսակի կորոնավիրուսի մասին, թվում էր՝ այդ վարակը բավականաչափ հեռու է մեզնից և երբեք չի հասնի Հայաստան։ 2020-ի հունվարին վարակի ներթափանցման վտանգը դարձավ իրական։ Հունվարի վերջին կառավարությունը Տիգրան Ավինյանի գլխավորությամբ ստեղծեց այդ հարցով զբաղվող միջգերատեսչական հանձնաժողով:

Հանձնաժողովի ձևավորումից 3 օր անց Առողջապահության նախարարությունը տեղեկացրեց, որ ստացել են կորոնավիրուսի ախտորոշման լաբորատոր թեստեր։ Այդ օրերին հոսպիտալացվեց 6 քաղաքացի, սակայն նախարարության պնդմամբ՝ նրանք վարակակիր չէին։ Նախարարությունը հայտարարում էր, որ իրականացնում է սահմանային վերահսկողություն։

Մարտի 11-ին պաշտոնապես հայտարարվեց, որ գրանցվել է կորոնավիրուսի 3 նոր դեպք՝ 2-ը Հայաստանի քաղաքացի էին, 1-ը՝ Իտալիայի։ 3-ն էլ Հայաստան էին եկել Իտալիայից:

Այդ ընթացքում Իրանում կորոնավիրուսի դեպքերը երկրաչափական պրոգրեսիայով աճում էին։ Կառավարությունը որոշեց 2 շաբաթով սահմանափակել ցամաքային հաղորդակցությունն Իրանի հետ։ Հաջորդող օրերին Թեհրանից Հայաստան տեղափոխվեցին Հայաստանի քաղաքացիներ։ Հենց նրանցից մեկի մոտ էլ հայտնաբերվեց կորոնավիրուսի առաջին դեպքը։ Նա Հայաստան էր եկել փետրվարի 28-ին, դեպքի մասին Նիկոլ Փաշինյանը հայտարարեց մարտի մեկին։

Այդ ընթացքում վարակը անհավանական տեմպով տարածվում էր Իտալիայում։ Մարտի 10-ին Ryanair ավիաըանկերությունը հայտարարեց դեպի Իտալիա թռիչքների մասին։ Արտգործնախարարությունը Հայաստանի քաղաքացիներին կոչ արեց անհապաղ վերադառնալ Իտալիայից։

Մարտի 11-ին պաշտոնապես հայտարարվեց, որ գրանցվել է կորոնավիրուսի 3 նոր դեպք՝ 2-ը Հայաստանի քաղաքացի էին, 1-ը՝ Իտալիայի։ 3-ն էլ Հայաստան էին եկել Իտալիայից: Նրանք շփվել էին 57 քաղաքացու հետ, որոնց կառավարությունը մեկուսացրեց։ Ավելի ուշ նախարարությունը հայտարարեց, որ այս 3 վարակվածներից մեկը՝ 45-ամյա կինը վարակել է 2 մարդու։ Սա առաջին դեպքն էր, որ վարակը փոխանցվում էր Հայաստանի ներսում։

Կարդացեք նաև

• Տեղի ունեցավ Պաոլո Ջորդանոյի «Համավարակ» գրքի հեռուստաշնորհանդեսը (տեսանյութ)
• Աշխարհը կորոնավիրուսի տարում. Newmag-ը հրապարակել է իտալացի գրող Պաոլո Ջորդանոյի բեսթսելլերը՝ «Համավարակ» (թրեյլեր)
• Պաոլո Ջորդանո. Իտալիայի գրական ձայնը կորոնավիրուսի ժամանակ (տեսանյութ)

Իշխող քաղաքական ուժն այդ ընթացքում Սահմանադրության հանրաքվե անցկացնելու համար երկրով մեկ անցկացնում էր քարոզարշավ։ Նոր վարակակիրների ի հայտ գալուց հետո Նիկոլ Փաշինյանը ընդհատեց արձակուրդը, որը վերցրել էր քարոզարշավի համար։ Կրթության նախարարը հայտարարեց դպրոցներում դասերը ընդհատելու մասին։  Ուշ երեկոյան Փաշինյանը հայտնեց, որ մարտի 1-ից Ծաղկաձորի «Գոլդեն Փելեսում» մեկուսացված 31 քաղաքացիներից 2-ը կուղարկվեն «Նորք» ինֆեկցիոն։

Մարտի 15-ի երեկոյան արդեն հայտնի էր 26 դեպքի մասին, որից 2-ը կապ ունեին Էջմիածնի դեպքի հետ, 1-ը գրանցվել էր Մեղրիում։ Այդ օրը գրանցվեց կորոնավիրուսից առողջացման առաջին դեպքը։ Հաջորդ օրը փակվեցին Էջմիածնի ելքերը։ Հայտարարվեց երկրորդ խոշոր աղբյուրի մասին՝ Շենգավիթի մի ձեռնարկությունում։